Chapter Title : മേലേടത്ത് വീട് [ജംഗിള്‍ ബോയ്‌സ്]

ആര്യ: മാറി വേലുക്കുട്ടി: ഇപ്പോള്‍ നിങ്ങളുടെ അവകാശികള്‍ക്ക് കാരാഗ്രഹവാസമാണ് അല്ലേ..? മൂവരും ഒരുമിച്ച് പറഞ്ഞു: അതെ. വേലുക്കുട്ടി: പക്ഷെ, ആരോ നിങ്ങളെ ചതിച്ചു. അതുകൊണ്ടല്ലേ ഇരുട്ടറയില്‍ ആയത്. ആര്യ: ഉം വേലുക്കുട്ടി: പുതിയ ബന്ധത്തിലൂടെ നിങ്ങളിലേക്ക് കടന്നുവന്ന അയാള്‍ക്ക് നിങ്ങളെ പെരുവഴിയിലാക്കാം. അയാളുടെ പേര് അബ്ദുള്ള അല്‍ ഹസാമി എന്നാണോ..? ഞെട്ടലോടെ മൂവരും മുഖത്തോടുമുഖം നോക്കി. ഈ കാര്യം ഇങ്ങനെ ഇയാള്‍ അറിഞ്ഞു. മിനറല്‍വാട്ടറിന്റെ പ്ലാന്റ് യുഎഇയിലെ അറബിയുമായി ചേര്‍ന്ന് തുടങ്ങിയ കാര്യം ഇവിടെ ഞങ്ങള്‍ മൂന്നുപേര്‍ക്കുമല്ലാതെ മറ്റൊരാള്‍ക്ക് അറിയില്ല. ഇയാള്‍ എങ്ങനെ ഇതറിഞ്ഞു. വേലുക്കുട്ടി: വഴികള്‍ ഞാന്‍ പറയാം. ആദ്യം നിങ്ങളെ അവകാശികളിലൊരാളെ പുറത്തിറക്കാം. പിന്നീട് മറ്റ് കാര്യങ്ങള്‍. എന്നുപറഞ്ഞു കണ്ണുതുറക്കുന്ന വേലുക്കുട്ടി. അവര്‍ക്കഭിമുഖമായി എഴുന്നേറ്റ് നിന്ന് കയ്യിലെ മൂന്ന് ഇലകളും തിരഞ്ഞെടുത്ത് ഒരോരുത്തര്‍ക്കായി കൊടുക്കുന്നു. അതെ ഓരോരുത്തരും പറിച്ചെടുത്ത വ്യത്യസ്തമാര്‍ന്ന ഇലകള്‍ അവര്‍വരുടെ കൈകളില്‍ തന്നെ വേലുക്കുട്ടി വെച്ചുകൊടുത്തു. അത് മൂവരിലും ഞെട്ടലുണ്ടായി. വേലുക്കുട്ടി: ഇനി എനിക്ക് മൂന്ന് ദിവസത്തെ വ്രതമാണ്. എന്റെ അമ്മാവന്റെ ഗ്രന്ഥം എനിക്ക് വായിച്ച് പഠിക്കണം. മറ്റൊരു ആളുടെ സാമിപ്യം അവിടെയുണ്ടാവരുത്. അതുകൊണ്ട് എവിടെയാ എനിക്ക് താമസിക്കാന്‍ പറ്റിയ സ്ഥലം.

പുഷ്പ: വിറക് പുരയോട് ചേര്‍ന്ന് ഒരു മുറിയുണ്ട്. അത് നന്നാക്കാന്‍ പറയാം. വേലുക്കുട്ടി: ശരി. പക്ഷെ മറ്റൊരു കാര്യം. ഞാന്‍ താമസിക്കുന്നതിന്റെ അടുത്തേക്ക് സ്ത്രീകളാരും വരാന്‍ പാടില്ല. പ്രത്യേകിച്ച് ഇവര്‍ എന്നു പറഞ്ഞു മീരയെയും ആര്യയെയും ചൂണ്ടുന്ന വേലുക്കുട്ടി. പുഷ്പ: ഇല്ല വരില്ല. വേലു: എനിക്ക് രണ്ടുനേരമേ ഭക്ഷണം ആവശ്യമുള്ളൂ. രാവിലെയും വൈകിട്ടും. അത് കഞ്ഞിമാത്രം. നിങ്ങളെ ഡ്രൈവര്‍ കുട്ടപ്പന്‍ കൊണ്ടുതന്നാല്‍ മതി. പിന്നെ മറ്റൊരു കാര്യം കുളപ്പുരയിലേക്ക് ഇനി ആരും വരാന്‍ പാടില്ല. ഇവിടുത്തെ ഒരു സ്ത്രീ ആ കുളത്തില്‍ കുളിക്കാറില്ലേ..? ആര്യ: ഉണ്ട്. മീരേച്ചി വേലു: അത് ഇനി വേണ്ട. സ്ത്രീ