Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

പറഞ്ഞിട്ട് വേഗം താഴെ വീണു കിടന്ന കുപ്പിയും, പിന്നെ ആ വലിയ ഭാരമുള്ള ബാഗും എടുത്തിട്ട് അവന്‍ സിറ്റൗട്ടിൽ നിന്നിറങ്ങി പുറത്തേക്ക്‌ ഗേയിറ്റ് നോക്കി നടന്നു.

ച്ചേ, എന്തിനാണ് ആ പാവം ചെറുപ്പക്കാരനോട് ഞാൻ ദേഷ്യപ്പെട്ടത്. എത്ര നീചമായിട്ടാണ് ഞാൻ പെരുമാറിയത്. വെറും തരംതാഴ്‌ന്ന വിധത്തിലാണ് അവനോട് ഞാൻ സംസാരിച്ചത്. സാധാരണയായി ഇങ്ങനെ മോശമായി ആരോടും ഇതുവരെ ഞാൻ പെരുമാറിയിട്ടില്ല. പക്ഷേ ഇപ്പൊ…

എനിക്ക് സ്വയം ദേഷ്യം തോന്നിപ്പോയി. പാവം, അവന്‍ കുടിക്കാനുള്ള വെള്ളം ചോദിക്കാൻ വേണ്ടിയാവും ആ കാലി വാട്ടർ ബോട്ടിൽ ഇങ്ങോട്ട് കൊണ്ടുവന്നത്. ഉച്ചക്ക് ഭക്ഷണം പോലും കഴിക്കാത്ത പോലെയും എനിക്ക് തോന്നി. പിന്നെ ദാഹം കാരണം അവന്റെ വരണ്ടു പോയ തൊണ്ടയും… എനിക്ക് പെട്ടന്ന് അതൊക്കെ വിചാരിച്ച് സങ്കടം വന്നു.

അവന്റെ ക്ഷീണിച്ച മുഖവും, തളര്‍ന്നുള്ള നടത്തവും, വിയർത്ത ദേഹവും കൂടി കണ്ടിട്ട് എനിക്ക് സങ്കടം സഹിച്ചില്ല. എനിക്ക് പെട്ടന്ന് അവനോട് സഹതാപം തോന്നി. പിന്നെ ഞാൻ അവനോട് പെരുമാറിയ വിധവും ഓര്‍ത്ത് ഞാൻ ശെരിക്കും ലജ്ജിച്ച് എന്റെ തല താഴ്ത്തിപ്പോയി.

“ഹലോ…,” പെട്ടന്ന് ഞാൻ അവനെ വിളിച്ചു. “ഇങ്ങോട്ട് വന്നേ.”

അവന്‍ നിന്നിട്ട് തിരിഞ്ഞുനോക്കി. പക്ഷേ അവന്‍ വരാതെ അവിടെതന്നെ മടിച്ചു നിന്നു.

“സോറി, കേട്ടോ.” ഞാൻ ക്ഷമ ചോദിച്ചു. “ഞാൻ വേറെ ഒരു പ്രശ്‌നം വിചാരിച്ച് ദേഷ്യത്തിലായിരുന്നു… അങ്ങനെയാണ് ഒന്നും ചിന്തിക്കാതെ ഞാൻ ആ ദേഷ്യം നിന്നോട് കാണിച്ചുപോയത്.” ഞാൻ ന്യായീകരിച്ചു.

“സാരമില്ല ചേച്ചി.” അവന്‍ പുഞ്ചിരിച്ചു. എന്നിട്ട് തിരികെ നടന്നുവന്ന് സിറ്റൗട്ടിൽ കേറി എന്റെ മുന്നില്‍ നിന്നു. ശേഷം