Chapter Title : മുല്ല പോലൊരു പെണ്ണ് [Jomon]

കഴിഞ്ഞു

കഴുത്ത് ഒടിഞ്ഞത് പോലവൻ ചലനമറ്റ് നിലം പതിച്ചു

”ഏഹ്ഹ്…,!!‘

അത് കണ്ടു നിന്ന ബാക്കി രണ്ടു പേർ പേടി നിറഞ്ഞ കണ്ണുകളോടെ മുൻപിൽ നിൽക്കുന്ന പീലിയെ നോക്കി

അയാളൊരു വന്യമൃഗമായി മാറിയിരുന്നു അപ്പോഴേക്കും

എന്നാൽ അയാളുടെ കണ്ണുകൾ മുൻപിൽ നില്കുന്നവർക്ക് പിറകിൽ നിന്നിരുന്ന സക്കീറിന്റെ മുഖത്തായിരുന്നു

എന്തിനും തയ്യാർ എന്നൊരു രീതിയിൽ വളരെ ശാന്തനായി സക്കീർ പീലിയെ തന്നെ നോക്കി നിന്നു

“”ഭാനു നീ അകത്തു പോ..!

ഒരുതരം മുരളിച്ചയോടെ പീലി പറഞ്ഞു എന്നാലും ഒരു തവണ പോലും സക്കീറിന്റെ മുഖത്തു നിന്നയാൾ കണ്ണ് മാറ്റിയിരുന്നില്ല

പീലിയുടെ സംസാരത്തിൽ പേടി തോന്നിയ ഭാനു പെട്ടന്ന് തന്നെ ഉള്ളിൽ കയറി വാതിലടച്ചു

നിറഞ്ഞ കണ്ണുകളോടെ ഏങ്ങി കരഞ്ഞവൾ നിലത്തേക്ക് ഇരുന്നു…

***************************

നാലാമത്തെ അടിയിൽ തന്നെ ബാക്കി രണ്ട് പേരെയും പീലി നിലംപരിശാക്കിയിരുന്നു…..

“അപ്പോ ഇതാണ് കാലൻ പീലി…!

നിലത്തു കിടക്കുന്ന ഗുണ്ടകൾക്ക് നടുവിൽ നിന്ന് കിതക്കുന്ന പീലിയെ നോക്കി സക്കീർ പറഞ്ഞു

സെക്കണ്ടുകൾ കൊണ്ടാണ് തന്നോളം പോന്ന മൂന്ന് പേരെ പീലി അടിച്ചു വീഴ്ത്തിയത് അതും ഈ പ്രായത്തിൽ… അപ്പോൾ ആയകാലത്ത് അയാൾ എന്തായിരുന്നിരിക്കണം…

സക്കീർ മനസ്സിൽ ഓർത്തു.

”കാലനാടാ ഞാൻ…നിന്നെക്കൊണ്ട് ഒറ്റക്ക് എന്നെ പിടിച്ചു കെട്ടാൻ പറ്റില്ല സക്കീറേ…“

ചുമച്ചു തുപ്പിയ ചോര വലം കയ്യിൽ തുടച്ചുകൊണ്ട് പീലി മുരണ്ടു…

“അഹ്….ഇതൊരു തുടക്കം മാത്രമല്ലെ പീലി…. കളി ഇനിയല്ലേ തുടങ്ങാൻ പോകുന്നത്…”

നിലത്തു കുനിഞ്ഞു കയ്യിലല്പം പൂഴിമണ്ണ് എടുത്തുകൊണ്ടു സക്കീർ പറഞ്ഞു…

മദമ്മിളകിയ കൊമ്പനെ തളക്കാൻ പോന്നൊരു ശാന്തത അയാളുടെ മുഖത്തുണ്ടായിരുന്നു….

രണ്ട് പേരിൽ ഒരാളെ നാളത്തെ പ്രഭാതം കാണുകയുള്ളു എന്ന് പീലി മനസ്സിലോർത്തു….

പക്ഷെ എന്ത് തന്നെ ആണേലും നാളത്തെ ഉദയം കാണുന്നത് താൻ തന്നെ ആണെന്ന് അയാളുടെ ഉള്ളിൽ അലമുറയിട്ട് ആരോ പറഞ്ഞു….

പിന്നീട് അവിടെ നടന്നതൊരു യുദ്ധമായിരുന്നു…. അടിക്കാനായി കാലുയർത്തിയ സക്കീറിനെ പീലി വീടിന്റെ പടിക്കെട്ടിലേക്ക് വലിച്ചെറിഞ്ഞു….

പൊടി പറത്തി കട്ടളയിൽ അടിച്ചു വീണ സക്കീർ അതേ നിമിഷം തന്നെ നിലത്തു കാലു കുത്തി വായുവിൽ ഉയർന്നു ചാടി പീലിയുടെ നെഞ്ചിൽ