മന്ദാകിനി

Mandakini | Author : Mahi

"കൈ വിട് മിഥുൻ.... "

തന്റെ ഇടതു കൈത്തണ്ടയിൽ മുറുകുന്ന മിഥുന്റെ കൈയിലേക്ക് നോക്കി അനാമിക ചീറി....ക്യാമ്പസിലെ ഏകദേശം വിദ്യാർത്ഥികളും അവർക്കുചുറ്റും കൂടിയിരുന്നു.....  സ്ഥലം mla യുടെ മകനുനേരെ ഒരക്ഷരംപോലും മിണ്ടാൻ ഓരോരുത്തരും ഭയന്നു..

"എന്താ അനു ഇത്..... ഞാനൊന്ന് തോട്ടെന്നുവച്ച് നീ ഉരുകി പോകുമോ..."

അടുത്ത നിമിഷം അനാമികയുടെ വലത് കരം മിഥുന്റെ കരണത്ത് പതിഞ്ഞു....അവന്റെ മുഖം ഒരു വശത്തേക് വേച്ചുപോയി.... കണ്ണുകൾ ചുവന്നു

"ഡീീീ...."

അവൻ അലറിവിളിച്ചുകൊണ്ട് അവൾക്കുനേരെ ഉയർന്നതും ഇരുവർക്കും ഇടയിലേക്ക് സെറ തടസമായി നിന്നു....

സെറ അബ്രാം..... മിഥുൻ പല്ലിറുമി

"മിഥുൻ.... മതി..... അവൾക്ക് നിന്നെ ഇഷ്ടമല്ല.... പിന്നെന്തിനാ ഇങ്ങനെ ഇവളെ ശല്യം ചെയ്യുന്നേ?...."

"അത് ചോദിക്കാൻ നീ ആരാടി..... ഞങ്ങളുടെ കല്യാണം ഉറപ്പിച്ചതാ...."
അവൻ പുച്ഛത്തോടെ പറഞ്ഞു

"ഉറപ്പിച്ചതല്ലേ.... കഴിഞ്ഞിട്ടില്ലല്ലോ....."

സെറ അനാമികയുടെ കൈയിൽ പിടിച്ച് മിഥുനെ മറികടന്നു ക്ലാസ്സിലേക്ക് നടന്നു.... അവൻ അവളെ പകയോടെ നോക്കി നിന്നു....

.
.
.
.
.

ക്ലാസ്സിലേക്ക് വന്ന അനാമിക ഡെസ്കിൽ തലവച്ച് കിടന്നു.... സെറ അവളെ മൈൻഡ് ചെയ്യാതെ ബാഗിലെന്നൊരു ചെറിയ കണ്ണാടിയും ഐലീനറും കൈയിലെടുത്തു...

"തിരക്കിട്ട് ഇറങ്ങിയപ്പോ കണ്ണെഴുതാൻ പറ്റീല...."

തന്നെ കൂസാതെ ഇരുന്ന് കണ്ണെഴുതുന്ന സെറയെ അവൾ കൂർപ്പിച്ച് നോക്കി

"അവനിന്ന് എന്റെ കൈയിൽ പിടിച്ചു...."
അനാമിക ദേഷ്യത്തോടെ പറഞ്ഞു

"നീ അവന്റെ കരണം അടിച്ച് പുകച്ചില്ലേ.... പിന്നെന്താ...."

"നീയെന്താ സെറാ ഇങ്ങനെ..... അവനെ നിനക്ക് അറിയില്ലേ, ഇനി എന്തൊക്കെ പ്രശ്നം ഉണ്ടാകുമെന്ന് നിനക്ക് വല്ല ഊഹവും ഉണ്ടോ...."

"എന്ത് പ്രശ്നം..... അവൻ ചോദിച്ചപോലെ തൊട്ടാൽ ഉരുകുമോ നീ.... ഇനിയും ഇതുപോലെ വന്നാൽ അടിച്ച് കരണം പൊളിക്കണം...."

"നീ പറയുന്നപോലെ അല്ല.... നീയും സൂക്ഷിച്ചോ, നിന്നോടും കാണും അവന് പക"

സെറ അവളെയൊന്നു നോക്കി.... പകയോ... എന്നോടോ

"ഇന്ന് നിന്റെ സ്ഥാനത്ത് ഞാൻ ആയിരുന്നെങ്കിൽ  പച്ചക്ക് കത്തിച്ചേനെ അവനെ ഞാൻ....."

അനാമിക സെറയുടെ കണ്ണുകളിലേക്ക് നോക്കിയിരുന്നു..... എന്തോ ഒരു ധൈര്യം ആ കണ്ണുകൾക്ക് പുറകിൽ ഉണ്ടായിരുന്നു..... ആരെയും ശ്രദ്ധിക്കാത്ത സ്വഭാവക്കാരി...

കോളേജിലേക്ക് വന്നതിനുശേഷം ആദ്യമായി കിട്ടിയ സൗഹൃദം....

.
.
.
.

മൂന്നുനിലകളായി ഉയർന്നുനിൽക്കുന്ന വൃന്ദാവനത്തിന്റെ മുന്നിൽ നിൽക്കുമ്പോൾ അനാമികയുടെ ശരീരം വിറച്ചു.....കോളേജിൽ നടന്നതൊക്കെ അച്ഛൻ അറിഞ്ഞിട്ടുണ്ടാവും

ഒരുമാസത്തോളം ആകുന്നു സ്ഥലം mla ആയ മുകുന്ദന്റെ മകൻ മിഥുനുമായുള്ള വിവാഹം ഉറപ്പിച്ചിട്ട്....തറവാടികൾ.... സമ്പത്തിലും പെരുമയിലും മുന്നിൽ നിൽക്കുന്ന കുടുംബം....തന്നോട് ഒരു വാക്ക് ചോദിച്ചിട്ടില്ല ഇതുവരെ.... കാരണവന്മാര് പറയുന്നത് പെൺകുട്ട്യോൾ അനുസരിച്ചാൽ മതിയെന്നാണ് അച്ഛനും വല്യച്ഛനും മുത്തശ്ശനും ഒക്കെ പറയുന്നത്..... അനാമികക്ക് പുച്ഛം തോന്നി

മുറിയിലേക്ക് വന്ന് ബാഗ് അഴിച്ച് കട്ടിലിലേക്ക് ഇടുമ്പോഴേക്കും താഴെ നിന്ന് വിളി വന്നു... അമ്മ ലളിതയുടെ ആയിരുന്നു ശബ്ദം...

താഴേക്കുള്ള പടികൾ ഇറങ്ങുമ്പോഴേ ഹാളിൽ അച്ഛൻ ശ്രീധരനും  ഏട്ടൻ അനൂപും നിൽക്കുന്നത് കണ്ടു....അച്ഛന്റെ ഏട്ടന്റെയും മുഖത്ത് ഒരുതരം ദേഷ്യം ആയിരുന്നു....അടുക്കളയിലേക്ക് നടക്കുന്ന അമ്മയുടെ മുഖത്ത് നിസഹായതയും

"ഇന്ന് കോളേജിൽ വച്ച് എന്താ