Chapter Title : മഴനീർതുള്ളികൾ 3 [Anamika]

വിരൽ കീഴ്ച്ചുണ്ടു പരതിയെടുത്തു…അമർത്തി തടവി…..

അവളൊന്നു മൂളുന്നു പോലുമില്ല….

വല്ലാതെ വിറയ്ക്കുന്നില്ല ചെറിയൊരു വിറയൽ മാത്രമേ ഉള്ളൂ…..

ഹരി ഇരുട്ടിൽ അവളുടെ കണ്ണ് പരതിനോക്കി….അടഞ്ഞിരിക്കുന്നു….

ദൈവമേ….മയങ്ങികിടക്കുന്നതിനെ ആണോ താൻ……

നാളെ അവൾ എണീക്കുമ്പോൾ……

അവളെ ദേഹത്തുനിന്നും എടുത്തുമാറ്റി നീക്കികിടത്തി…

പുതപ്പ് മാറ്റി എണീറ്റു…പക്ഷെ അവൻ എണീറ്റു മാറിയതും അവൾ പിന്നേം വിറയ്ക്കാൻ തുടങ്ങി….

“അമ്മാ…” അടഞ്ഞു പോകുന്ന കണ്ണുകളുമായി അവൾ പതിയെ വിളിച്ചു….

അവനതു കണ്ടിട്ട് ഇട്ടിട്ട് പോകാൻ മനസനുവദിച്ചില്ല….

കൂടെ കയറികിടന്നു നെഞ്ചോടടുക്കി പിടിച്ചു….

രണ്ടു പുതപ്പുകൂടെ മൂടി….പതിയെ പുറത്ത് തട്ടികൊടുത്തു…

അവ്യക്തമായി അവൾ എന്തൊക്കെയോ പറയുന്നുണ്ട്…

______________________________

ഹരിയാണ് ആദ്യം കണ്ണുതുറക്കുന്നത്…..

കണ്ണ് പുറത്തെ വെളിച്ചവുമായി സമരസപ്പെട്ടപ്പോൾ ആണ് മുഖം എന്തിന്റെയോ മുകളിൽ ആണെന്ന് ബോധ്യം വന്നത്…

അമ്മുവിന്റെ മാറിലാണ് തല വച്ചിരിക്കുന്നത്…

ഉള്ള് കാളി….

അവളുറങ്ങീട്ട് എണീറ്റ് പോകാമെന്നു വച്ചിട്ട് ഇവിടെ തന്നെ കിടന്നുറങ്ങിപ്പോയ….

ആ ചൂടിൽ മയങ്ങി അവിടെ മുഖമിട്ടൊന്നുരസാൻ തോന്നിയ തോന്നൽ പണിപ്പെട്ടടക്കി കണ്ണൊന്നടച്ചുതുറന്നവൻ പതിയെ തലപൊക്കി…

നല്ല ഉറക്കം ആണ് അറിഞ്ഞിട്ടില്ല…

ഭാഗ്യത്തിന് തലയും തന്റെ ഒരു കയ്യും മാത്രമേ അവളുടെ ദേഹത്തുള്ളൂ…

അവൻ എഴുന്നേറ്റത്തും അവൾ ഒന്നു ചിണുങ്ങി കമിഴ്ന്നു കിടന്നു…

ഹരി കിട്ടിയ ജീവനും കൊണ്ട് ഓടി വാതിൽ തുറന്നു…

ഇറങ്ങി രണ്ടുകാൽ വച്ചതും അമ്മ…

“നീയിവിടുണ്ടാരുന്നോ… കാണാഞ്ഞപ്പോ ഞാനോർത്തു പോയെന്ന്….” തലയിൽ തോർത്ത്‌ ചുറ്റിക്കെട്ടി മായ അമ്മുവിന്റെ മുറിവാതിൽക്കലേക്ക് നീങ്ങി…

“എടാ ശാന്തേച്ചിടെ പ്ലാവിന്റെ കൊമ്പൊടിഞ്ഞു വീണെടാ…ചേച്ചി രണ്ടെണ്ണം എടുത്തു മാറ്റി വച്ചിട്ടുണ്ട് നീപൊയൊന്ന് എടുത്തോണ്ട് വാട്ടോ….”

ജസ്റ്റ്‌ മിസ്സ്‌….ഒന്നും കണ്ടിട്ടില്ല…

“ഈ ചക്ക