Chapter Title : മഞ്ജിമാഞ്ജിതം 5 [കബനീനാഥ്] [Climax]

ചതുര പൈപ്പ് കെട്ടിത്തിരിച്ച പാരപ്പെറ്റിനരികിൽ നിന്ന് നോക്കിയാൽ പ്രകാശ പാത സഞ്ചരിക്കുന്നത് കാണാമായിരുന്നു……
ബാന്റ് സെറ്റുകളുടെയും നാസിക് ഡോളുകളുടെയും ശബ്ദം,
അത്ര , അടുത്തല്ല എങ്കിലും അവർക്ക് കേൾക്കാമായിരുന്നു…
ചുറ്റും വൈദ്യുതാലങ്കാരങ്ങളുടെ പ്രഭ…
കാറ്റു വീശുന്നുണ്ടായിരുന്നു…
അടുത്തുള്ള വീടുകളിലെയും അപ്പാർട്ട്മെന്റുകളിലെയും താമസക്കാർ വാർക്കയ്ക്കു മുകളിൽ കസേരയിട്ടിരിക്കുന്നത് കാണാമായിരുന്നു..
“ ഗാനമേള എപ്പോഴാടാ…….?””
അഞ്ജിത പാരപ്പെറ്റിനരികിലേക്ക് വന്നു…
“” ആർക്കറിയാം…… ? ".
സച്ചു കൈ മലർത്തി…
അവൻ ഫോണിൽ ചിത്രങ്ങളെടുക്കുകയായിരുന്നു..
അകലെ, റോഡിൽ ബ്ലോക്കിൽ കുടുങ്ങിയ വാഹനങ്ങളുടെ നീണ്ട നിര പ്രകാശത്തിൽ നിന്ന് മനസ്സിലാക്കാമായിരുന്നു…
നന്ദുവിനടുത്തേക്ക് അഞ്ജിത നീങ്ങിയതും മഞ്ജിമ സച്ചുവിന്റെ കയ്യിൽപിടിച്ചു വലിച്ചു…
“” മതി നിന്റെ ഷൂട്ടിംഗ്… “
ഹാൻഡ് റെയിലനരികിൽ കസേര ഒരെണ്ണം കിടപ്പുണ്ടായിരുന്നു..
അത് വാട്ടർ ടാങ്കിന് മുകളിലേക്ക് കയറാൻ മുൻപ് കൊണ്ടിട്ടതാണ്…
ഇപ്പോഴവിടെ വെൽഡ് ചെയ്ത് ഒരു ഗോവണി ഘടിപ്പിച്ചിട്ടുണ്ട്..
മഞ്ജിമ അതിലേക്ക് ഇരിക്കാനാഞ്ഞതും സച്ചു കസേര വലിച്ചതും ഒരുമിച്ചായിരുന്നു……
പാരപ്പെറ്റിലെ പൈപ്പിൽ പിടുത്തം കിട്ടിയതു കൊണ്ട് അവൾ വീണില്ല…
“” നിന്നെ ഞാനിന്ന്… …. “
അവൾ അവനെ തല്ലുവാനായി കൈ ഉയർത്തിയതും ആകാശത്ത് ഒരു വർണ്ണക്കുട വിരിഞ്ഞിരുന്നു…
“” ദേ… മേമേ… ….””
നന്ദു കൈ ചൂണ്ടിപ്പറഞ്ഞു…
സച്ചു , വലിെച്ചെടുത്ത കസേരയിൽ ഇരുന്നു കഴിഞ്ഞിരുന്നു..
ആകാശത്തേക്ക് നോക്കി , കസേരയിലിരിക്കാൻ ശ്രമിച്ച മഞ്ജിമ ഇരുന്നത് സച്ചുവിന്റെ മടിയിലായിരുന്നു…
“” നിന്നു കണ്ടാൽ മതി…… ഇത് പഴയ കസേരയാ…….........”
സച്ചു അവളെ തള്ളി മാറ്റാൻ ശ്രമിച്ചതും മഞ്ജിമ പൈപ്പിൽ മുറുകെ പിടിച്ചു…
അപ്പോഴേക്കും കരിമരുന്ന് കലാപ്രകടനം തുടങ്ങിയിരുന്നു..