Chapter Title : മസാജ് തെറാപ്പിസ്റ്റ് 6 [Eros – God of Lust]

അതിന്റെ ഗുണങ്ങളും, എന്തിന്‌ ഉപയോഗിക്കണം, എങ്ങനെ ഉപയോഗിക്കണം, എന്നൊക്കെ പറഞ്ഞു കൊടുക്കാനും തുടങ്ങി.

ഓരോ സ്റ്റോറേജിലും വ്യത്യസ്ത താപനിലയാണ് മെയിൻറ്റെയിൻ ചെയ്യേണ്ടത്. അതിനായി ചൂടും തണുപ്പും ഉല്‍പ്പാദിപ്പിക്കാൻ ശേഷിയുള്ള മൂന്ന്‌ ഡ്യൂവൽ ടൈപ്പ് എസിയാണ് മൂന്ന്‌ സ്റ്റോറേജിലും ഞാൻ സെറ്റ് ചെയ്തിട്ടുണ്ടായിരുന്നു. പിന്നെ വൈദ്യുതി എപ്പോഴും മെയിൻറ്റെയിൻ ചെയ്യാനായി ഓട്ടോമാറ്റിക്കായി പ്രവർത്തിക്കുന്ന ജനറേറ്റർ റൂമും അണ്ടർ ഗ്രൗണ്ടില്‍ സെറ്റ് ചെയ്തിട്ടുണ്ടായിരുന്നു. അതിനെ കുറിച്ചെല്ലാം ഞാൻ വിശദമായി തന്നെ അവര്‍ക്ക് പറഞ്ഞു കൊടുത്തു.

അതുകഴിഞ്ഞ്‌ പുറത്തുള്ള ഗ്രീന്‍ ഹൗസും അവര്‍ക്ക് ഞാൻ കാണിച്ച് കൊടുത്തിട്ട് അതിനെ പരിപാലിക്കാൻ വേണ്ട ബേസിക് വിവരങ്ങളും വിവരിച്ചു. ഒടുവില്‍ എന്റെ കൺസൾട്ടിങ് റൂമിലും, പിന്നെ വീട്ടിലുള്ള ലാബിലും അവരെ കൊണ്ടുപോയി വെറുതെ അതൊക്കെ കാണിച്ചു കൊടുത്തു.

അവസാനം, ഞാൻ അവരെയും കൂട്ടി അണ്ടർ ഗ്രൗണ്ടിലുള്ള എന്റെ സീക്രട്ട് സ്റ്റഡി റൂമിൽ പോയി. വലിയ റൂമായിരുന്നു. വലുതെന്ന് പറഞ്ഞാൽ, ഏകദേശം ഇരുപത് ആനകള്‍ക്ക് സുഖമായി നിൽക്കാൻ കഴിയുന്നത്ര വലിയ റൂം.

“വൗവ്…. ജിനു….!!” ധ്വനി അന്തംവിട്ട് വിടര്‍ന്ന കണ്ണുകളോടെ വട്ടംകറങ്ങി ചുറ്റിലും നോക്കി. “ഈശ്വരാ… ഇതെന്താ ഹൈപ്പര്‍ മാർക്കറ്റാണോ..!! ഇലക്ട്രോണിക്ക് ഐറ്റംസ്, സ്റ്റേഷണറി ഐറ്റംസ്, ഉൾപ്പെടെയുള്ള മറ്റനേക സാധനങ്ങളും ഇവിടെ ഉണ്ടല്ലോ..!?”

ജെസ്സി ഇതൊക്കെ നേരത്തേ കണ്ടിട്ടുള്ളതാണ്. പക്ഷേ അവൾ ഇതൊക്കെ എത്ര പ്രാവശ്യം കണ്ടാലും അപ്പോഴൊക്കെ അവളുടെ മുഖത്ത് വിസ്മയം നിറയുമായിരുന്നു. ഇപ്പോഴും അങ്ങനെ തന്നെയായിരുന്നു.

ധ്വനിയും ജെസ്സിയും ഭയങ്കര വിസ്മയത്തോടും ഉത്സാഹത്തോടും റൂമിൽ കറങ്ങി നടന്ന് ഓരോ സാധനങ്ങളേയും തൊട്ടും, എടുക്കാന്‍ കഴിയുന്നത് എടുത്ത് നോക്കിയും നടന്നു.

ഞാൻ ചിരിച്ചുകൊണ്ട് റൂമിന്റെ