Chapter Title : മഴ തേടും വേഴാമ്പൽ 1 [മന്ദന്‍ രാജാ]

കണ്ണ് നിറഞ്ഞിരിക്കുന്നത് കണ്ട ഉണ്ണി കട്ടിങ് ബോർഡ് വലിച്ചെടുത്തു

"'സവാള അരിഞ്ഞിട്ട് കണ്ണ് നിറഞ്ഞതാ "' ഷേർളി വീണ്ടും കട്ടിങ് ബോർഡ് തന്റെ അടുത്തേക്ക് വലിച്ചു

"' അത് ശെരി ... ഞാനതോർത്തില്ല .. ഹോ .സമാധാനമായി ... മമ്മ ഒന്ന് മിണ്ടാൻ തുടങ്ങിയല്ലോ "" ഷേർളി അതിനു മറുപടിയൊന്നും മിണ്ടിയില്ല . അവളരിഞ്ഞതിൽ നിന്നും അല്പം സവാള എടുത്തു വീണ്ടും തീരെ ചെറുതായി അരിഞ്ഞിട്ട് പാൻ അടുപ്പത്തു വെച്ചിട്ട് , കറിവേപ്പിലയും സവാളയും ഇട്ടു , അതിലേക്ക് മഞ്ഞൾപ്പൊടിയും ലേശം മല്ലിപ്പൊടി , മുളകുപൊടി ചേർത്തപ്പോൾ ഷേർളി അവനെന്താണ് കാണിക്കുന്നതെന്ന് ഓർത്തു .

"' നീയിതെന്താ ചെയ്യുന്നേ ?''' വേവിച്ചു വെച്ചിരിക്കുന്ന കപ്പ അതിലേക്കിട്ടപ്പോൾ അവൾ ചോദിച്ചു പോയി

"' കപ്പ വേവിക്കുന്നു ..ഞങ്ങളൊക്കെ കപ്പപ്പുഴുക്ക് എന്നൊക്കെ പറയും "''

"'അതിനരപ്പ് വേണ്ടേ ?'''

"' ഇങ്ങനെയും ഉണ്ടാക്കാം .. ഞങ്ങൾ ബാച്ചിലേഴ്‌സിന് ഈ തേങ്ങാ ചിരവൽ അരപ്പുണ്ടാക്കൽ ഒക്കെ വലിയ പാടാന്നേ ..."' ഉണ്ണി ചിരിച്ചു കൊണ്ട് പാനിലെ കാപ്പ തവ കൊണ്ടുടക്കാൻ തുടങ്ങി

"' എനിക്കെങ്ങും വേണ്ട .. വെറുതെ മഞ്ഞപ്പൊടിയിട്ട് "'

"'അതിനു മമ്മക്ക് ഇങ്ങനെയല്ലലോ തരുന്നേ ..ദേ .. ഇതും കൂടി പൊളിച്ചു അരിഞ്ഞെ "' ഉണ്ണി അവളുടെ അടുത്തേക്ക് നാലഞ്ച് ഉള്ളി നീക്കിവെച്ചു .അവൻ കുക്കർ തുറന്നു ബീഫ് എടുത്തു , കറിയുണ്ടാക്കാൻ തുടങ്ങി

"" മമ്മ ബീഫ് കഴിക്കൂല്ലോ അല്ലെ ..അതോ കോഴിയാണോ ഇഷ്ടം ?'''

"'ഞാനെന്തും കഴിക്കും "'''

"' ഞാനുമതെ ..തിരിച്ചുകടിക്കാത്തതെന്തും ഞാനും കഴിക്കും ...""' കപ്പ വാങ്ങി വെച്ചിട്ടവൻ മറ്റൊരു പാൻ അടുപ്പിൽ വെച്ചപ്പോളാണ് ഫോണടിച്ചത് . അജയ് ആണ് ... ഉണ്ണി ഫോണെടുത്തുകൊണ്ട് ഹാളിലേക്ക് നടന്നു

""പറയടാ .അജൂ .. ""

"'' ഉണ്ണീ .. അവിടെ കുഴപ്പമൊന്നുമില്ലല്ലോ അല്ലെ ?''

"'ഹേ ..ഇവിടെന്തു കുഴപ്പം ?'''

"' അല്ല ..മമ്മാ ?'''

"' മമ്മാക്ക് ഒരു കുഴപ്പോമില്ല ...ദേ .. ഉള്ളിയരിയാൻ ഏല്പിച്ചിട്ടാ ഞാൻ പുറത്തേക്ക് വന്നേ ""

"'ങേ ..മമ്മ