Chapter Title : മൗനരാഗം 2 [sahyan]

എന്തു പറഞ്ഞാലും ഞാൻ അത് അനുസരിക്കും എന്ന് അറിയാമാഞ്ഞിട്ടും ഒരിക്കൽ പോലും ഒന്നിനും എന്നെ നിര്ബന്ധിച്ചിട്ടില്ലാത്ത ഞാൻ എടുക്കുന്ന ഏതൊരു തീരുമാനത്തിനും കൂടെ നിന്നിരുന്ന ഒരാൾ അതുകൊണ്ട് തന്നെ അമ്മാവൻ ഇങ്ങനെ വിഷമിക്കുന്നത് കാണാൻ എനിക്ക് പറ്റുന്നുണ്ടായിരുന്നില്ല "എന്താ അമ്മാവാ ഇതൊക്കെ പ്രത്യേകിച്ചു പറയണോ ഞാൻ നോക്കിലെ ദീപുനെ... എന്റെ കൺവെട്ടത്തു ഉള്ളോടുത്തോളം കാലം അവൾക്കു ഒന്നും പറ്റാതെ ഞാൻ നോക്കിക്കോളാം അമ്മാവൻ അതോർത്തു ടെൻഷൻ അടിക്കണ്ട…" ഞാൻ അമ്മാവന്റെ കൈ മുറുകെ പിടിച്ചു പറഞ്ഞു എന്റെ ശബ്ദത്തിലെ ഉറപ്പ് ആൾക്ക് കിട്ടിയിട്ടുണ്ടാകും ആള് ഒന്ന് റിലാക്സ് ആയി... പിന്നെ ഓഫീസിലെയും വീട്ടിലെയും പലകാര്യങ്ങളും തമാശകളും പറഞ്ഞു ഞങ്ങൾ സമയം തള്ളി നീക്കി അപ്പോഴേക്കും അമ്മായി വന്നു ഭക്ഷണം കഴിക്കാൻ വിളിച്ചു എനിക്കു വിശപ്പില്ലാത്തതിനാൽ ഞാൻ അവിടെയിരുന്ന് വീണ്ടും ടീവി കണ്ടു അമ്മാവൻ ഭക്ഷണം കഴിച്ചു കഴിഞ്ഞു എന്റെയടുത്തു വന്നു നാളെ കോളേജിലേക്ക് പോവണ്ട കമ്പനിയിൽ ബോർഡ്‌ മീറ്റിങ് ഉണ്ട് അതിന്

പോവണമെന്ന് പറഞ്ഞ് കിടക്കാൻ പോയി.. എനിക്കണേൽ നേരത്തെ കിടന്നൊറങ്ങിയ കാരണം ഉറക്കം വരുന്നുണ്ടായിരുന്നില്ല… നെറ്ഫ്ലിക്സ് ടീവിയിൽ ഓൺ ചെയ്തു അതിൽ ലൂസിഫർ പുതിയ സീസൺ വന്നിട്ടുണ്ടായിരുന്നു അതെടുത്തു കണ്ടുതുടങ്ങി.. ഒന്നുരണ്ടു എപ്പിസോഡ് കണ്ടുകഴിഞ്ഞപ്പോഴാണ് അകത്ത്‌ ഡോറിൽ ആരോ തട്ടുന്ന ശബ്‌ദം ആരാ ഇ പന്ത്രണ്ടു മണി നേരത്തു വാതിലിൽ തട്ടുന്നേ?? ആദ്യം തോന്നിയതാണെന്നു വിചാരിച്ചു പിന്നേം കേൾക്കുന്നു വാതിലിന്റെ കുറ്റിയൊക്കെ മാറ്റുന്നപോലെ ഒരു ശബ്‌ദം വല്ല പ്രേതമാവോ എന്ന് വിചാരിച് ഞാൻ പോയി നോക്കിയപ്പോള്‍ സംഗതി പ്രേതം തന്നെയാ നമ്മടെ വീട്ടിലെ പ്രേതം ആന്നെന്നു മാത്രം ഇനി പന്ത്രണ്ട് ആയപ്പോൾ രക്തം കുടിക്കാൻ ഇറങ്ങിയതാണോ….. എന്നാലും ഇവള് എങ്ങോട്ടാ പോവുന്നതെന്ന് അറിയണമല്ലോ.. ഞാൻ പിന്നാലെ ശബ്‌ദം ഉണ്ടാകാതെ നടന്നു അവള് നേരെ പോർച്ചിൽ കയറി അവളുടെ ബൈക്ക് തള്ളിയിറക്കാൻ നോക്കുകയായിരുന്നു...ഓഹോ.. നാടുവിടാൻ അതും ഇ പാതിരാത്രി.. ശരിയാക്കി തരാം…. എന്നാലും പാതിരാത്രി വീടിന്റെ ഫ്രണ്ട് വാതിൽ തുറന്ന് തന്നെ പോകുന്ന അവളുടെ ഒരു ധൈര്യം..... എന്തായാലും ഞാൻ ഇടപെടാൻ തീരുമാനിച്ചു അമ്മാവനു വാക്ക് കൊടുത്തതല്ലെ…. ദീപു.........