Chapter Title : മോനൊരു പെണ്ണ് [Sandhya]

ഒക്കെയിട്ടു.. കമ്മലിട്ട് മാലയും മൂക്കുത്തിയും ഒക്കെ ഇട്ട് കഴിഞ്ഞ് ഞാൻ വാങ്ങിച്ച് വച്ചിരുന്ന ഫാൻസി വളകളുടെ ഒരു സെറ്റ് കയ്യിലിട്ടു.. വിരലിൽ രണ്ട് മോതിരങ്ങൾ ഇട്ട് എന്റെ വെള്ളികൊലുസ് കാലിലിട്ടു.. സെമി ഹീൽസ് കൂടിയിട്ട് നാളുകൾക്ക് ശേഷം ഞാനെന്ന സുന്ദരികുട്ടിയെ കണ്ണാടിയിൽ കണ്ടു..

സാരിയുടുത്ത് കഴിഞ്ഞ് പതിവുപോലെ ഒരു റീൽ എടുത്ത് ഫോട്ടോസൊക്കെ എടുത്ത് ഞാൻ വീട്ടിൽ അങ്ങനെ നടന്നു.. ഉച്ച കഴിഞ്ഞ് സാരി മാറി ഒരു ചുരിദാർ ഇടാമെന്ന് വിചാരിച്ചിരുന്നു.. വീടിന് ചുറ്റും നിറയെ മരങ്ങൾ ഉണ്ടായിട്ടും നല്ല ചൂടുണ്ട്.. പോരാത്തതിന് കറണ്ടും ഇല്ല.. നന്നായി ചൂടെടുക്കുന്നുമുണ്ട്..

.അമ്മയിന്നലെ ഇട്ടത് അലക്കിയിട്ടില്ലെന്ന് ഞാൻ കണ്ടിരുന്നു.. ഉച്ചയ്ക്ക് ചോറുണ്ട് കഴിഞ്ഞ് സാരി മാറാനായി എഴുന്നേറ്റത്തും വാതിലിൽ ഒരു മുട്ട് കേട്ടു.. ഈശ്വരാ.. എന്റെ ചങ്ക് കാളി.. ഞാൻ അനങ്ങാതെ നിന്നു.. അനങ്ങിയാൽ എന്റെ വളകളുടെയും പാദസരത്തിന്റെയും ശബ്ദം കേൾക്കും... അച്ഛനായാലും അത് അമ്മയാകരുതേയെന്ന് ഞാൻ സകല ദൈവങ്ങളോടും പ്രാർത്ഥിച്ചു..

"അനഘേ..

ഭാഗ്യം അച്ഛനാണ്... എന്നെ ഈ കോലത്തിൽ ഒന്ന് പിടിച്ചിട്ടുള്ളതുകൊണ്ട് എന്തെങ്കിലും പറഞ്ഞ് രക്ഷപ്പെടാമെന്ന് വിചാരിച്ചു.. അച്ഛൻ ഒന്നുകൂടി വിളിച്ചപ്പോൾ ഞാൻ മെല്ലെ വാതിലിനടുത്തേക്ക് ചെന്നു... വാതിൽ തുറക്കാതെ തന്നെ വാതിലിനടുത്തേക്ക് ചേർന്ന് നിന്നു... അച്ഛൻ ഒന്നുകൂടി വാതിലിൽ മുട്ടി...

"അച്ഛാ...
"എടാ... തുറക്ക്...
"അച്ഛാ... തുറക്കാം.. ഞാൻ പക്ഷെ അച്ഛനെന്നെ അന്ന് കണ്ടതുപോലെയാ ഉള്ളത്... ഇതൊന്ന് മാറിയിട്ട് വരാം...
"എനിക്ക് നടു അനക്കാൻ വയ്യ... നിക്കാനൊന്നും പറ്റില്ല.. - അച്ഛൻ പത്ത് സെക്കന്റ് കഴിഞ്ഞാണ് അതിന് മറുപടി തന്നത്.. അത് കേട്ടപ്പോൾ എനിക്ക് വിഷമമായി..
"അച്ഛാ...