Chapter Title : മനയ്ക്കലെ വിശേഷങ്ങൾ 5 [ Anu ]

കൊടുത്തു.. അവൾ കളിച്ചു കൊണ്ട് അത് കഴിച്ചു..

"അമ്മേ.. ഇന്നുണ്ടല്ലോ.. ഒരു മാമൻ ഉസ്കൂളിന്നു വരുമ്പോ ഇണ്ടല്ലോ നിക്ക് ഒരു വല്യ മുട്ടായി തന്നു.അമ്മയെ മാമന് അറിയാന്നു..അമ്മയെ കാണാൻ മാമൻ ഇന്ന് വരുന്നു പഞ്ഞു"

അത് കേട്ട മായ ഒന്നു ഷോക്കായി പോയി രതീഷേട്ടൻ ആയിരിക്കും അത്..അയാള് ഇന്ന് രാത്രി വന്ന ദൈവമേ ആലോചിക്കാൻ കൂടി വയ്യ..അയ്യോ കുഞ്ഞിനോട് എന്തിനാ അയാള് ഇങ്ങനെയൊക്കെ പറഞ്ഞെ..പേടിച്ചു കൊണ്ട് അവളുടെ നെഞ്ച് കിടുകിട ഇടിച്ചു തുടങ്ങി...

"ഞാൻ പറഞ്ഞിട്ടില്ലേ മോളെ കണ്ടവരോടൊന്നും ഒന്നും വാങ്ങിച്ചു കഴിക്കല്ലെന്നു.. അമ്മയ്ക്ക് അറിയുന്ന ഒരു മാമനും ഇല്ല ആരും ഇല്ല .ചുമ്മാ ആരേലും എന്തേലും പറയുമ്പോയേക് വാങ്ങിച്ചു കഴിക്യ.. ഇനിയൊ മറ്റോ ഇങ്ങനെ ഉണ്ടായ അടിച്ചു പൊട്ടിക്കും ഞാൻ കേട്ടോ"

ഇതു കേട്ട മീനുട്ടിയുടെ മുഖം കരച്ചിലിനോട് അടുത്തെത്തി...

"മ്മ് മോങ്ങാൻ നിൽക്കണ്ട ദാ കഴിക്ക്"

ചോറ് ഉരുള്ള വായിലേക്ക് വെച്ചു കൊടുത്തപ്പോൾ പേടി കൊണ്ട് മീനുട്ടി മെല്ലെ വിങ്ങി കൊണ്ട് കഴിച്ചു..

കഴിഞ്ഞ ദിവസത്തെ പോലെ നല്ല കാറ്റും മഴയ്ക്കുള്ള കോളുണ്ടായിരുന്നു മാനത്തു... നന്നായിട്ടു കാറ്റു വീശുന്നുണ്ട്...

ആ സമയത്താണ് പാടത്തു നിന്നു കേറി കാവ്യ വരുന്നത് മായ വരാന്തയിൽ നിന്നും കണ്ടത്...

ഇവളു ഇതു എവിടെ പോയതായിരിക്കും.. പോയപോലെ തന്നെ അടിപൊളിയായിട്ടു ആണല്ലോ വരവ് ആ ചോദിക്കാൻ പോകണ്ട അവളുടെ വായിൽ ഇരിക്കുന്നത് വെറുതെ കേൾക്കുന്നത് എന്തിനാ അല്ലേൽ തന്നെ മനുഷ്യൻ ഇവിടെ തീ പിടിച്ചു ഇരിക്കുവല്ലേ ആ കാലമാടൻ എങ്ങാനും ഇന്ന് രാത്രി വന്ന തീർന്നു എന്റെ ജീവിതം തീർന്നു.. മായ മനസ്സിൽ ഓരോന്ന് ചിന്തിച്ചു കൂട്ടി..

തറവാട്ടു മുറ്റത്തേക്കു കേറിയ കാവ്യ മായയെ കണ്ടു ഒന്നു അടുത്തേക് വന്നു..

കുഞ്ഞിനെ നോക്കി ചിരിച്ചു കൊണ്ട് അവളുടെ അടുത്തെക്കു വന്നു..

"ആഹാ.. മേമേടെ..മീനു മോള് മാമുണുവാണോ.. എന്റെ പഞ്ചാര മോളാണെ കഴിച്ചോട്ടെ .. അവളുടെ ഇരു കവിളും പിടിച്ച് കാവ്യ ഒന്നു കുലിക്കിയപ്പോൾ മീനുട്ടി ഒന്നു കിന്നരി പല്ലുകൾ കാട്ടി ചിരിച്ചു"

"അല്ല മായേ നീ എവിടെയാ പോയെ രാവിലെ കാണാണില്ലായിരുന്നല്ലോ."