Chapter Title : മൂടൽ മഞ്ഞ് 4 [ലസ്റ്റർ] [Climax]

ഞങ്ങൾക്ക് ബിസിനസ്‌ വക കിട്ടാനുള്ള പതിനഞ്ചു കോടി ഉടൻ കൈമാറുക. പിന്നെ അവരിൽ ഒരാളായി മാറിയത് പോലെ അവരുടെ കഞ്ചാവ് സ്റ്റോക് എവിടെയാണെന്ന് മനസ്സിലാക്കി ബുദ്ധിപരമായി പ്രവർത്തിക്കുക. ഇനിയൊക്കെ നിന്റെ ബുദ്ധിപോലെ." രാജൻ പറഞ്ഞു നിർത്തി കോൾ കട്ട്‌ ചെയ്തു.

താൻ നേരെ ജോർജിന്റെ ഓഫീസിൽ എത്തി ആ പതിനഞ്ചു കോടിയുടെ ഡീൽ അറിയിച്ചപ്പോൾ ജോർജ് പരിഹസിച്ചു ചിരിച്ചത് ഇപ്പോഴും മനസ്സിൽ തെളിഞ്ഞു കാണാം. ഈ ലോകവും മനുഷ്യരും അവന്റെ തന്തയുടെ കൈപ്പിടിയിൽ ആണെന്നൊരു അഹങ്കാരമാണ് നാറിക്ക്.

"ജോർജെ, തനിക്ക് കാശുണ്ടാക്കാൻ പല വഴികളും അറിയുമായിരിക്കും. എന്ന് കരുതി തനിക്കേ മിടുക്കുള്ളൂ എന്ന് കരുതരുത്. ആദ്യം ആ ക്യാഷ് നീ അവർക്ക് കൊടുത്തിട്ട് ആ പന്ന വാഹിദിനെ തീർക്കാനൊരു ഡീൽ ഉണ്ടാക്കാൻ നോക്ക് ഇതുവരെ ഈ കളികൾ പോലീസിലോ എക്സൈസ്ലോ എത്തിയിട്ടില്ല. അവൻ നേരിട്ടാവും കളത്തിൽ ഇറങ്ങുന്നത്." താൻ അയാളോട് തട്ടിക്കേറി.

ജോർജ് സെയ്താലിയെയും തുഷാറിനെയും നോക്കി. അവർ ജോർജിനെയും.

"അതിന് എന്ത് വേണമെന്നാണ് താൻ പറഞ്ഞു വരുന്നത്.?" അയാൾ തന്നോട് ചോദിച്ചു.

"ആദ്യം പണം അവർക്ക് ലീഗലി ട്രാൻസ്ഫർ ചെയ്തു ലയബലിറ്റീസ്‌ ക്ലിയർ ചെയ്യണം. എന്നിട്ട് ഞാൻ വഹിദുമായി സംസാരിച്ച് അവനെ നിങ്ങളുടെ കഞ്ചാവ് സ്റ്റോക്ക് ചെയ്യുന്നിടത്തേക്ക് കൊണ്ടുവരും. അതിന് നിങ്ങൾ ചെയ്യേണ്ടത് ആ എലിസബത്തിനെ അങ്ങോട്ട് കടത്തിക്കൊണ്ട് പോകലാണ്. ആ കാടിനുള്ളിൽ അവനെ നമുക്ക് കിട്ടണം. കാരണം ഇതിൽ ഞാനാണ് പെട്ടു പോയിരിക്കുന്നത്. അധികാരം മുതലാക്കി നിങ്ങളെ ഞാനാണ് ഇതിലേക്ക് കൊണ്ടുവന്നത് എന്നാണ് രാജൻ പറഞ്ഞത്." താൻ അവരെ വിശ്വസിപ്പിക്കാൻ ശ്രമിച്ചു അത് വിജയിക്കുകയും ചെയ്തു.

ക്യാഷ് കൊടുക്കാൻ അവർ സമ്മതിച്ചു ചെക്ക് നാളെ കൈമാറാം എന്ന് പറഞ്ഞത് തന്നെ സന്തോഷിപ്പിച്ചു. പക്ഷേ എലിസബത്തിനെ എന്തിന് കടത്തിക്കൊണ്ട് പോകണം എന്ന് അവർക്ക് മനസ്സിലായില്ല.

"എടോ ജോർജെ, ആ നാറി വിൻസെന്റ് അവന്റെ പാർട്ണർഷിപ്പ് തന്റെ മോൾടെ പേരിലേക്ക് മാറ്റി. താൻ അവളെ കടത്തിക്കൊണ്ട് പോകുമോ? അപ്പൊ പിന്നെ എലിസബത്തിനെ അല്ലാതെ ആരെ കടത്തിക്കൊണ്ട് പോകും. ആ കമ്പനിയല്ലേ ഇവരുമായി കോൺട്രാക്ട് സൈൻ ചെയ്തത്. ആ കമ്പനിയുടെ