Chapter Title : മഞ്ഞ് മൂടിയ കനൽ വഴികൾ 3 [Sawyer]

വിശ്വൻ നല്ല വിശ്വസ്തനായിരുന്നു. ഞങ്ങൾക്കെല്ലാം വലിയ കാര്യമായിരുന്നു. മാസത്തിൽ ഒരു തവണ വീട്ടിൽ പോകുമായിരുന്നു. വെള്ളിയാഴ്ച പോകും തിങ്കളാഴ്ച തിരിച്ചെത്തും. രണ്ടാഴ്ച മുൻപ് പോയി. പോകും മുമ്പേ പ്രത്യേകിച്ച് ഒന്നും ഇവിടെ പറഞ്ഞില്ല. പക്ഷെ ശനിയാഴ്ച ഞങ്ങൾക്ക് വിശ്വത്തിന്റെ വീട്ടിൽ നിന്ന് ഒരു കാൾ വന്നു. പുള്ളി ഇതുവരെ വീട്ടിൽ എത്തിയിട്ടില്ല. വെള്ളിയാഴ്ച രാത്രി വൈകിയിട്ടും കാണാത്തപ്പോൾ അവരു വിളിച്ചു നോക്കിയിരുന്നു. ആദ്യം നമ്പർ ബിസി ആയിരുന്നു. പിന്നെ വിളിച്ചപ്പോൾ മൊബൈൽ സ്വിച്ഡ് ഓഫ് ആയിരുന്നു. രാവിലെയും എത്താത്തത് കൊണ്ട് എന്തുപറ്റി എന്നറിയാൻ വിളിച്ചിപ്പോൾ , അപ്പോഴും സ്വിച്‌ഡ് ഓഫ് .അതുകൊണ്ട് രാവിലെ അവര് ഇങ്ങോട്ട് വിളിച്ചെ. ഞങ്ങളും കുറേതവണ വിളിച്ചു. ഒരു രക്ഷയും ഇല്ല.

ഇച്ചായൻ അപ്പോ തന്നെ സ്റ്റേഷനിൽ പരാതി കൊടുത്തു. ഇതുവരെയും വിശ്വത്തിനെപ്പറ്റി ഒരു വിവരവും ഇല്ല. പൊൻകുന്നം ബസിൽ കേറുന്നത്. ആരൊക്കെയോ കണ്ടിരുന്നു. പക്ഷേ പിന്നെ വിശ്വത്തെ ആരും കണ്ടിട്ടില്ല.കവലയിലെ ബാങ്കിന്റെ സി സി ടി വി ക്യാമറയിലും അതുണ്ട്. പക്ഷെ പൊൻകുന്നത്ത് ഇറങ്ങിയിട്ടില്ല. പീരുമേടിനും പൊൻക്കുന്നത്തിനും ഇടയിൽ അയാൾക്ക് എന്തോ പറ്റിയിട്ടുണ്ട്.

സെക്യൂരിറ്റി ഏജൻസിക്കാർ പുതിയ ആളെ വിടാം എന്നു പറഞ്ഞിട്ടു ഒരാഴ്ചയായി . പക്ഷെ പുതിയ ആളു ഇതുവരെ എത്തിയിട്ടില്ല. അതാ ഇച്ചായൻ തെറി വിളിക്കുന്നെ.."

ഇതെന്നെ ബാധിക്കാത്ത കാര്യമായതു കൊണ്ട് ഞാൻ മൂളി കൊണ്ട് വെറുതെ കേട്ടു.

സാറ് ഫോൺ വെച്ചു കഴിഞ്ഞതു പിന്നേം കുറേ കഴിഞ്ഞാണ് .

" ഒരു ഉത്തരാവാദിത്വം ഇല്ലാത്തവന്മാർ . സെക്യൂരിറ്റിയെ വിട്ടിട്ടു മൂന്നു ദിവസമായി എന്നു. ഇവിടെ ഒരുത്തനും എത്തിയിട്ടില്ല.