Chapter Title : മഴനീർതുള്ളികൾ 3 [Anamika]

ആണെന്ന് ബോധ്യം വന്നത്…

അമ്മുവിന്റെ മാറിലാണ് തല വച്ചിരിക്കുന്നത്…

ഉള്ള് കാളി….

അവളുറങ്ങീട്ട് എണീറ്റ് പോകാമെന്നു വച്ചിട്ട് ഇവിടെ തന്നെ കിടന്നുറങ്ങിപ്പോയ….

ആ ചൂടിൽ മയങ്ങി അവിടെ മുഖമിട്ടൊന്നുരസാൻ തോന്നിയ തോന്നൽ പണിപ്പെട്ടടക്കി കണ്ണൊന്നടച്ചുതുറന്നവൻ പതിയെ തലപൊക്കി…

നല്ല ഉറക്കം ആണ് അറിഞ്ഞിട്ടില്ല…

ഭാഗ്യത്തിന് തലയും തന്റെ ഒരു കയ്യും മാത്രമേ അവളുടെ ദേഹത്തുള്ളൂ…

അവൻ എഴുന്നേറ്റത്തും അവൾ ഒന്നു ചിണുങ്ങി കമിഴ്ന്നു കിടന്നു…

ഹരി കിട്ടിയ ജീവനും കൊണ്ട് ഓടി വാതിൽ തുറന്നു…

ഇറങ്ങി രണ്ടുകാൽ വച്ചതും അമ്മ…

“നീയിവിടുണ്ടാരുന്നോ… കാണാഞ്ഞപ്പോ ഞാനോർത്തു പോയെന്ന്….” തലയിൽ തോർത്ത്‌ ചുറ്റിക്കെട്ടി മായ അമ്മുവിന്റെ മുറിവാതിൽക്കലേക്ക് നീങ്ങി…

“എടാ ശാന്തേച്ചിടെ പ്ലാവിന്റെ കൊമ്പൊടിഞ്ഞു വീണെടാ…ചേച്ചി രണ്ടെണ്ണം എടുത്തു മാറ്റി വച്ചിട്ടുണ്ട് നീപൊയൊന്ന് എടുത്തോണ്ട് വാട്ടോ….”

ജസ്റ്റ്‌ മിസ്സ്‌….ഒന്നും കണ്ടിട്ടില്ല…

“ഈ ചക്ക സീസൺ ഇതുവരെ കഴിഞ്ഞില്ലേ….കുറെ ആയല്ലോ…”

“ആഹ വറുത്തുവച്ച ടിൻ മിനിട്ടുവച്ചു കാലിയാക്കണ നീ തന്നെ ഇത് പറയണം….പോയി എടുത്തിട്ട് വാട…ഇക്കൊല്ലത്തെ ലാസ്റ്റ് ചക്കയാ…നമ്മടെ പ്ലാവേലെയൊക്കെ എന്നെ തീർന്നതാ…”

“മ്മ്മ്…”

“ഇന്നലെയൊരു തുമ്മലും കൂനിപിടിച്ചിരിപ്പും ഒക്കെ ആയിരുന്നു പനിച്ചോ ആവോ….”

പറഞ്ഞുംകൊണ്ട് വാതിൽ തുറന്നപ്പോ അമ്മു എണീറ്റില്ലെന്ന് കണ്ട് മായ അതു ചാരിതന്നെ വച്ചു പോയി…

ഹരി ചക്കയെടുത്തു കൊണ്ടുവന്നു പുഴുങ്ങാൻ മൂപ്പുള്ളത് തുന്നിച്ചുനോക്കി കോടാലിക്ക് നാലായി പിളർന്നു വച്ചു…

ലളിതമ്മക്കുള്ളതും അങ്ങനെ തന്നെ മുറിച്ചു വച്ചു…

കോടാലി ചാരിവെച്ചു പിറകുവശത്തുകൂടെ തന്നെ അകത്തുകയറുമ്പോൾ അമ്മു അടുക്കളയിൽ ഉണ്ട്..

“ ഇതൊന്നു നോക്കിയേട….എന്ത് പ്രാണിയോ ചെള്ളോ ആണെന്നറിഞ്ഞുകൂടാ മോൾടെ കഴുത്തിന്റെ ഒരു വശം മൊത്തോം ചുവന്നു കിടക്കുവാ…

ഇനിവല്ല അലർജിയോ മറ്റോ ആയിരിക്കുവോ .” പറഞ്ഞുകൊണ്ട് പച്ചമഞ്ഞളും തുളസിയിലയും കൂട്ടി അരച്ചത് അവളുടെ കഴുത്തിലേക്ക് തേക്കുന്നുണ്ട് മായ….

ഹരി ഞെട്ടി നോക്കുമ്പോൾ തലതാഴ്ത്തി നിൽക്കുവാണ് അമ്മു…

ചോര തുടുത്തു നിൽക്കുന്ന കവിൾ…

“മ്മ്മ്….”