Chapter Title : മന്ദാരക്കനവ് 9 [Aegon Targaryen]

പറഞ്ഞു.

ആര്യൻ ഒരു പുഞ്ചിരി തിരിച്ചും നൽകിയിട്ട് അവളുടെ മുൻപിൽ ചെന്ന് തറയിലായി കുനിഞ്ഞിരുന്ന് മടക്കുകൾ കൂട്ടി പിടിച്ചുകൊടുത്തു. അധികം താമസിക്കാതെ തന്നെ ലിയ അത് അരയിൽ കുത്തിയ ശേഷം ഒരു പിൻ കൂടി എടുത്ത് കുത്തി വച്ചു. ആ അവസരത്തിലും ആര്യൻ അവളുടെ വയറിൻ്റെ ഭംഗി ആസ്വദിക്കാൻ മറന്നിരുന്നില്ല. ലിയ അവൻ നോക്കുന്നത് കാണുകയും ചെയ്തു.

“ഉം ഇനി എഴുന്നേറ്റോ…എന്നിട്ട് പോയി നീ ചീപ്പ് എടുത്ത് താ എനിക്ക്…” ലിയ അവന് നിർദേശം നൽകി.

“മ്മ് ഇങ്ങനെ പോയാൽ ഇന്ന് ഓഫീസിന് അവധി നൽകേണ്ടി വരും…” ആര്യൻ അതും പറഞ്ഞ് ചിരിച്ചിട്ട് അവൻ്റെ മുറിയിലേക്ക് പോയി ചീപ്പുമായി ഉടനെ തന്നെ തിരികെ വന്നു.

“ഇവിടായോണ്ട് അല്ലേടാ ഞാൻ ഇത്രയും സാവധാനത്തിൽ ഇതൊക്കെ ചെയ്യുന്നത്…വീട്ടിൽ ആയിരുന്നെങ്കിൽ ഇത് വല്ലോം നടക്കുമോ…ഇന്ന് എന്തൊരു ആശ്വാസം ഉണ്ടായിരുന്നു അതുകൊണ്ട്…” ലിയ മുടി ചീകുന്നതിനിടയിൽ തന്നെ പറഞ്ഞു.

“എങ്കിൽ പിന്നെ ഇവിടെ സ്ഥിരമായിട്ട് നിന്നോന്നേ…” ആര്യൻ ചിരിച്ചു.

“ഉം ആലോചിക്കേണ്ടി വരും…” ലിയയും അവൻ്റെയൊപ്പം അതുപറഞ്ഞ് ചിരിച്ചു.

“കുറച്ച് പൗഡർ കൂടി കിട്ടിയിരുന്നെങ്കിൽ…” ലിയ മുടി ചീകി കഴിഞ്ഞ ശേഷം അവനോട് പറഞ്ഞു.

“കുറച്ച് കൺമഷി കൂടി ആയാലോ…?” ആര്യൻ പരിഹാസ രൂപേണ ചോദിച്ചു.

“അയ്യോ വേണ്ടായേ പോയേക്കാം…” ലിയ അവനെ തൊഴുതു.

അവർ രണ്ടുപേരും മുറിക്ക് പുറത്തേക്ക് ഇറങ്ങിയതും മുൻവാതിലിൽ മുട്ട് കേട്ടുകൊണ്ട് ആര്യൻ പോയി വാതിൽ തുറന്നു.

“ഹാ ആരിത്…?” ശാലിനിയെ കണ്ട് ആര്യൻ വാ പൊളിച്ച് ചോദിച്ചു.

“മാറിനിക്കെടാ ചെക്കാ അങ്ങോട്ട്…” ശാലിനി അവനെ ഒന്ന് ഗൗനിക്കുക