മൃഗം 33 [Master] [Climax]

എന്നാല്‍ അതുമായി ബന്ധപ്പെട്ട മറ്റു ചിലത്, എന്റെ ഹൃദയത്തോട് ഞാന്‍ ചേര്‍ത്ത് വച്ചിരിക്കുന്ന ചില കാര്യങ്ങള്‍ നിങ്ങളുമായി പങ്ക് വയ്ക്കാന്‍ വേണ്ടി മാത്രമാണ് ഞാന്‍ വന്നിരിക്കുന്നത്. എന്റെ ഈ പ്രോഗ്രാം ഞാന്‍ ഞാന്‍ വളരെ സ്നേഹിക്കുന്ന, എന്റെ അനുജത്തിക്കുട്ടിയായി കാണുന്ന ഒരു സുന്ദരിക്കുട്ടിക്ക് സമര്‍പ്പിക്കുന്ന എന്റെ ഒരു ചെറിയ സമ്മാനം കൂടിയാണ്. ഇതാണ് ആ കുട്ടി..എന്റെ ദിവ്യ മോള്‍...” സ്ക്രീനില്‍ തന്‍റെ പല രീതികളില്‍ ഉള്ള ചിത്രങ്ങള്‍ തെളിഞ്ഞപ്പോള്‍ ദിവ്യ വായ പിളര്‍ന്നു പോയി. വാസു അവളുടെ പ്രതികരണം അറിയുന്നുണ്ടായിരുന്നു. “ദിവ്യ മോള്‍..നീ ഈ പ്രോഗ്രാം കാണുന്നുണ്ട് എന്ന് ഞാന്‍ കരുതുന്നു.” പുഞ്ചിരിയോടെ ഡോണ അങ്ങനെ പറഞ്ഞപ്പോള്‍ ദിവ്യ അവിശ്വസനീയതയോടെ തലയട്ടുകയായിരുന്നു; മറ്റേതോ ലോകത്തെന്നപോലെ. “ഡെവിള്‍സിനെതിരെ ഉള്ള എന്റെ പോരാട്ടത്തില്‍ എനിക്ക് കുറെ അധികം നേട്ടങ്ങള്‍ ഉണ്ടായിട്ടുണ്ട്. അതില്‍ വളരെ പ്രധാനപ്പെട്ട വലിയ രണ്ടു നേട്ടങ്ങള്‍ എടുത്തു പറയേണ്ടതയിട്ടുണ്ട് എന്നെനിക്ക് തോന്നുന്നു. അതെപ്പറ്റി സംസാരിക്കാന്‍ എന്റെ ഈ യുദ്ധത്തില്‍ എനിക്ക് പൂര്‍ണ്ണ പിന്തുണ നല്‍കി എന്റെ ഒപ്പം നിന്ന എന്റെ ഏറ്റവും അടുത്ത കൂട്ടുകാരി ഇന്ദുലേഖ, എസിപി ഇന്ദുലേഖ ഐ പി എസ് ഇപ്പോള്‍ നമുക്കൊപ്പം ചേരുന്നു.... “