Chapter Title : മനപ്പൂര്‍വ്വം ചെയ്ത തെറ്റ് [Eros - God of Lust]

തിരികെ വിട്ടിട്ട് ഞാനും കുട്ടികളും വീട്ടിലേക്ക് വന്നു. ജോസേട്ടൻ എന്നോട് സംസാരിക്കാതെ ഒഴിഞ്ഞുമാറിയാണ് നടന്നത്. പുള്ളി പ്രതീക്ഷിച്ച പോലെ ഞാൻ അങ്ങോട്ട് താങ്ങിച്ചെന്ന് സംസാരിക്കാനും പോയില്ല. രാവിലെ, ഉച്ച, രാത്രിയും, ഫുഡ് കഴിക്കുന്ന സമയം ജോസേട്ടൻ എന്റെ മുഖത്തേക്ക് പോലും നോക്കിയില്ല.

രാത്രി റൂമിൽ കേറി ജോസേട്ടൻ കമിഴ്ന്നു കിടന്നു. ഞാൻ ഒന്നും മിണ്ടാതെ ലൈറ്റ് ഓഫാക്കി പുറം തിരിഞ്ഞ് കിടന്നുറങ്ങി.

ജോസേട്ടന് അതിരാവിലെ പോകാനുള്ളത് കൊണ്ട്‌ ഞാൻ വെളുപ്പിന് തന്നെ എഴുനേറ്റ് ജിമ്മും യോഗയും കഴിഞ്ഞ് പ്രാതല്‍ ഉണ്ടാക്കി കൊടുത്തു. അപ്പോഴും അദ്ദേഹം എന്റെ മുഖത്തേക്ക് നോക്കിയില്ല, ഒന്നും മിണ്ടിയതുമില്ല. പക്ഷേ ഇനിയും എനിക്ക് മിണ്ടാതിരിക്കാൻ കഴിയാത്തത് കൊണ്ട്‌ ഞാൻ അങ്ങോട്ട് കേറി സംസാരിച്ചു. അപ്പോ അതിനുള്ള മറുപടി തന്നു എന്നല്ലാതെ ജോസേട്ടന് ഒന്നുംതന്നെ ഇങ്ങോട്ട് ചോദിക്കുകയോ എന്തെങ്കിലും സംസാരിക്കുയോ ചെയ്തില്ല.

ജോസേട്ടൻ റെഡിയായി കൃത്യം അഞ്ച് മണിക്ക് തന്നെ ഇറങ്ങി. പുള്ളി കാറിൽ കേറിയതും ഞാൻ ചെന്ന് ഗെയിറ്റ് തുറന്നിട്ടിട്ട് സൈഡിൽ മാറി നിന്നു. ജോസേട്ടൻ കാറോടിച്ച് വന്ന് എന്റെ അടുത്ത് നിര്‍ത്തി.

“ഞാൻ പോയ്ട്ട് വരാം, ഡെയ്സി.” ഒടുവില്‍ ജോസേട്ടൻ എന്റെ മുഖത്ത് നോക്കി നല്ല ഗൗരവത്തിൽ പറഞ്ഞു.

“ശെരി, ജോസേട്ടാ.”

“ഞാൻ നേരത്തെ പറഞ്ഞത് പോലെ, ഞാൻ തിരികെ വരാൻ കുറഞ്ഞത് ഒരു മാസമെങ്കിലും ആകും, ഏറിയാൽ 7 ആഴ്ചയോ രണ്ട് മാസമോ ആയേക്കാം, ട്രെയിനിങ്ങും മറ്റും കാരണം ഞാൻ എപ്പോഴും ബിസിയായിരിക്കും. അതുകൊണ്ട്‌—”

“ഇല്ല, ഞാനായിട്ട് അങ്ങോട്ട് വിളിച്ച് നിങ്ങടെ ട്രെയിനിങ് മുടക്കില്ല.” ഇടക്ക് കേറി ഞാൻ പറഞ്ഞു.

അപ്പോ