Chapter Title : മഞ്ജിമാഞ്ജിതം 5 [കബനീനാഥ്] [Climax]

“” ചുമ്മാതാ അമ്മേ… എന്റെ ചായ കൂടി മേമയ്ക്ക് കൊടുത്തേക്ക്… …. “
പിണങ്ങിയ മട്ടിൽ പറഞ്ഞു കൊണ്ട് കസേര പിന്നിലേക്ക് നിരക്കി സച്ചു എഴുന്നേറ്റു…
“” അവള് തുടങ്ങി… എന്റെ ചെക്കനെ പട്ടിണിക്കിടാൻ…….”
അഞ്ജിത അരിശപ്പെട്ടു……
“” അവന്റെ പിണക്കം ഞാൻ മാറ്റിക്കോളം…”
മഞ്ജിമ രണ്ടു ചായക്കപ്പുകളുമായി എഴുന്നേറ്റു…
മുൻവശത്ത്, ഔട്ട് ഹൗസിനു അഭിമുഖമായുള്ള സിറ്റൗട്ടിൽ പുറത്തേക്ക് നോക്കി സച്ചു നിൽപ്പുണ്ടായിരുന്നു…
“” ഇന്നാടാ… ….”
സച്ചു മുഖം തിരിച്ചതേയില്ല… ….
മഞ്ജിമ അവന്റെ മുന്നിലേക്ക് കയറി നിന്നു…
അവൻ മുഖമുയർത്തിയതും അവൾ തന്റെ വലതു കൈയ്യിലിരുന്ന ചായക്കപ്പ് ഒന്ന് മൊത്തി…….
“” ഇതു പിടിയെടാ………. “
വലതു കയ്യിലെ കപ്പ് അവൾ അവനു നേരെ നീട്ടി….
സച്ചു സംശയത്തോടെ, കൈ നീട്ടി കപ്പ് വാങ്ങി …
“” ഞാൻ കുടിച്ചതാ… കുഴപ്പമുണ്ടോ… ?””
സച്ചു അവളുടെ മുഖത്തേക്ക് നോക്കിയതല്ലാതെ മിണ്ടിയില്ല……
അവൻ , അവളെ നോക്കിക്കൊണ്ടു തന്നെ ചായ ഒന്ന് മൊത്തി……
അവൻ പുറത്തേക്ക് നോക്കി…
അവന്റെ വലതു വശത്തേക്ക് ഒന്നുകൂടി അടുത്തു നിന്ന ശേഷം, അവൾ ചോദിച്ചു..
“”"ടേസ്റ്റിയാണോ… ….?””
സച്ചു മുഖം തിരിച്ചു…
“” ചായക്കല്ല… …. “
സച്ചുവിന്റെ ചുണ്ടിൽ ഒരു ചിരി വിരിയുന്നത് അവൾ കണ്ടു……
ക്ഷേത്ര ദർശനം കഴിഞ്ഞ് ശ്രീധരേട്ടൻ വരുന്നുണ്ടായിരുന്നു……

സീൻ - ഒൻപത്

ഇടപ്പള്ളി തിരുനാളായിരുന്നു…
വിവേകും വിനോദും വന്നിരുന്നു…
എല്ലാവരുമൊന്നിച്ച് സുഹൃത്തുക്കളുടെ വീട്ടിലെ സന്ദർശനങ്ങളൊക്കെ കഴിഞ്ഞ്, ‘കമ്പനി’ കൂടുവാനായി അവർ സുഹൃത്തുക്കളുടെ കൂടെ തന്നെ പോയിരുന്നു…….
രണ്ടാം നിലയിൽ വാർപ്പിനു മുകളിലായിരുന്നു എല്ലാവരും…