മൂടൽ മഞ്ഞ് 1

Moodal Manju Part 1 | Author : Luster

മൂടല്‍മഞ്ഞുള്ള പുലരിയിലൂടെ , തലേ ദിവസത്തെ രാത്രി മഞ്ഞു വീണ് ഈറനണിഞ്ഞ റോഡിലൂടെ ശാരിക പതുക്കെ തന്റെ കാര്‍ ഡ്രൈവ് ചെയ്തു കൊണ്ടിരുന്നു. മൂടല്‍ മഞ്ഞിന്റെ ലാഘവത്വം കൂടിക്കൂടി പരിസരത്തിന്റെ ദൃശ്യങ്ങള്‍ സുതാര്യമായി വരുന്നതേയുള്ളൂ.

ഒമ്പതു മണിയാവാന്‍ ഇനിയും പതിനഞ്ചു മിനുട്ട് ഉണ്ട്. ഓഫീസ് ടൈം ഒമ്പതു മണിയാണ്. തന്റെ ബിസിനസ് സാമ്രാജ്യം വളര്‍ന്നു പന്തലിച്ചു അന്താരാഷ്ട്ര വിപണി വരെ കീഴടക്കിയെങ്കിലും ഇന്നും ശാരിക സമയത്തിന്റെ കാര്യത്തിലും ഉത്തരവാദിതങ്ങളുടെ കാര്യത്തിലും വിട്ടു വീഴ്ചയില്ലാത്ത കണിശത പുലര്‍ത്തുന്നു. അത് തന്നെയാണ് അവളുടെ വിജയത്തിന്റെ ചവിട്ടുപടികളില്‍ ഒന്നും.

ആരോടോ ഉള്ള ദേഷ്യമോ തന്നോട് തന്നെയുള്ള വാശിയോ തീര്‍ക്കുന്നത് പോലെ, തന്റെ മുപ്പത്തിലേക്ക് അടുക്കുന്ന പ്രായത്തിലും വിവാഹിതയാവാതെ, ഏകാകിനിയായി ബിസിനസ്സില്‍ മാത്രം തന്റെ ജീവിതം ഉഴിഞ്ഞു വച്ചു ജീവിക്കുന്ന ശാരികയുടെ സ്വഭാവം വളരെ കര്‍ക്കശവും വെട്ടൊന്നു തുണ്ടം രണ്ട് എന്ന രീതിയിലുമാണ്. മുന്‍കോപവും പട്ടാള ചിട്ടയും അഹന്തയുമുള്ള അവളെ എല്ലാ തൊഴിലാളികള്‍ക്കും ഭയമാണ്.

ശാരിക.!

മുപ്പത് വയസ്സ് പ്രായം വരുന്ന കോടീശ്വരിയായ യുവതി. അഞ്ചരയടി പൊക്കവും അധികം മെലിഞ്ഞതല്ലാത്ത, അംഗലാവണ്യം കൊണ്ട് മാത്രം ഏത് മനുഷ്യനെയും, സ്ത്രീകളെ പോലും അസൂയപ്പെടുത്തുന്ന സുന്ദരി. നന്നേ വെളുത്തു ഒതുങ്ങിയ വയറും ഭാരിച്ച നിതംബവും ഉയര്‍ന്ന മുലകളും തുടുത്തു ചുവന്ന കവിളുകളും മൂക്കിന്‍ തുമ്പും, വിടര്‍ന്ന വലിയ കരിനീല മിഴികളും അവളെ ഒരു മായാസുന്ദരിയാക്കുന്നുണ്ടെങ്കിലും അവളുടെ കണ്ണില്‍ ചോരയില്ലാത്ത പെരുമാറ്റം ആ സൗന്ദര്യത്തെ ആളുകളുടെ ആരാധനയില്‍ നിന്ന് അകറ്റി നിര്‍ത്തിയിരുന്നു.

എത്ര സൗന്ദര്യം ഉണ്ടായാലും സ്‌ത്രൈണമായചില സവിശേഷതകള്‍ ഇല്ലെങ്കില്‍ സ്ത്രീയുടെ സൗന്ദര്യം വെറും അരോചകമായിട്ടിക്കും. തന്റെ ഇരുപതാം വയസ്സില്‍ ഒരു ആക്സിഡന്റില്‍ പതാപിതാക്കളെ നഷ്ടപ്പെടുകയും, പിന്നീട് ഒരേയൊരു സഹോദരന്‍ എവിടെയന്നറിയാതെ അപ്രത്യക്ഷമാവുകയും ചെയ്തതില്‍ പിന്നെയാണ് അവള്‍ക്ക് ഈ ഭാരിച്ച ഉത്തരവാദിത്തം ഏറ്റെടുക്കേണ്ടി വന്നതും, പഴയതിനേക്കാള്‍ കൂടുതല്‍ മികവോടെ ബിസിനസ്സ് വളര്‍ച്ചയില്‍ എത്തുന്നതും.

കാര്‍ ഒരു വളവിനടുത്തെത്തിയപ്പോള്‍ മൂടല്‍ മഞ്ഞിനു കുറച്ച് ഘനം കൂടുതല്‍ ആയിരുന്നതിനാല്‍ അവള്‍ക്ക് പൊടുന്നനെ കാഴ്ച്ച ബുദ്ധിമുട്ട് ആയി