Chapter Title : മാന്ത്രിക നിലാവിലെ പെണ്ണടയാളങ്ങൾ 4 [Shan1994]

അവൾ പറഞ്ഞു:

​ഫാബിയ: "അല്ല... വലിയുപ്പയുടെ ഇഷ്ടമാണ് എന്റെയും ഇഷ്ടം. വലിയുപ്പ എനിക്ക് വേണ്ടി മോശമായതൊന്നും തീരുമാനിക്കില്ല എന്ന് എനിക്ക് ഉറപ്പുണ്ട്."

​ആ വാക്കുകളിൽ അവളുടെ വലിയുപ്പയോടുള്ള വലിയൊരു വിശ്വാസവും സ്നേഹവും നിറഞ്ഞുനിൽപ്പുണ്ടായിരുന്നു. കൂടുതൽ ചോദ്യങ്ങൾ ചോദിച്ച് അവളെ ബുദ്ധിമുട്ടിക്കേണ്ട എന്ന് കരുതി ഞാൻ പതുക്കെ പുഞ്ചിരിച്ചുകൊണ്ട് പറഞ്ഞു:)

​ഞാൻ: "ശരി ഫാബിയ... നമുക്ക് ഇറങ്ങാം. ."

​ഞാൻ പുറത്തേക്ക് നടക്കാൻ തുടങ്ങിയപ്പോൾ അവളും വളരെ പതുക്കെ എന്റെ പിന്നാലെ നടന്നു. ആ ചെറിയ സംസാരം എന്റെ ഉള്ളിലെ അസ്വസ്ഥതകൾ ഒരുപാട് കുറച്ചിരുന്നു. വളരെ ലളിതമായ സ്വഭാവമുള്ള, വലിയ ആഗ്രഹങ്ങളൊന്നുമില്ലാത്ത ആ പെൺകുട്ടി എന്റെ ജീവിതത്തിലേക്ക് വരുന്നത് ഒരുപക്ഷേ വലിയൊരു നന്മയായിരിക്കുമെന്ന് എനിക്ക് തോന്നിത്തുടങ്ങിയിരുന്നു.

ഒരു മാസത്തിന് ശേഷം ആ ദിവസം വന്നെത്തി. എന്റെയും ഫാബിയയുടെയും വിവാഹം...

വീട്ടിലാകെ ബന്ധുക്കളുടെയും നാട്ടുകാരുടെയും വലിയ തിരക്കായിരുന്നു. എന്നെ ഒരുക്കാൻ അബിയും അജുവും റൂമിൽ എന്റെ കൂടെത്തന്നെ ഉണ്ടായിരുന്നു. എനിക്കായി പ്രത്യേകം തുന്നിച്ച മനോഹരമായ വെഡ്ഡിംഗ് സ്യൂട്ട് ധരിച്ച് കണ്ണാടിക്ക് മുന്നിൽ നിൽക്കുമ്പോൾ, എന്റെ പഴയ ജീവിതത്തെക്കുറിച്ച് ഞാൻ വെറുതെ ഓർത്തുപോയി. മൂന്നു വർഷം ഇരുട്ടറയിൽ ചങ്ങലകളിൽ കിടന്നവനാണ് ഞാൻ. ലോകം മുഴുവൻ അവസാനിച്ചെന്ന് കരുതിയ ആ ഇടത്തിൽ നിന്നും ഇന്ന് ഞാൻ പുതിയൊരു ജീവിതത്തിലേക്ക് കടക്കുകയാണ്! എന്റെ കണ്ണുകൾ അറിയാതെ നിറഞ്ഞു. പെട്ടെന്ന് അജു വന്ന് എന്റെ തോളിലൂടെ കയ്യിട്ടു.)

അജു: "എന്താടാ ആലോചിക്കുന്നെ? ഇന്ന് നിന്റെ കല്യാണമാണ്... ആ പഴയതൊക്കെ മറന്നേക്ക്. ഈ സ്യൂട്ടിൽ നിന്നെ കാണാൻ എന്തായാലും നല്ല ലുക്ക് ഉണ്ട്!"

അബിയും ചിരിച്ചുകൊണ്ട് എന്റെ