Chapter Title : മണ്ണാങ്കട്ടയും കരിയിലയും 1 മാളിയേക്കൽ തറവാട്ടിലെ മൊഞ്ചത്തി [JM&AR]

മിടുക്കുണ്ട്. ജുമൈലത്ത് യു ട്യൂബ് എടുത്ത് ചാനലിലെ അപ് ലോഡ്സ് നോക്കാൻ തുടങ്ങി. ഞങ്ങൾ പാടത്ത് വെച്ചെടുത്ത ഡാൻസാണ് അവസാനമായി അപ് ലോഡ് ചെയ്തത്.

"ഓൾഡസ്റ്റ് നോക്കിയാലറിയാം...ജംഷി രണ്ടായിരത്തി പത്തൊൻപതില് മലപ്പുറത്ത് ആരോ ഇംപോർട്ട് ചെയ്ത ലംബോർഗിനി ഓടിക്കുന്നതിൻ്റെ വീഡിയോ എടുത്തിട്ടത്. അതാ ആദ്യത്തെ അപ് ലോഡ്. പിന്നെ കോട്ടക്കൽ തിരൂര് ഭാഗത്തുള്ള നിക്കാഹിൻ്റെ ഒക്കെ വീഡിയോസ്. അറബന മുട്ടൊക്കെ ഉണ്ടതില്. മൊഞ്ചന്മാരേം മൊഞ്ചത്തികളേം നാടല്ലേ? വണ്ടി പ്രാന്തന്മാരേം നാടാണ്. സിരകളിൽ കാൽപന്തിൻ്റെ ലഹരിയുമായി നടക്കുന്നവരുമുണ്ട്. പയ്യനാട് നടന്ന സെവൻസ് മാച്ചിൻ്റെ വീഡിയോയും ഉണ്ട്"

ഞാൻ പറയുന്നത് കേട്ട് ജുമൈലത്ത് പഴയ വീഡിയോകൾ നോക്കാൻ തുടങ്ങി.

"പിന്നെള്ളതൊക്കെ തയ്ക്വോണ്ട ഐറ്റംസാണ്. നീഹയെ പരിചയപ്പെട്ടിട്ടാണ് ചാനല് പച്ച പിടിച്ചത്. രണ്ടാളും കൂടെ കപ്പിൾ കണ്ടൻ്റ് ചെയ്ത് ഫോളോവേർസിനെ ഉണ്ടാക്കി. അവന് നീഹയുമായി നല്ല ചേർച്ചയുണ്ട്. ജംഷീടെ കൂടെ അഭിനയിക്കുമ്പോ ഉള്ള അവളുടെ ആ നോട്ടോം ഭാവോം ഒക്കെ കണ്ടില്ലേ? അവരുടെ ആ ഒരു കെമിസ്ട്രി നോക്കേ. നല്ല പെയറിങ്ങാണ്. ഫാൻസായിട്ടുള്ള ഗേൾസ് ജംഷി സിംഗിളാണോന്ന് ചോദിച്ച് നീഹക്ക് മെസേജൊക്കെ അയക്കും. ചേച്ചിയുടെ ലൗവറാണോ ഇൻ്റർ റിലീജിയൺ റിലേഷൻഷിപ്പിലാണോന്നൊക്കെ ചോദിച്ചവരുണ്ട്. അതിൽ ജംഷി തിരിഞ്ഞ് നിന്ന് ബാക്ക് മസില് കാണിക്കുന്ന ഒരു വീഡിയോ ഉണ്ട്. വസീഗരാ എൻ നെഞ്ചിനിലേ ബാക്ക് ഗ്രൗണ്ട് മ്യൂസിക്കുള്ളത്. ആ പാട്ടിലെ പോലെ ചെയ്തതാ. ഞങ്ങൾ ചെയ്തതില് ഏറ്റവും കൂടുതൽ വ്യൂസ് അതിനാ"

ജുമൈലത്ത് ആ വീഡിയോ തപ്പിയെടുത്ത് കണ്ടു. വീണ്ടും വീണ്ടും പ്ലേ ചെയ്ത് നോക്കി.

"എന്ത് വൃത്തികേടാ ഇത്? രണ്ടും കൂടെ കുളിക്കുന്നതൊക്കെണ്ടല്ലോ...