Chapter Title : മിഷലിന്റെ ആദ്യപ്രണയം [Ryan]

വ്യവസായത്തിലേക്ക് ഇട്ടു. എന്റെ അനിയനെ അതിന്റെ നോക്കി നടപ്പുകാരനാക്കി വെച്ചു. അതിൽ നിന്നും കിട്ടിയ ലാഭം എടുത്ത് മൊബൈൽ ബൂം വന്ന സമയത്ത് മൊബൈൽ ഷോറൂം തുടങ്ങി. എന്റെ ഒരു കസിൻ ബ്രദറെ അതും നോക്കാൻ ഏൽപ്പിച്ചു. ഇപ്പോൾ മൂന്നിൽ നിന്നും നല്ല വരുമാനമുണ്ട്. ഞാൻ ചെറിയ ഹാർഡ് വെയർ ഷോപ്പ് നടത്തിക്കൊണ്ടിരിക്കുമ്പോഴാണ് ഞാൻ പ്രണയിച്ചു വിവാഹം കഴിക്കുന്നത്.

എന്നേക്കാൾ കുറച്ച് സാമ്പത്തിക സ്ഥിതി കൂടിയവർ ആയിരുന്നു എന്റെ ഭാര്യ വീട്ടുകാർ ആ സമയത്ത്. അവർ കട്ടക്ക് എതിർപ്പ് പറഞ്ഞെങ്കിലും ഞങ്ങൾ തീരുമാനത്തിൽ ഉറച്ച് നിന്ന് വിവാഹം നടത്തിച്ചു. ആദ്യത്തെ ഒരു കൊല്ലത്തിനിടയിൽ തന്നെ മകൾ ജനിച്ചു. പിന്നീട് ഞങ്ങൾ ഒരു പത്തു കൊല്ലം കഴിഞ്ഞാണ് അടുത്ത കുഞ്ഞിന് ശ്രമിച്ച് ഒരു ആൺകുട്ടി ഉണ്ടായത്. എന്റെ ബിസിനസ്സിലെ വളർച്ച കണ്ട് ആദ്യകാലത്ത് എന്നെ പുഛ്ത്തോടെ കണ്ടിരുന്ന എന്റെ ഭാര്യ വീട്ടുകാരൊക്കെ ഇപ്പോൾ എന്നെക്കണ്ടാൽ പഞ്ച പുച്ഛമടക്കി നിൽപ്പാണ് പതിവ്. അത് ഞാൻ ആസ്വദിക്കുന്നുമുണ്ട്.

എന്റെ ഭാര്യ സ്മിത, മകൾ റീമ എറണാകുളത്തു ഡിഗ്രിക്ക് പഠിക്കുന്നു. മകൻ റിനോ നാലാം ക്ലാസിൽ ആണ്. എനിക്ക് കലൂർ സ്റ്റേഡിയത്തിന്റെ പുറകിൽ ഒരു 25 സെന്റ് പ്ലോട്ടിൽ വലിയ ഒരു വീടുണ്ട്. അവിടെയാണ് ഞങ്ങൾ താമസം. ഞാൻ ആരോഗ്യവിഷയത്തിൽ ഭയങ്കര താല്പര്യക്കാരൻ ആയത് കൊണ്ട് തന്നെ വീട്ടിൽ മുകളിൽ ഒരു മിനി ജിം ഒക്കെയുണ്ട്. എനിക്ക് 6 അടി ഉയരം ഉണ്ട്. ഇരുണ്ട നിറം. നല്ല കട്ട താടിയും മുടിയുമാണ്. സാൾട്ട് ആൻഡ് പെപ്പർ ലുക്കിൽ എന്നെ കാണാൻ നല്ല ഭംഗിയുണ്ടെന്ന് എനിക്ക് തന്നെ തോന്നിയത് കൊണ്ട് ഞാൻ ഡൈ ചെയ്യാനൊന്നും നിൽക്കാറില്ല.

ഞാൻ കാർ പാർക്ക് ചെയ്ത് അകത്തേക്ക് കയറി. അവിടെ ലിവിങ് റൂമിൽ മകളും ഒരു കൂട്ടുകാരിയും സംസാരിച്ച് കൊണ്ടിരിപ്പുണ്ട്. ഞാൻ അവളോട് ചോദിച്ചു. ഞാൻ :" ഹവ് വാസ് യുവർ ഫങ്ക്ഷൻസ്? " റീമ :" ഇറ്റ് വെൻഡ് ഗുഡ് ഡാഡീ.. ഡാഡി ഡാഡിക്ക് മിഷലിനെ മനസ്സിലായില്ലേ. " ഞാൻ അവളുടെ കൂടെയിരിക്കുന്ന കുട്ടിയെ നോക്കി. എവിടെയോ കണ്ടിട്ടുണ്ട്.