Chapter Title : മൂടൽ മഞ്ഞ് 1 [ലസ്റ്റർ]

പ്രത്യേക വാത്സല്യത്തോടെ പറഞ്ഞു കൊണ്ടിരുന്നു. ഒരു സിനിമാ കഥ കേള്‍ക്കുന്നത് പോലെ അവള്‍ കണ്ണ് മിഴിച്ചു കേട്ടിരുന്നു.

' പഠനം കഴിഞ്ഞതില്‍ പിന്നെ വലിയ വലിയ കമ്പനികള്‍ ഓഡിറ്റിങ് ഒക്കെ വരുമ്പോള്‍ അവരുടെ അക്കൗണ്ടിങ് ലേമാ ലേക്ക് വിളിക്കും. പിന്നെ കുറേ ദിവസങ്ങള്‍ അതിന്റെ പിറകെ ആയിരിക്കും. അത് കഴിയുമ്പോ മറ്റൊന്ന്.. അങ്ങനെ നന്നായി ജീവിക്കാനുള്ള വരുമാനം അവന് കിട്ടുന്നുണ്ട്. അപ്പോഴാണ് ഞാന്‍ ഇങ്ങോട്ട് പറഞ്ഞു വിട്ടത്. ' അയാള്‍ പറഞ്ഞു നിര്‍ത്തി.

' ഭയങ്കര ദേഷ്യക്കാരന്‍ ആണല്ലേ, എടുത്തടിച്ചത് പോലെ പെരുമാറുന്ന പ്രകൃതം. ആളിന്റെ വലിപ്പമോ സ്ഥാനമോ നോക്കാതെ വൗൃ േചെയ്യുന്ന ക്യാരക്ടര്‍' അവള്‍ നീരസത്തോടെ പറഞ്ഞു. അത് കേട്ട് അയാള്‍ ചിരിച്ചു.

' സത്യത്തില്‍ അവനല്ല മോളാണ് ദേഷ്യക്കാരി. അവനോട് പത്തു മിനിറ്റ് സംസാരിച്ച ഒരു പെണ്ണും ഇതുവരെ അവന്റെ പിന്നില്‍ നിന്ന് മാറിയിട്ടില്ല. എന്റെ മോള്‍ അമ്മു അടക്കം'. അയാള്‍ ചിരിച്ചു, പിന്നെ തുടര്‍ന്നു. 'പക്ഷെ അവന്റെ ഉമ്മയെ ഓര്‍ത്തിട്ടാവണം, അല്ലെങ്കില്‍ തന്നെ സംരക്ഷിക്കാന്‍ ആരുമില്ല എന്ന ആജീവനാന്ത തിരിച്ചറിവും ബോധ്യവും കൊണ്ടാവാം, ഇന്നുവരെ അവനൊരു സ്ത്രീയുമായി മോശമായി അടുത്തതോ അല്ലെങ്കില്‍ ഇതുപോലെ കൈ നീട്ടി അടിച്ചതോ എന്റെ അറിവില്‍ ഇല്ല. ഒല ശ െമ ാമി ംശവേ ൗിശൂൗല ുലൃീെിമഹശ്യേ.

തനിച്ചായിപോയവന്റെ ഏകാന്തത ഉണ്ടെന്നതല്ലാതെ, അവനൊരു ൃലമഹ ഹീറോ ആണ്. മോള്‍ അവനോട് സമീപിച്ച രീതിയില്‍ വന്ന കുഴപ്പങ്ങളാണ്. അമ്മു പറഞ്ഞാല്‍ അപ്പൊ തന്നെ ഞാന്‍ അവനെ പിടിച്ച് അവളുടെ കൈയിലേക്ക് കൊടുക്കും, അത്രക്ക് ഇഷ്ടമാണ് അവനെ എനിക്കും എല്ലാവര്‍ക്കും.' അയാള്‍ സ്‌നേഹത്തോടെ അവളെ ബോധ്യപ്പെടുത്താന്‍ ശ്രമിച്ചു.

അവള്‍ക്ക് അവനോട് അസൂയ തോന്നി, കുറച്ച് ദേഷ്യവും. പെണ്ണിനെ ഒറ്റ നോട്ടം കൊണ്ട് തന്റെ വരുതിയില്‍ നിര്‍ത്താനുള്ള തന്റേടം അവനുണ്ട് എന്ന തോന്നല്‍, ഏത് പെണ്ണിനെ വേണമെങ്കിലും തന്റെതാക്കി മാറ്റനുള്ള വ്യക്തിത്വം അവനില്‍ ഉണ്ട് എന്ന ബോധം അവളെ ദേഷ്യപ്പെടുത്തി. വെറുതെയല്ല താന്‍ കോടി സ്ത്രീകളില്‍ ഒരുത്തി മാത്രമായി അവന് തോന്നിയത്.

' അങ്കിള്‍ എങ്ങിനെയാണ് അവനെ അറിയുന്നത്. എന്ന് മുതലുള്ള അടുപ്പമാണ്? '