Chapter Title : മസാജ് തെറാപ്പിസ്റ്റ് 5 [Eros – God of Lust]

തരുന്നത്.” ഒടുവില്‍ അവളുടെ ആവേശഭരിതമായ വർത്തമാനം നിര്‍ത്തി അവള്‍ നീണ്ട ശ്വാസമെടുത്തു.

“ധ്വനി, ഇപ്പോഴും ഞാൻ പറയുന്നു, ഞാൻ സഹായിച്ചത് കൊണ്ടുള്ള ഇഷ്ട്ടം ആരാധനയും കൊണ്ടാണ് നീ എന്നിലേക്ക് അടുത്തുപോയത്.” ഞാൻ അവളെ പിന്തിരിപ്പിക്കാന്‍ ഒരിക്കൽ കൂടി ശ്രമിച്ചു.

“ആണോ..? ആയിക്കോട്ടെ. എന്നാലും സാരമില്ല. പക്ഷേ ഞാൻ പറഞ്ഞ്‌ തീര്‍ന്നില്ല ജിനു.” അവള്‍ അതും പറഞ്ഞ്‌ എന്നോട് കൂടുതൽ ചേര്‍ന്നു കിടന്നു. “ഇത്രയും കാലം എന്തെങ്കിലും ഇഷ്ട്ടപ്പെടാൻ പോലും എനിക്ക് ഭയമായിരുന്നു. അത്രയ്ക്ക് ഭയന്നാണ് ഞാൻ ജീവിച്ചത്. യാഥാര്‍ത്ഥ സ്നേഹവും , സ്വാതന്ത്ര്യവും കിട്ടാതെയാണ് ഞാൻ ജീവിച്ചത്. എന്റെ മാമാന്റെ പിടിയിൽ വീണു പോകാതെ എനിക്ക് ഇഷ്ടപ്പെട്ട ആളിനോട് മാത്രം എന്റെ സമ്മതത്തോടെ സെക്സ് ചെയ്യാൻ കഴിയണം എന്ന സ്വപ്നവും എനിക്ക് ഉണ്ടായിരുന്നു…, പക്ഷേ അങ്ങനെയൊക്കെ ആഗ്രഹിക്കാൻ എനിക്ക് ഈ ജന്‍മത്തില്‍ അവകാശവുമില്ല, യോഗ്യതയുമില്ലെന്ന് വിചാരിച്ചാണ് ഇത്രയും കാലം അതൊക്കെ എന്റെ ഉള്ളിന്റെ ഉള്ളില്‍ അടിച്ചമർത്തി, ആഗ്രഹങ്ങള്‍ എല്ലാം നശിപ്പിച്ചു കൊണ്ട്‌ ഞാൻ ജീവിച്ചത്.”

അത്രയും പറഞ്ഞിട്ട് അല്‍പ്പം പുറകോട്ട് മാറി കിടന്ന് അവള്‍ എന്നെ സ്നേഹവും, ആരാധനയും, കടപ്പാടും നിറഞ്ഞ കണ്ണുകളോടെ നോക്കി പുഞ്ചിരിച്ചു. ഞാൻ അവള്‍ പറഞ്ഞതൊക്കെ കേട്ട് അന്തിച്ചും, അവളുടെ പഴയ ആ നരക തുല്യമായ ജീവിതത്തെ വിചാരിച്ച് സങ്കടപ്പെട്ടു കൊണ്ടും മിണ്ടാതെ കിടന്നു.

“എനിക്ക് നിന്നോടുള്ള കടപ്പാട്, സ്നേഹം, ഇഷ്ട്ടം, കാമം, എന്ന് എന്തുവേണമെങ്കിലും നീ വിചാരിച്ചോ, ജിനു. എനിക്ക് ഒരു കുഴപ്പമില്ല, എനിക്ക് ദുഃഖവുമില്ല. എന്റെ മനസ്സ് നിറയെ നിന്നോടുള്ള ഇഷ്ട്ടമാണ്. മനസ്സ് നിറയെ നിന്നോട് ബഹുമാനമാണ്. നിന്നോട് മനസ്സ്