Chapter Title : മണ്ണാങ്കട്ടയും കരിയിലയും 2 നിത്യകന്യകയായ ദേവി [JM&AR]

മഹറണിയാൻ ഭാഗ്യള്ളവളാണ് അവള് എന്നാ പറഞ്ഞത്. ഈ മുത്തിൻ്റെ ശരിക്കുള്ള കാര്യൊക്കെ എനിക്കല്ലേ അറിയൂ"

"രേണൂ... എനിക്കിട്ടിങ്ങനെ താങ്ങാൻ തുടങ്ങീട്ടിപ്പോ കുറച്ചായീട്ടോ. സാരല്ല. അവസരം കിട്ടും. അപ്പോ ഒന്നിച്ച് തരണ്ട്. അല്ല.... അതെന്തെങ്കിലും ഒക്കെ ആവട്ടെ. രേണുവിനോട് എപ്പോ പറഞ്ഞു"?

"നോക്കിയിരുന്നോ നീ... ഉച്ചക്ക്. ലഞ്ച് ബ്രേക്കിന്. അവളെന്നെ ഇപ്പോ ഇടക്കൊക്കെ വിളിക്കും. നീ അങ്ങനെ ഫോണധികം ഉപയോഗിക്കാത്ത ആളല്ലേ? അപ്പോ നിൻ്റെ കാര്യം അറിയാനും കൂടെയാ. ആവശ്യല്ലാതെ മോതിരം ഇടാൻ പോയിട്ടല്ലേ"

"ഞാനതങ്ങനെ വിചാരിച്ചിട്ടല്ല..."

"....അവളങ്ങനെ വിചാരിച്ചു. നിൻ്റെ ഭാര്യയാന്ന മട്ടിലാ ഇപ്പോ അവളുടെ പെരുമാറ്റം.... പാവം ഭർത്താവ്. അതേ... അവളെ ഓർത്ത് മഞ്ഞ് കൊണ്ടിരുന്ന് പനി പിടിപ്പിക്കണ്ട. നിൻ്റെ മിന്നു തീയേറ്ററിലാവും. രോഹിണിയെ കാണാൻ പോണ്ടതാ"

രേണു എഴുന്നേറ്റ് ചെറു ചിരിയോടെ എൻ്റെ താടിക്ക് പിടിച്ച് കൊഞ്ചിച്ച് ഉറങ്ങാൻ മുറിയിലേക്ക് നടന്നു.

"മഞ്ഞോ? ഈ വേനൽ കാലത്തോ"?

"നിൻ്റെ കാര്യം ആയതോണ്ടാ...."

"രേണൂ .... പിന്നെണ്ടല്ലോ.... ഞാനൊരു ഫിഫ്റ്റി തൗസൻ്റ് കാർഡ്ന്ന് എടുത്ത്ണ്ട്"

"അൻപതിനായിരോ? നീ കാർത്തികക്ക് താലിമാല വാങ്ങിയോ"?

"രേണൂന് എങ്ങനെ മനസ്സിലായി"?

"നീ അവൾക്കൊരു മാല പണ്ട് ഗിഫ്റ്റ് കൊടുത്തതല്ലേ കണ്ണാ? അത്രക്കിതാണേല് ഒരു മോതിരം വാങ്ങി കൊടുത്താ പോരേന്നോ"?

"ഡിവിഡൻ്റ് കിട്ടുന്ന പൈസയല്ലേ രേണൂ? കഷ്ടപ്പെട്ട് അധ്വാനിച്ച് കിട്ടുന്ന പൈസ ചിലവാക്കുമ്പോള്ള ആ ഒരു ബുദ്ധിമുട്ട് ഇതിനില്ലല്ലോ. മൂന്ന് മാസം കഴിയുമ്പോ അതേ എമൗണ്ട് ബാങ്കില് വരും. പിന്നെന്താ"?

"കണ്ണാ... ഞാനൊരു കാര്യം ചോദിച്ചാ നീ സത്യം പറയോ...."?

"എന്താ കാര്യന്നറിഞ്ഞാലല്ലേ പറ്റൂ"

"നീ നിൻ്റെ ഉള്ളിൻ്റെ ഉള്ളിൽ കാർത്തികയെ