മഴയത്തു വന്ന മോഹം 5 [Vashalan]

കിട്ടിയുള്ളൂ... നീ ഈ പറഞ്ഞത് അവനെങ്ങാനും (അജയ്) കേട്ടിരുന്നെങ്കിൽ, പുന്നാര മോനേ... നീ ഈ ക്ലാസ്സിൽ നിന്ന് ഇഴഞ്ഞേ പുറത്ത് പോകുമായിരുന്നുള്ളൂ!"

​അജയ്യെ ക്ലാസ്സിലെ എല്ലാവർക്കും വലിയ പേടിയാണ്. അവന്റെ ആ ഒരു ഗാംഭീര്യവും ആണുത്തവും കണ്ടാൽ തന്നെ ആരും ഒന്നിനും പോകില്ല. പോരാത്തതിന് എന്നെ ഇതുവരെ ഇങ്ങനെ ആരും കണ്ടിട്ടുമില്ല. അതുകൊണ്ട് തന്നെ ആരും കൂടുതൽ പ്രശ്നത്തിന് നിന്നില്ല.

​ഞാൻ അത് പറഞ്ഞു തീർന്നതും,

അടുത്ത പിരീഡിനുള്ള ബെൽ അടിച്ചു. അതോടെ എല്ലാവരും പതിയെ അവരവരുടെ സീറ്റുകളിലേക്ക് പോകാൻ തുടങ്ങി. വിപിനും വേറെ രണ്ടുപേരും കൂടി ജിത്തുവിനെ പിടിച്ച് എഴുന്നേൽപ്പിച്ചു.

​"സാരമില്ലെടാ... നിന്റെ ഈ വായിലെ നാവ് കൊണ്ടാ നിനക്ക് ഇപ്പോൾ ഇത് കിട്ടിയത്. ഇനി വാ അടച്ചു വെച്ച് പോയി ഇരിക്ക്," എന്ന് പറഞ്ഞ് അവനെ അവർ കൊണ്ടുപോയി അവന്റെ സീറ്റിലിരുത്തി.

​ഞാനും പോയി എന്റെ സീറ്റിലിരുന്നു. എന്റെ നെഞ്ചിടിപ്പ് അപ്പോഴും വേഗത്തിലായിരുന്നു. ടീച്ചർ ക്ലാസ്സിലേക്ക് വരുന്നതുവരെ, പെൺകുട്ടികളുടെ ഇടയിൽ മുഴുവൻ സംസാരം എന്നെക്കുറിച്ചായിരുന്നു. എന്നെ ഒളികണ്ണിട്ട് നോക്കിക്കൊണ്ട് അവർ പരസ്പരം എന്തൊക്കെയോ മന്ത്രിക്കുന്നുണ്ടായിരുന്നു. പാവം ഷാജുവിന് ഇതെന്ത് പറ്റി എന്ന

അവരുടെ ആ ഞെട്ടൽ ഞാൻ ശരിക്കും ആസ്വദിച്ചു.

​ബെൽ അടിച്ചതിന് പിന്നാലെ ആദ്യത്തെ പിരീഡ് എടുക്കാൻ ഹിസ്റ്ററി മിസ്സ് ക്ലാസ്സിലേക്ക് കയറിവന്നു. കുട്ടികളെല്ലാം അവരവരുടെ സീറ്റുകളിൽ ഒതുങ്ങിയിരുന്ന് പുസ്തകങ്ങൾ എടുത്തു തുടങ്ങി.

​അപ്പോഴാണ് എന്റെ ഫോൺ ഒന്ന് വൈബ്രേറ്റ് ചെയ്തത്. ഞാൻ പതുക്കെ ഡെസ്കിനടിയിലൂടെ ഫോണെടുത്തു നോക്കി. വാട്സ്ആപ്പിൽ അജയ്യുടെ മെസ്സേജ് ആണ്:

"എടാ ഞാൻ ഇന്ന് വരുന്നില്ല. കാര്യങ്ങൾ ഞാൻ പിന്നീട് പറയാം. നീ റീന മിസ്സിനെ സെറ്റ് ആക്കാൻ നോക്ക്."

​ആ മെസ്സേജ് കണ്ടതും ആദ്യം എനിക്ക് അവനോട് ചെറിയൊരു ദേഷ്യം തോന്നി. രാവിലെ തൊട്ട് അവനെ കാത്തുനിന്നിട്ട് ഇപ്പോൾ വന്നിട്ട് ഇങ്ങനെയൊരു മെസ്സേജ്! എങ്കിലും അടുത്ത നിമിഷം

എന്റെ ദേഷ്യം മാറി അവിടെയൊരു കള്ളച്ചിരി വിടർന്നു. അവൻ വരാത്തത് ഒരു കണക്കിന് നന്നായി, റീന മിസ്സിനെ ഇന്ന് എനിക്ക് മുഴുവനായും ഒറ്റയ്ക്ക് കിട്ടുമല്ലോ എന്നോർത്തപ്പോൾ വലിയൊരു സമാധാനമായി.

​മിസ്സ് അറ്റൻഡൻസ് വിളിക്കാൻ തുടങ്ങിയപ്പോൾ ഞാൻ വെറുതെ ഒന്ന് സൈഡിലേക്ക് തിരിഞ്ഞു നോക്കി. ജിത്തു ഇപ്പോഴും കവിളും പൊത്തിപ്പിടിച്ച് എന്നെത്തന്നെ കലിപ്പിട്ട് നോക്കുന്നുണ്ട്. അടി കിട്ടിയതിന്റെ പക അവന്റെ മുഖത്ത് വ്യക്തമാണ്. അത് കണ്ടപ്പോൾ ഞാൻ അവനെ നല്ല രീതിയിൽ ഒന്ന് തുറിച്ചു നോക്കിയിട്ട്, 'ഇനിയും വേണമെങ്കിൽ ഇങ്ങോട്ട് വാടാ' എന്ന മട്ടിൽ കൈകൊണ്ട് വല്ലാത്തൊരു ആക്ഷൻ കാണിച്ചു. അതോടെ അവൻ പേടിച്ച് വേഗം നോട്ടം മാറ്റി പുസ്തകത്തിലേക്ക് തലയിട്ടു.

​ഹിസ്റ്ററി മിസ്സ് അവിടെ ക്ലാസ്സ് എടുത്തു

തുടങ്ങി. പക്ഷെ എന്റെ മനസ്സ് ക്ലാസ്സിലായിരുന്നില്ല. അജയ് ഇന്ന് എന്താ വരാഞ്ഞത്, അവനിപ്പോൾ എന്തായിരിക്കും പരിപാടി എന്ന ചിന്ത ഒരു വശത്ത്. മറുവശത്ത് ലഞ്ച് ബ്രേക്കിന് തൊട്ടുമുൻപുള്ള ആ പിരീഡിൽ റീന മിസ്സിനെ എങ്ങനെ കൂടുതൽ കമ്പനിയാക്കാം എന്ന പ്ലാനിങ്ങും.

​ഇതിനൊക്കെ പുറമെ വേറൊരു കാര്യം കൂടി എന്റെ മനസ്സിൽ