Chapter Title : മൂടൽ മഞ്ഞ് 2 [ലസ്റ്റർ]

ചുവന്ന പാട്. അത് നോക്കി അവൾ വിതുമ്പാൻ തുടങ്ങി. കണ്ണിൽ ഊറിക്കൂടിയിരുന്ന ഒരു കടൽ കവിളിലേക്ക് പൊട്ടിയൊഴുകി.

" അമ്മച്ചീടെ മോള് വന്ന് ആ വാതിൽ കുറ്റിയിട്ടേര്. എങ്ങാനും ഉറങ്ങിപ്പോയാൽ. ആരാ എന്താ ന്നൊന്നും അറിയാത്ത ആൾക്കാർ അല്ലേ. എങ്ങാനും അന്വേഷിച്ചു വന്നാലോ. ഉണരുമ്പോ രണ്ടാളും കഞ്ഞികുടിക്ക് ട്ടോ. "

അവർ അവളുടെ മുടിയിൽ തലോടി. അവൾ തലയാട്ടി, എഴുന്നേറ്റ് അവരുടെ പിന്നാലെ ചെന്നു. അന്നമ്മ മുറിയിൽ നിന്ന് ഇറങ്ങിയപ്പോൾ വാതിൽ കുറ്റിയിട്ടു. പിന്നെ വീണ്ടും അവനോട് ഒട്ടിക്കിടന്ന് അവന്റെ വയറിലും നെഞ്ചിലും രോമങ്ങൾക്കിടയിലൂടെ വിരലോടിച്ചു പതുക്കെ തലോടിക്കൊണ്ടിരുന്നു.

"നിനക്ക് ഉറക്കം വരുന്നില്ലേ."

വഹിദിന്റ ചോദ്യം കേട്ട് അവൾ തലയുയർത്തി അവന്റെ മുഖത്തേക്ക് നോക്കി. കണ്ണടച്ചു കിടപ്പാണ്.

"അപ്പൊ ഇക്ക ഉറങ്ങിയില്ലായിരുന്നോ?"

"ചെറുതായൊന്നു കണ്ണടഞ്ഞു പോയിരുന്നു. ഉറങ്ങാൻ time ഒന്നും ആയില്ലല്ലോ". അവൻ ചരിഞ്ഞു കിടന്ന് ഒരുകാലെടുത്തു അവളെ ചുറ്റി പിടിച്ചു.

"ഞാൻ കരുതി ആശാൻ നല്ല ഉറക്കം ആണെന്ന്. നല്ല വേദനയുണ്ടോ ഇക്കാ."?

"ഓഹ് പിന്നെ.. നിന്റെ ഭാവം കണ്ടാൽ തോന്നുമല്ലോ ഞാൻ ഏതാണ്ട് മഹാരോഗം വന്ന് കിടപ്പിൽ ആണെന്ന്. ഇതൊക്കെ എന്ത്, ചീള് ഓണതല്ലു പരിപാടി." അവൻ അവളെ തന്നിലേക്ക് വലിച്ചടുപ്പിച്ചു കാലുകൊണ്ട് ഒന്ന് കൂടി അവളെ പൂട്ടിക്കൊണ്ട് പറഞ്ഞു.

"അയ്യട.. തള്ള്ന് ഒരു കുറവും ഇല്ല. ന്നിട്ടാ ഞാനൊന്ന് കുഴമ്പിട്ട് തന്നപ്പോ അയ്യോ കീയ്യോ ന്ന് കാറിയത്." അവൾ അവനെ കളിയാക്കി.

"അത് പിന്നെ ഒരു തല്ലൊക്കെ കഴിഞ്ഞാൽ തല്ലിയവനെ ഒന്ന് ബഹുമാനിക്കണ്ടേ. അവർ അത്രേം തല്ലിയത് അല്ലേ."

"ന്താ ന്നാ കൊരങ്ങന്റെ