Chapter Title : മന്ദാരക്കനവ് 10 [Aegon Targaryen]

സമ്മതിക്കാം എന്ന് പറഞ്ഞിരുന്നു ഇന്നലെ…” സംസാരത്തിനിടെ ആര്യൻ പറഞ്ഞു.

“ആണോ…എന്ത്…?” ലിയ മനസ്സിലാവാത്തതുപോലെ അവൻ്റെ മുന്നിൽ അഭിനയിച്ചു.

“കിടത്താം എന്ന്…” ആര്യൻ അവളുടെ വയറിലേക്ക് ചൂണ്ടിയിട്ട് പറഞ്ഞു.

“സ്ഥിരമായിട്ട് കിടത്തിയാൽ പ്രശ്നം ആകുമെന്ന് നീ തന്നെയല്ലേ ഇന്നലെ പറഞ്ഞത്…പിന്നെ ഇന്നലെ ഞാൻ ചോദിച്ചതും നിനക്ക് പ്രശ്നം ആയിരുന്നല്ലോ…?” ലിയ അവനെ ആക്കി ചോദിച്ചു.

“എനിക്കൊരു പ്രശ്നവുമില്ല…അതൊക്കെ ഞാൻ ഒരു തമാശക്ക് പറഞ്ഞതല്ലേ…?” ആര്യൻ കുസൃതിയായി പറഞ്ഞു.

“അയ്യോ ആയിരുന്നോ…ശോ ഞാൻ വെറുതെ തെറ്റിദ്ധരിച്ചു…” ലിയ വീണ്ടും അവനെ ആക്കി സംസാരിച്ചു.

“കിടത്ത് ചേച്ചീ…നല്ല ക്ഷീണവുമുണ്ട്…” ആര്യൻ കെഞ്ചി.

“ഉം ഉം…ചെക്കൻ്റെ കാര്യം…” എന്ന് പറഞ്ഞുകൊണ്ട് ലിയ എഴുന്നേറ്റ് മേശയിൽ ചാരി നിന്നു.

ആര്യൻ അവളുടെ അടുത്തേക്ക് കസേര നീക്കിയിട്ട ശേഷം അതിലിരുന്ന് അവളുടെ വയറിലേക്ക് തല ചരിച്ച് മുഖത്തിൻ്റെ പാതി ചേർത്ത് ചാരിയിരുന്നു. ലിയ എപ്പോഴുമെന്ന പോലെ അവൻ്റെ തലയിലൂടെ തഴുകി നിന്നു. ആര്യൻ ആ ഇരുപ്പ് ആവോളം ആസ്വദിച്ച് മയക്കത്തിലേക്ക് മെല്ലെ വഴുതി വീണു.

“ആര്യാ…” ലിയ അവനെ വിളിച്ചു.

“ഉം…” ലിയ വിളിക്കുമ്പോഴാണ് ആര്യൻ പിന്നീട് കണ്ണ് തുറക്കുന്നത്.

“എന്തൊരു ഉറക്കമാ…?” അവൾ അവൻ്റെ മുടിയിൽ തലോടി ചോദിച്ചു.

“ഉറങ്ങിയോ ഞാൻ…?” അവൻ ചെറുതായി കണ്ണ് തിരുമ്മിക്കൊണ്ട് ചോദിച്ചു.

“പിന്നില്ലാതെ…” അവൾ പറഞ്ഞു.

“ഞാൻ ഇപ്പോ അങ്ങോട്ട് കണ്ണടച്ചതല്ലേ ഉള്ളൂ…സമയം എന്തായി…?” ആര്യൻ തല മെല്ലെ ഉയർത്തി.

“സമയം മൂന്നര കഴിഞ്ഞു…” അവൾ വാച്ചിലേക്ക് നോക്കി പറഞ്ഞു.

“ഏഹ്…മൂന്നരയോ…” വിശ്വാസം വരാതെ ആര്യനും അവൻ്റെ വാച്ചിലേക്ക് നോക്കി.

“മൂന്ന് നാൽപ്പതായി കൃത്യം പറഞ്ഞാൽ…” ലിയ അവൻ്റെ മുഖത്തേക്ക് നോക്കി ചിരിച്ചു.

“ശെടാ…ഞാൻ അറിഞ്ഞില്ല ഒന്നും…അപ്പൊ ചേച്ചി അതുവരെ ഇവിടെ നിൽക്കുവായിരുന്നോ…എന്നെ വിളിക്കാൻ വയ്യായിരുന്നോ…” അവന് ലിയയോട് പാവം തോന്നി.

“നീ ക്ഷീണം ഉണ്ടെന്ന് പറഞ്ഞതുകൊണ്ട് ഞാനും കരുതി കിടന്നോട്ടെ എന്ന്…അതാ വിളിക്കാഞ്ഞത്…പിന്നെ ഞാൻ ഇവിടെ ചാരി അല്ലേ നിന്നത്…?” അവൾ ഒരു കുഴപ്പവും ഇല്ലാ എന്ന രീതിയിൽ പറഞ്ഞു.

“എന്നാലും…ചേച്ചി ഇവിടെ ഇരിക്ക് ഇനി…” ആര്യൻ കസേര വലിച്ചിട്ടുകൊണ്ട് പറഞ്ഞു.

“ഇനി ഇരിക്കണോ നമ്മൾക്ക് ഇറങ്ങിയാലോ…നീയും