Chapter Title : മഴയെ പ്രണയിച്ചവൾ [ചാണക്യൻ]

കാരണം ഞാൻ ഉറങ്ങുകയാണ്.

ദീർഘമായ ഉറക്കം.

ഒരിക്കലും ഉണരാത്ത ഉറക്കം.

അനന്തമായ ഉറക്കം.

സ്വന്തം മൃതദേഹത്തിലേക്ക് അവളുടെ കണ്ണുകൾ പാഞ്ഞു.

എന്തായിരുന്നു ആ മുഖത്തു തെളിഞ്ഞത് ?

ഒരു തരം നിസംഗതാ ഭാവം മാത്രം.

കറുത്തിരുണ്ട സന്ധ്യ.

കോരിച്ചോരിയുന്ന മഴ ആ പള്ളി മുറ്റത്തിനെയാകെ നനച്ചുകൊണ്ടിരുന്നു.

ആകെ ഇരുട്ട് മൂടിയ അന്തരീക്ഷം.

കൂട്ടിനൊരു കാറ്റും.

പുതുതായി എടുത്ത കുഴിക്ക് സമീപം നിൽക്കുന്ന പള്ളി വികാരി.

പ്രാര്ഥനയോടെയുള്ള നിമിഷങ്ങൾ.

ധ്യാനാത്മകമായ അദ്ദേഹത്തിന്റെ കണ്ണുകൾ.

ധൂപത്തിൽ നിന്നും ഉയരുന്ന വെളുത്ത പുക.

മഴയുടെ താണ്ഡവം അതിന്റെ സഞ്ചാരത്തെ ബാധിച്ചില്ല.

അദ്ദേഹത്തിന് പുറകിൽ നിൽക്കുന്ന കറുപ്പ് വർണ ധാരികളായ ചില മുഖങ്ങൾ.

കൂട്ടിനു കറുത്ത കുടയും.

മരണത്തിന്റെ നിറമാണോ കറുപ്പ് ?

അറിയില്ല.......

മഴ കൊണ്ടു കുതിർന്ന മണ്ണിൽ നിന്നും ഒരു കുമ്പിൾ എടുത്ത കൈകളെ അവൾക്ക് പരിചയം തോന്നി.

ആ മുഖം സൂക്ഷിച്ചു നോക്കി.

ആ ആത്മാവിന്റെ കണ്ണുകൾ വിടർന്നു.

അതേ ഇത് ടെസ്സയാണ്.

ഹന്നയുടെ മാത്രം ടെസ്സ.

അപ്പൊ നിങ്ങൾ ചോദിക്കും ആരാണ് ഈ ഹന്നയെന്ന് ?

അത് ഞാൻ തന്നെയാണ്.

കണ്ടില്ലേ ആ കല്ലറയിൽ വെടിപ്പായി എഴുതി വച്ചത്.
.
.
"ഹന്ന മാത്യു കുരിശിങ്കൽ "

ജനനം : ഫെബ്രുവരി 17, 1997

മരണം :  ആഗസ്റ്റ് 13,  2019
.
.
ടെസ്സയോടൊപ്പം ഈ മഴ നനയാൻ അവൾക്ക് കൊതി തോന്നി.

പക്ഷെ അതിനു കഴിയില്ലല്ലോ..

എയ്യ് ടെസ്സ നീയെന്തിനാ കരയുന്നെ?

ഞാൻ പറഞ്ഞിട്ടില്ലേ ആരുടെ മുന്നിലും തല കുനിയരുതെന്നു.

ബി പ്രാക്ടിക്കൽ.

അപ്പൊ