Chapter Title : മസാജ് തെറാപ്പിസ്റ്റ് 6 [Eros – God of Lust]

എഴുതി വൈക്കം. ചിലർ കാശ് കൈയിൽ തരും, ചിലർ ജി പേ ചെയ്യും.”

“മ്മ് ഓക്കെ. ഞാൻ ചെയ്യാം.”

“ഓക്കെ തല്‍കാലം ഇതാണ് നിന്റെ പ്രധാന ജോലികള്‍. പിന്നെ എന്തെങ്കിലും അല്ലറചില്ലറ ജോലികളും ചെയ്യാനുണ്ടാവും, അതൊക്കെ അതാത് സമയങ്ങളില്‍ ഞാൻ നിന്നോട് പറയാം.”

“മ്മ്, ഓക്കെ.” അവൾ ഉത്സാഹത്തോടെ പറഞ്ഞു.

“ഇനി സാലറി, നിന്റെ സാലറി ആഴ്ച്ചയ്ക്ക് 10,000 രൂപയാണ്. എല്ലാ വെള്ളിയാഴ്ചയും കാശ് നിന്റെ അക്കൗണ്ടിൽ കേറും.”

“ങേ…. ശെരിക്കും..!! ആഴ്ചയിൽ 10 കിട്ടുമോ, അപ്പൊ മാസം 40,000. അത്രയും ഈ ജോലിക്ക് കിട്ടുമോ..?” ആശ്ചര്യത്തോടെ അവള്‍ ചോദിച്ചു. “പക്ഷേ ജിനു, നമ്മൾ തമ്മിലുള്ള ബന്ധം കാരണമല്ലേ ഇത്രയും കൂടുതൽ നി തരുന്നത്, അങ്ങനെ ആണെങ്കിൽ എനിക്ക് എത്രയും സാലറി വേണ്ട.” ശബ്ദം താഴ്ത്തി അവൾ സീരിയസ്സായി പറഞ്ഞു.

“എന്റെ ധ്വനി..,” ഞാൻ സീരിയസ്സായി അവളെ ഒന്ന് നോക്കി ശേഷം വീണ്ടും റോഡില്‍ ഉണ്ടായിരുന്ന ചെറിയ ട്രാഫിക്കിലൂടെ സൂക്ഷിച്ച്‌ ഓടിച്ചു. “ഞാൻ പറഞ്ഞ ജോലി കേൾക്കാൻ നല്ല ഈസിയാണ്. പക്ഷേ ചെയ്യുമ്പോ നിനക്ക് മനസ്സിലായിക്കോളും.”

“അത്രയ്ക്ക് ബുദ്ധിമുട്ടുള്ള ജോലിയാണെന്ന് എനിക്ക് തോന്നുന്നി—”

“വെറുതെ കേൾക്കുമ്പോ നിനക്ക് തോന്നില്ല. പക്ഷേ ചെയ്യുമ്പോ മനസ്സിലാവും. എന്തായാലും നീ ജോലി തുടങ്ങി ഒരാഴ്ച കഴിയുമ്പോ നമുക്ക് ഇതിനെക്കുറിച്ച് വീണ്ടും സംസാരിക്കാം. അപ്പോഴും നിനക്ക് ഇതേ അഭിപ്രായം തന്നെയാണെങ്കിൽ നീ പറയുന്ന അത്രയും ഞാൻ കുറയ്ക്കാം. ഓക്കെയാണോ..?”

അപ്പോ അവള്‍ പുറത്തെ കാഴ്ചകൾ നോക്കി കൊണ്ട് കുറച്ചുനേരം ആലോചിച്ചു. എന്നിട്ട് എന്നെ നോക്കി. “ഓക്കെ, ഞാൻ സമ്മതിച്ചു.” അവൾ ആശ്വാസത്തോടെ പറഞ്ഞു.