Chapter Title : മാന്ത്രിക നിലാവിലെ പെണ്ണടയാളങ്ങൾ 5 [Shan1994] [Climax]

ആളുകൾ ഓരോരുത്തരായി പിരിഞ്ഞുപോയി.

എല്ലാം കഴിഞ്ഞ് തളർന്ന് അവശനായി ഞാൻ മുറ്റത്തെ ഒരു കസേരയിലേക്ക് വീണു. എന്റെ കാലുകൾ വേദനകൊണ്ട് വിറയ്ക്കുന്നുണ്ടായിരുന്നു.

കുറച്ചു സമയങ്ങൾക് ശേഷം അനാഥമായ ആണ് വീട് പൂട്ടി ഞങ്ങൾ കാറിൽ വീട്ടിലേക്ക് തിരിച്ചു. യാത്രയിലുടനീളം അവൾ ഒന്നും മിണ്ടിയില്ല .

ഇരുട്ട് വീണു തുടങ്ങിയിരുന്നു. പകൽ മുഴുവൻ പെയ്ത മഴ മാറിനിന്നെങ്കിലും റോഡിൽ നല്ല വഴുക്കലുണ്ടായിരുന്നു.

കാറിനുള്ളിൽ കനത്ത നിശ്ശബ്ദതയായിരുന്നു.

ഫാബിയ ഒരക്ഷരം മിണ്ടാതെ ജനലിലൂടെ പുറത്തെ ഇരുട്ടിലേക്ക് നോക്കി ഇരിക്കുകയായിരുന്നു. വലിയുപ്പയെ നഷ്ടപ്പെട്ടതിന്റെ വലിയ സങ്കടം അവളിലുണ്ടായിരുന്നെങ്കിലും, ഞങ്ങൾക്കിടയിലുള്ള ആ പഴയ മരവിപ്പിനും അകൽച്ചയ്ക്കും യാതൊരു മാറ്റവുമുണ്ടായിരുന്നില്ല.

മരണവീട്ടിൽ എന്റെ ഭാഗത്തുനിന്നുണ്ടായ ഇടപെടലുകളൊന്നും ആ നിശ്ശബ്ദതയെ ഭേദിക്കാൻ പോന്നതായിരുന്നില്ല.

നഗരത്തിരക്കുകൾ കഴിഞ്ഞ് കാർ വിജനമായ ഒരു റോഡിലെക്ക് പ്രവേശിച്ചു. ഇരുവശത്തും വലിയ റബ്ബർ തോട്ടങ്ങളുള്ള, വളവുകൾ നിറഞ്ഞ ഒരു റോഡായിരുന്നു അത്.

പെട്ടെന്നാണ് മുന്നിലെ വളവ് തിരിഞ്ഞ് കണ്ണഞ്ചിപ്പിക്കുന്ന തീവ്രമായ വെളിച്ചവുമായി ഒരു വാഹനം ഞങ്ങളുടെ നേർക്ക് വന്നത്. അതൊരു വലിയ ടിപ്പർ ലോറിയായിരുന്നു!

വളരെ വേഗത്തിൽ എതിർദിശയിൽ നിന്നും പാഞ്ഞുവരികയായിരുന്നു അത്. സ്വന്തം ട്രാക്കിലൂടെ വരേണ്ട ആ ലോറി പെട്ടെന്ന് ഞങ്ങളുടെ ട്രാക്കിലേക്ക് വെട്ടിച്ച് എന്റെ കാറിന് നേരെ പാഞ്ഞടുത്തു!

കാറിന്റെ ഗ്ലാസ്സിലേക്ക് ആ വലിയ ഇരുമ്പുമുഖം ഇടിച്ചുകയറാൻ വരുന്നതുപോലെ എനിക്ക് തോന്നി.

ഒരു നിമിഷം...

ആ വലിയ ലോറി കാറിന്റെ മുൻഭാഗത്ത് ഇടിച്ചു കയറുമെന്ന് ഉറപ്പായ ആ അവസാന നിമിഷം, ഞാൻ സർവ്വ ശക്തിയുമെടുത്ത് സ്റ്റിയറിംഗ് ഇടത്തേക്ക് വെട്ടിച്ചു. ഒപ്പം ബ്രേക്കിൽ ആഞ്ഞാഞ്ഞു ചവിട്ടി.

കാർ നിയന്ത്രണം വിട്ട്