Chapter Title : മൃഗം 19 [Master]

അവിടെ വളര്‍ന്നു വരുന്നുണ്ട്. മെല്ലെമെല്ലെ നമ്മുടെ ഈ സിറ്റി യു പിയും ബീഹാറും ചില വടക്കേ ഇന്ത്യന്‍ നഗരങ്ങള്‍ പോലെയും ആയിക്കൊണ്ടിരിക്കുകയാണ്. അത് അനുവദിക്കാന്‍ പാടില്ല. നിങ്ങളെപ്പോലെ ഡെയര്‍ ഡെവിള്‍സ് ആയിട്ടുള്ള ഒഫീസര്‍മാരുടെ കുറവ് ശരിക്കും നമ്മള്‍ അറിയുന്നുമുണ്ട്‌. അതുകൊണ്ട് നിങ്ങള്‍ മട്ടാഞ്ചേരിയെ മാറ്റി എടുക്കണം. എല്ലാവിധ പിന്തുണകളും എന്റെയും കമ്മീഷണറുടെയും ഭാഗത്ത് നിന്നും ഉണ്ടാകും. അധോലോകവും ഗുണ്ടായിസവും ഒരു കാരണവശാലും അനുവദിക്കരുത്” “യെസ് മാഡം” “കൊച്ചിയിലെ അധോലോക പ്രവര്‍ത്തനങ്ങള്‍ക്ക് ചുക്കാന്‍ പിടിക്കുന്നത് അറേബ്യന്‍ ഡെവിള്‍സ് എന്ന നിക്ക് നെയിമില്‍ അറിയപ്പെടുന്ന ഒരു മൂവര്‍ സംഘമാണ്. അവരുമായി ബന്ധപ്പെട്ടവരായിരിക്കും നിങ്ങള്‍ക്ക് നേരിടെണ്ടി വരുന്ന ഒട്ടുമിക്ക ഗുണ്ടകളും. അവന്മാരുടെ തായ് വേര്‍ അറുക്കാന്‍ സാധിച്ചാല്‍ വലിയ ഒരു പരിധി വരെ ഈ നഗരം കുറ്റകൃത്യങ്ങളില്‍ നിന്നും മുക്തമാകും. ഒറ്റപ്പെട്ട ക്രിമിനലുകള്‍ നമുക്കൊരു പ്രശ്നമല്ല; പക്ഷെ വെല്‍ ഓര്‍ഗനൈസ്ഡ് സംഘങ്ങള്‍ നമുക്ക് തലവേദന ആണ്. കാരണം അവര്‍ നന്നായി ഹോം വര്‍ക്ക് ചെയ്തിട്ടാണ് ഓരോന്നും ചെയ്യുന്നത്. മിക്ക കേസുകളിലും പൊലീസിന് തെളിവ് കിട്ടാത്തതും അതുകൊണ്ടാണ്. നിങ്ങളുടെ ശ്രദ്ധ സിറ്റിയിലെ സാദാ ക്രിമിനലുകളെ ഒതുക്കുന്നതില്‍ ആകരുത്; പകരം ഈ വമ്പന്മാരുടെ വേരുകള്‍ കണ്ടെത്തി അത് അറുക്കുന്നതില്‍ ആയിരിക്കണം. തന്റേടമുള്ള ഉദ്യോഗസ്ഥര്‍ക്ക് മാത്രമേ അവരെ നേരിടാന്‍ സാധിക്കൂ. എനിക്ക് നിങ്ങളില്‍ വലിയ പ്രതീക്ഷയുണ്ട്” “ഐ വില്‍ ട്രൈ മൈ ബെസ്റ്റ് മാഡം” പൌലോസ് പറഞ്ഞു. “ഒകെ മിസ്റ്റര്‍ പൌലോസ്; നിങ്ങള്‍ക്ക് പോകാം. നാളെ നിങ്ങള്‍ കമ്മീഷണറെ ചെന്നൊന്നു കാണണം. ആള്‍ ദ ബെസ്റ്റ്..” ഇന്ദുലേഖ പുഞ്ചിരിയോടെ പറഞ്ഞു. പൌലോസ് സല്യൂട്ട് നല്‍കിയ ശേഷം