Chapter Title : മെമ്മറീസ് 2 [Callisto]

അവൾ പറഞ്ഞത് കേട്ടു അൽപ്പം പേടിച്ചുപോയ എന്റെ മനസ്സിനെ അവൾ വെറുതെ പറഞ്ഞതായിരുക്കുമെന്ന് പറഞ്ഞു സമാധാനിപ്പിച്ചിട്ടു ഞാനും പതിയെ റൂമിലേക്ക്‌ പോയി.

നിള ബാഗിൽനിന്നെടുത്ത സാധനങ്ങൾ തിരിച്ചുവയ്ക്കുന്ന തിരക്കിലായിരുന്നു. വെറുതെ അവളെ ചൊറിഞ്ഞു പണിവേടിക്കേണ്ട എന്നുവിചാരിച്ചു ഞാൻ വേറെ ഒന്നിനും പോയില്ല. റൂമിലെ എല്ലാം കാര്യവും സെറ്റുചെയ്തു ഒരു 15 മിനിട്സിൽ ഞങ്ങളിറങ്ങി.

" അതെ എനിക്ക് നല്ല വിശപ്പുണ്ട്. ഇന്നലെയും ഒന്നും കഴിച്ചില്ല. നമുക്ക് വല്ലോം കഴിച്ചിട്ട് പോയാൽപ്പോരേ " അവളുടെ ആ ചോദ്യത്തിൽ കാര്യമുണ്ടെന്നെനിക്കും തോന്നി. കഴിഞ്ഞ ദിവസംയാത്രഷീണം കാരണം നേരെ വന്നു കിടന്നതേ ഓർമ്മയുള്ളൂ. അതുകൊണ്ടുതന്നെ ഒന്നും കഴിച്ചിരുന്നില്ല ഇപ്പോഴാണേ അത്യാവിശ്യത്തിന് വിശപ്പുമുണ്ട്.

ഞങ്ങൾ നേരെ ഹോട്ടൽ റെസ്റ്റോറന്റിലേക്കു തന്നെ പോയി. പണ്ട് ഒരുപ്പാട്‌ തവണ കയറിയിറങ്ങിയ സ്ഥലമായതുകൊണ്ട്. സ്ഥലം തിരഞ്ഞുനടക്കേണ്ട ഒരു ആവശ്യവും ഇല്ലായിരുന്നു. പണ്ട് ഞാനും നിക്കിയും, ആദിയും, ഫൈസിയും, അപ്പുവും എല്ലാവരും ഒരുപാട്‌ എൻജോയ് ചെയ്ത സ്ഥലങ്ങളിൽ ഒന്ന് ഇതായിരുന്നു. ( റഹീം അങ്കിളിന്റെ മകനാണ് ഫൈസൽ അഥവാ ഫൈസി. കുട്ടികാലം മുതൽ അവനെ ഫൈസൽ എന്നുതന്നെയായിരുന്നു വിളിച്ചിരുന്നത്, എന്നാൽ ഏതാണ്ട് ആ ടൈമിലാണ് നമ്മടെ DQ വിന്റെ 'ഉസ്താദ് ഹോട്ടൽ ' റിലീസ് ആകുന്നതും. അത് മാത്രമല്ല റഹീം അങ്കിനു ഹോട്ടൽ ബിസിനസ്‌ അതുകൊണ്ടുതന്നെ അന്നുമുതൽ, ഫൈസൽ ഫൈസി എന്നറിയപ്പെട്ടു. ബാക്കിയുള്ളവരെ വളരെ വൈകാതെ ഇൻട്രോടുസ് ചെയ്യുന്നതായിരിക്കും ).

പക്ഷെ ഞാൻ നാട്ടിൽനിന്നും പോയതിനു ശേഷം പിന്നെ ആരുമായും ഒരുത്തരത്തിലുള്ള കോൺടാക്റ്റും ഇല്ല.അതിനു കാരണവും ഞാൻ തന്നെ ആയിരുന്നു. ഒരുത്തരത്തിൽപറഞ്ഞാൽ എന്റെ സെൽഫിഷ്നെസ്സ് ആയിരുന്നു അതിനു കാരണം.