Chapter Title : മാന്ത്രിക നിലാവിലെ പെണ്ണടയാളങ്ങൾ 5 [Shan1994] [Climax]

ആ പിടിയിൽ എനിക്കുള്ള ഒരു മുന്നറിയിപ്പുണ്ടായിരുന്നു.

​ഡൈനിങ് ടേബിളിൽ എല്ലാവരും ഉണ്ടായിരുന്നു. ഉപ്പ, ഉമ്മ, ഇക്ക, ഷമീമ ഇത്ത ... എല്ലാവരുടെയും മുഖത്ത് വലിയ സന്തോഷം. എന്നെയും ഫാബിയയെയും ഒരുമിച്ച് കണ്ടപ്പോൾ ഉമ്മയുടെ കണ്ണുകൾ തിളങ്ങുന്നത് ഞാൻ കണ്ടു.

​"വാ മക്കളേ... വന്നിരിക്ക്," ഉമ്മ വളരെ സ്നേഹത്തോടെ ഞങ്ങളെ അടുത്തുള്ള രണ്ട് കസേരകളിലേക്ക് പിടിച്ചിരുത്തി.

​മേശപ്പുറത്ത് ചൂട് പത്തിരിയും ഇറച്ചിക്കറിയും ഇരിപ്പുണ്ടായിരുന്നു. ഫാബിയ വളരെ നാണംകുണുങ്ങിയായ ഒരു പുതുപ്പെണ്ണിനെപ്പോലെ തലതാഴ്ത്തി എന്റെ അടുത്തായി ഇരുന്നു.

​"മോൾക്ക് ഇതൊക്കെ ഇഷ്ടാവുമോ എന്തോ... എന്തായാലും കഴിച്ച് നോക്ക്," ഉമ്മ ഫാബിയയുടെ പ്ലേറ്റിലേക്ക് ഭക്ഷണം വിളമ്പിക്കൊണ്ട് പറഞ്ഞു.

​"എനിക്കിതൊക്കെ ഒരുപാട് ഇഷ്ടാ ഉമ്മാ..." വളരെ മൃദുവായ ശബ്ദത്തിൽ അവൾ മറുപടി പറഞ്ഞു. അവളുടെ ആ അഭിനയം കണ്ട് ഞാൻ ശരിക്കും നടുങ്ങിപ്പോയി.

​അവൾ എന്റെ പ്ലേറ്റിലേക്കും ഭക്ഷണം വിളമ്പിത്തന്നു.

എന്റെ അടുത്തേക്ക് കുനിഞ്ഞ് കറി ഒഴിച്ചുതരുന്നതിനിടയിൽ,ആരും കാണാതെ മേശയ്ക്കടിയിലൂടെ അവളുടെ ഒരു കാൽപ്പാദം എന്റെ കാലിനുമുകളിൽ വെച്ച് ശക്തിയായി ഒരമർത്തൽ! ഞാൻ വേദനകൊണ്ട് ചെറുതായി ഒന്ന് പുളഞ്ഞു. പക്ഷെ എന്റെ മുഖത്ത് ഭാവവ്യത്യാസങ്ങൾ ഒന്നും വരാതിരിക്കാൻ ഞാൻ പരമാവധി ശ്രമിച്ചു.

​അവൾ മെല്ലെ തലയുയർത്തി എന്റെ മുഖത്തേക്ക് നോക്കി വളരെ മനോഹരമായി ഒന്ന് പുഞ്ചിരിച്ചു. ആ ചിരി കണ്ടിട്ട് ഇക്ക എന്നെ നോക്കി കണ്ണിറുക്കി കാണിച്ചു.

പക്ഷെ ആ ചിരിക്ക് പിന്നിലെ ക്രൂരത എനിക്ക് മാത്രമേ കാണാൻ കഴിയുന്നുണ്ടായിരുന്നുള്ളൂ.

​"എന്താ മോനെ , കഴിക്കുന്നില്ലേ? മോൾ വാരി തരാൻ നോക്കിയിരിക്കുകയാണോ?"

ഇക്ക എനിക്ക് ഇട്ടു ഒന്ന് ഊക്കി എല്ലാവരും ചിരിച്ചു. ഫാബിയ