Chapter Title : മണ്ണാങ്കട്ടയും കരിയിലയും 1 മാളിയേക്കൽ തറവാട്ടിലെ മൊഞ്ചത്തി [JM&AR]

ഓൻ്റേം ഓളേം ബാക്കിള്ള വീഡിയോസും ഇത് പോലെ ഒക്കെന്നെയാ. ഓരെന്തിനാ ഇത്രക്ക് ഇൻ്റിമസി കാട്ട്ണത്"?

"ഞാൻ നേരത്തേ പറഞ്ഞില്ലേ. ആ പാട്ടില് അതൊക്കെ ഉണ്ട്. അതോണ്ടാ നീഹ ജംഷിയുടെ നെഞ്ചത്ത് സോപ്പ് പതപ്പിക്കുന്നത്. നീഹ ആണെങ്കിൽ കുറച്ചൂടി ഇഴുകി ചേർന്ന് അഭിനയിക്കും. അതോണ്ടാ അതൊക്കെ ഹിറ്റായത്. സീനില് കാണുന്നത് പോലെയല്ലല്ലോ ഷൂട്ട് ചെയ്യുന്നത്. അവര് ചിരിക്കും. കളി തമാശയാവും. പിന്നേം ചെയ്യും. സീരിയസായിട്ട് സോപ്പ് തേക്കുന്നത്  കിട്ടാനുള്ള ഒരു ബുദ്ധിമുട്ട്. അങ്ങനെ എത്ര പ്രാവശ്യം ചെയ്തിട്ടാന്നറിയോ അതെടുത്തത്. ഉമ്മ ഉണ്ടായിരുന്നു. ഷംസാദും വേറെ രണ്ട് ഫ്രണ്ട്സും ഞാനും അവിടെ ഷൂട്ട് ചെയ്യാനുണ്ടായിരുന്നു. അതൊക്കെ ഇൻസ്റ്റഗ്രാമിന് പറ്റിയതാ. യു ട്യൂബ് ചാനലിൽ ആവുമ്പോ കപ്പിൾ കണ്ടൻ്റ് ബോറാവാൻ തുടങ്ങും. അതു കൊണ്ട് ഞങ്ങളത് നിർത്തി"

"ഇതിൻ്റെ ചോട്ടില് ഇഷ്ടം പോലെ ഗേൾസിൻ്റെ കമൻ്റ്സ്ണ്ട്. ഇക്ക് ഇതൊക്കെ കണ്ടിട്ട് എന്തോ പോലെ തോന്ന്ണ്ട് കണ്ണാ. അൻ്റെ ഈ മുണ്ടും ഷർട്ടും ഇട്ടുള്ള ഓണ പരിപാടീൻ്റെ ചോട്ടിലും ഉണ്ട് അത് പോലെള്ള കമൻ്റ്സ്"

ജുമൈലത്ത് കമൻ്റുകൾ ഉറക്കെ വായിക്കാൻ തുടങ്ങി.

"മറ്റേ ആ ഏട്ടനെവിടെ.. കണ്ണേട്ടൻ സിംഗിളാണോ... ചേച്ചി സോ ക്യൂട്ട്... ചേട്ടൻ്റെ സ്മൈൽ പിന്നെ ഒരു ലൗ ഇമോജി. അളിയൻ ചെക്കൻ്റെ ഡ്രസ്സ് സൂപ്പർ... പെങ്ങൾ നല്ല സുന്ദരികുട്ടിയാ... സുന്ദരനും സുന്ദരിയും ഇത് കാണുമ്പോൾ എനിക്ക് ഏട്ടനില്ലാത്ത സങ്കടം തോന്നി.... ആ ചിരി ഒരു രക്ഷയുമില്ല രണ്ടും കൂടി കൊല്ലുവാ... ചേട്ടൻ്റെ ആ ചിരി ഒരു രക്ഷയുമില്ല... ചേട്ടൻ്റെ സ്മൈൽ ക്യൂട്ടാണ്... ആ നോട്ടോം ആ ചിരീം ഫാമിലി മൊത്തം