Chapter Title : മുല്ല പോലൊരു പെണ്ണ് [Jomon]

നിന്നുകൊണ്ട് ദാസൻ പറഞ്ഞു…ഇടക്കിടെ തോളിൽ നിന്നൂർന്ന് വീഴാൻ പോയ തുണിസഞ്ചി യവൻ മുകളിലേക്ക് കയറ്റി ഇടുന്നുണ്ടായിരുന്നു….

പൊതുവേയൊരു പരക്കൻ സ്വഭാവക്കാരനായ പീലി കുടിച്ച കള്ളിന്റെ രസത്തിലാണോ അതോ ഇവനങ്ങനെ പെട്ടെന്ന് ഒഴിഞ്ഞു പോകുന്ന ലക്ഷണം കാണാത്തത് കൊണ്ടാണോ എന്തോ മുൻപിൽ നിക്കുന്ന ദാസനെയൊന്ന് അടിമുടി നോക്കി…

പയ്യനാണ്.. യൗവനത്തിലേക്ക് കയറിയ ഒതുങ്ങിയ വെളുത്ത ശരീരം…കോലാൻ മുടിയും കട്ടിയില്ലാത്ത മീശയും താടിയും… പട്ടണത്തിൽ നിന്ന് വരുന്നതിന്റെ ലക്ഷണമായ അലക്കി മിനുക്കിയ നല്ല ഷർട്ടും പാന്റും.. കാലിൽ ഷൂസുമുണ്ട്…

“നിനക്കെന്താ അറിയേണ്ടത്…?

അതേ പരുക്കൻ സ്വരത്തിൽ തന്നെ പീലി ചോദിച്ചു… പെട്ടെന്ന് തന്നെ ദാസൻ തന്റെ തുണി സഞ്ചിയിൽ നിന്നും ഒരു മഷി പേനയും പേപ്പറും എടുത്തു കയ്യിൽ പിടിച്ചു…

“”പീലിച്ചേട്ടാ എനിക്കാദ്യം നിങ്ങളെയൊന്നു പഠിക്കേണ്ടിയിരിക്കുന്നു…ആ നടപ്പും സംസാരവും ഒരു ദിവസം ചെയ്യുന്ന കാര്യങ്ങളും…. പിന്നെ സമയം പോലെ നിങ്ങളെന്നോട് പറഞ്ഞാൽ മതി ഇതിന്റെയൊക്കെ തുടക്കം എവിടെ നിന്നാണെന്ന്…”

അവന്റെയാ സംസാരം പീലിക്ക് ഇഷ്ടമായി…തടഞ്ഞു നിർത്തി ജീവിതകഥ ചോദിക്കുന്നതിന് പകരം ഇങ്ങനെയൊരു നീക്കം അയാൾ പ്രതീക്ഷിച്ചിരുന്നില്ല…പ്രായത്തിനൊത്ത പക്വത ദാസനുള്ളതായി പീലിക്ക് മനസിലായി….

“”ഹ്മ്മ്…നടക്ക്…എന്റേയീ ജീവിതം കൊണ്ട് നിനക്കൊരു ഗുണമുണ്ടാവുകയാണെങ്കിൽ അങ്ങനെ ആവട്ടെ…. “”

അതും പറഞ്ഞു പീലി നടക്കാൻ തുടങ്ങി…

അയാളുടെ വാക്കുകൾ കേട്ട ദാസനും സന്തോഷമായി…കേശവൻ പറഞ്ഞത് പോലെ ഇയാളൊരു മനുഷ്യമൃഗമൊന്നുമല്ല…ആരും തന്നെ അയാളെ അടുത്തറിയാൻ ശ്രമിച്ചിട്ടില്ല ഇതുവരെ…

പീലിക്ക് പിറകെ നടന്നുകൊണ്ട് ദാസൻ അയാളെയൊന്ന് വിലയിരുത്തി…. ഏതെങ്കിലുമൊരു പുതുമുഖ നടനെകൊണ്ട് അഭിനയിപ്പിക്കേണ്ടി വരും ഇയാളുടെ കഥയിൽ…കാരണം അന്നത്തെ കാലത്ത് ഇതുപോലെ എടുപ്പും നടപ്പുമുള്ള സിനിമാതാരം മലയാളത്തിലില്ല….

പുഴക്കരയും വാഴത്തോപ്പും കടന്നവർ നടത്തം തുടർന്നു

“ദാസ നിന്റെയിവിടുത്തെ താമസമൊക്കെ എവിടെയാ…?

ചുറ്റിനുമൊന്ന് കണ്ണുകൊണ്ട് പരതികൊണ്ട് പീലി ചോദിച്ചു..

“അത് പീലിച്ചേട്ടാ ഞാനിവിടെ അങ്ങനെ താമസിക്കാറില്ല…നേരമിരുട്ടുമ്പോ കവലയിൽ നിന്ന് കിട്ടുന്ന വണ്ടിക്ക് ടൗണിലേക്ക് പോകും…പിറ്റേന്ന് തിരിച്ചു വരും അതാ പതിവ്…”

“ഹ്മ്മ്….!!!!

അവന്റെ മറുപടി കേട്ട പീലിയൊന്ന് മൂളി…. വിശ്വസിക്കാൻ കൊള്ളാവുന്ന ഒരുത്തൻ ആണെന്ന് പീലിക്ക് തോന്നി…എന്നാലും അയാളുടെ ഉള്ളിൽ അവനെ വീട്ടിലേക്ക് ക്ഷണിക്കാനൊരു മടി തോന്നി…വരത്തനാണ് കൂടാതെ കുറഞ്ഞ സമയത്തെ