Chapter Title : മഴനീർതുള്ളികൾ 3 [Anamika]

ബാഗുവച്ചിട്ട് അവന്റെ പുറത്തിനിട്ട് ഒരൊറ്റ അടിയായിരുന്നു….

“വൃത്തികെട്ടവൻ….പട്ടി….”

ഹരി ചിരിച്ചു മറിഞ്ഞു…

അമ്മു പിന്നിലേക്ക് കയറിയിരുന്നു….

“വണ്ടിയെടുക്കങ്ങോട്ട്….” അപ്പോളും ചിരിനിർത്താത്തവന്റെ പുറത്തിനൊരു നുള്ള്‌കൂടെ കൊടുത്തു….റൈൻകോട്ട് ഇട്ടതുകൊണ്ട് കാര്യമായിട്ടത് ഏറ്റില്ല…

അവളെ വീട്ടിൽ വിട്ട് ഹരി തിരിച്ചുപോയി…

വന്നുകയറി അരമണിക്കൂർ കഴിഞ്ഞതും അമ്മു തുമ്മാൻ തുടങ്ങി…

സന്ധ്യ കഴിഞ്ഞതും പേമാരിപ്പെയ്തു തുടങ്ങി….

പറമ്പും തോടും കുളവുമെല്ലാം നിറഞ്ഞു കവിഞ്ഞൊഴുകി…

പാടത്തു കണ്ടമാനം വെള്ളം കയറി…

ചിറയും വരമ്പുമെല്ലാം പണിക്കാരെ കൂട്ടി പൊട്ടിച്ചുവിട്ട് ചാലുകീറി വെള്ളം തിരിച്ചു വിട്ട് ഹരി തിരുച്ചെത്തിയപ്പോൾ അർധരാത്രി കഴിഞ്ഞിരുന്നു….

കുളിയും കഴിഞ്ഞ് വിറകുപുരക്ക് മുന്നിൽവലിച്ചുകെട്ടിയ പടുതക്ക് കീഴെ വിരിച്ചിട്ട മുണ്ടും എടുത്തുടുത്തു അകത്തുകയറി…

ചോറ് കഴിക്കാൻ തോന്നിയില്ല രണ്ടുപഴം എടുത്ത് കഴിച്ചു വെള്ളവും കുടിച്ചു വന്നു പായ് വിരിച്ചു കിടന്നു…

തണുത്തുവിറച്ചു കിടക്കുന്ന കൊണ്ടാണോ മഴയുടെ ആ സൗണ്ട് കാരണം ആണോ ഒന്നു മൂടായതുപോലെ…

പക്ഷെയീ ഹാളിൽ കിടന്നൊണ്ട് ഒന്നും നടക്കൂല…

കമിഴ്ന്നു കിടന്നു പുതപ്പിനുള്ളിലേക്ക് നൂണ്ട് കയറാൻ തുടങ്ങുമ്പോളാണ് അമ്മുവിന്റെ മുറിക്കുള്ളിൽ നിന്നും ഒരു ഞരങ്ങലും മൂളലും കേൾക്കുന്നത്….

ചെവി വട്ടം പിടിച്ചു…

നേർത്തൊരു ശബ്ദം ആണ്…

ഇനി അവളെങ്ങാനും….

ഹേയ്…..

അല്ല മഴയൊക്കെയല്ലേ…

അവൻ ചുണ്ടുകടിച്ചു….

“എന്റെ പ്രൈവസീം മുറീം എല്ലാം കളഞ്ഞട്ട് ഒറ്റക്കങ്ങു സുഖി…..”

“അയ്യോഹ്….”

“പിശാശ് മഴേം കൊണ്ടുവന്നല്ലേ കിടക്കുന്നെ…വല്ല പനീം പിടിപ്പിച്ചോ….”

ചാടിഎണീറ്റു…

അമ്മയെ വിളിക്കണോ..

നോക്കീട്ട് വിളിക്കാം…

പയ്യെ ഡോറിൽ മുട്ടി…

അകത്തു നിന്ന് അനക്കം ഒന്നുമില്ല…

അവൻ ഡോറിൽ പിടിച്ചു തള്ളി…മഴയത്ത് തണുത്തു തടി വീർക്കുന്നതിനാൽ കുറ്റി വീഴാറില്ല…തുറന്നുവന്നു..

പ്രതീക്ഷിച്ചപോലെ തന്നെ…മൂടിപ്പുതച്ചു കിടപ്പുണ്ട്..

“അമ്മൂ…”

അവൾ കണ്ണുതുറന്നില്ല…

നെറ്റിയിൽ കൈ വെച്ചു നോക്കി…പനിക്കുന്നുണ്ട്…

കുറച്ചുകൂടെ ചെവിയോട് ചേർന്നുനിന്ന് വിളിച്ചു…

“മ്മ്മ്…” തളർന്ന മൂളൽ…

“പനി കൂടുതലാണോ…മരുന്ന് കഴിച്ചോ…”

“മ്മ്മ്…”

“ഹോസ്പിറ്റലിൽ പോണോ…”

“വേണ്ട….”

“സ്വെറ്റർ ഉണ്ടോ നിന്റെ കയ്യിൽ…” വാടി