Chapter Title : മഴ മേഘങ്ങൾ 2 [Gibin]

എടുത്തിട്ട് ചേച്ചി ഇറങ്ങി. പുറകെ ഞാനും നിത്യയും ചുരിദാർ എടുത്തിട്ട് പാഞ്ഞു. ഹാളിൽ ഇരുന്ന കാറിന്റെ കീ എടുത്തപ്പോൾ ഗ്ലോറി ആന്റി പറഞ്ഞു. "അവൾക്ക് വേണ്ടത് നിങ്ങൾ വാങ്ങിയാൽ പോരെ. അവളെയും കൂട്ടികൊണ്ട് പോകുന്നത് അപകടം ആണ്. " കേട്ടയുടനെ ചേച്ചി ആരെയും നോക്കാതെ പറഞ്ഞു. "ആയിക്കോട്ടെ!! റാണി ഇവിടെ തന്നെ ഇരിക്കട്ടെ. അടിയങ്ങൾ പോയി വസ്ത്രം എടുത്തുകൊണ്ടു വരാം. " ആ മറുപടി കേട്ട് ആരും മിണ്ടിയില്ല. അനു ഒന്നും മിണ്ടാതെ ഞങ്ങളുടെ മുൻപിൽ നടന്നു. ഞങ്ങളും പിറകെ. റൂമിൽ നിന്നു ഇറങ്ങാൻ നേരം ഗ്ലോറി ആന്റി പറഞ്ഞു. "എന്നാൽ നിതിൻ എന്റെ ഫ്ലാറ്റിൽ കാണും. എനിക്ക് സംഭവത്തെ കുറിച്ച് കൂടുതൽ ചോദിച്ചറിയാൻ ഉണ്ട്. നിങ്ങൾ അധിക സമയം എടുക്കല്ലേ. എന്റെ കൂട്ടുകാർ വരുമ്പോൾ അനു ഇവിടെ കാണണം. " കേട്ടിട്ടും കേൾക്കാത്ത ഭാവത്തിൽ ചേച്ചി നിന്നതുകൊണ്ട് നിത്യ പറഞ്ഞു " ഞങ്ങൾ ഇവിടെ അടുത്ത് എന്റെ കൂട്ടുകാരീടെ ഷോപ്പിലാ പോകുന്നത്. ഒരു മണിക്കൂറിൽ തിരിച്ചു എത്തും " ശ്രേയ ചേച്ചി ഒരു പുച്ഛത്തോടെ നിത്യയോട്‌ ചോദിച്ചു. "നിന്റെ തന്ത താഴെ വഞ്ചി ആയിട്ട് നിപ്പുണ്ടോ ഒരു മണിക്കൂറിൽ വരാൻ? വെള്ളം കേറി കിടക്കുവാ. സമയം എടുക്കും." നിത്യ ഒന്ന് ചിരിച്ചു. ആന്റിയും നിതിനും ഫ്ലാറ്റിനു പുറത്തിറങ്ങിയപ്പോൾ ചേച്ചി ഫ്ലാറ്റ് പൂട്ടി. പുറത്തേക്ക് ഇറങ്ങി. മഴ ശക്തമായി തുടരുന്നു. കാറിനെ ലക്ഷ്യമാക്കി ഞങ്ങൾ നടന്നു. ശ്രേയ ചേച്ചി ഡ്രൈവിങ് സീറ്റിൽ കേറി. മുൻപിൽ നിത്യ ഇരുന്നു. പിന്നിൽ ഞാനും അനുവും കേറി. വഴിയിൽ എല്ലാം വെള്ളം കേറി കിടക്കുവായിരുന്നു. പതുക്കെ പതുക്കെ കാർ എങ്ങനെയോ നീക്കി. കുറഞ്ഞത് 1 കിലോമീറ്റർ കടക്കാൻ 30 മിനിറ്റ് എടുത്തു. എങ്ങനെയോ ഒരു ചെറിയ കടയുടെ മുൻപിൽ എത്തി. വന്നത് അനുവിന് ഡ്രസ്സ്‌ എടുക്കാൻ ആണെങ്കിലും എല്ലാവരും ഡ്രസ്സ്‌ സെലക്ട്‌ ചെയ്യാൻ തുടങ്ങി. ഞാനും എനിക്ക് ഇഷ്ടമുള്ള ഡ്രസ്സ്‌ എടുത്തു. നിത്യയും എനിക്കായി സെലക്ട്‌ ചെയ്തു. ബില്ല് നല്ല ഒരു സംഖ്യ തന്നെ വന്നു. എന്നാൽ അത് കാര്യമാക്കാതെ ശ്രേയ ചേച്ചി