Chapter Title : നാളികേരദർശനം [സിമോണ]

ഇപ്പൊ മൂത്രൊഴിക്കാനാണെന്നും പറഞ്ഞ് സദാ സമയോം വീട്ടിൽ കേറി ഇറങ്ങാണെന്നാ പറയണേ... ഒരു വൃത്തില്ല്യാത്ത കൂട്ടങ്ങളാ... വല്ലതും കട്ടോണ്ടു പോയാൽ പിന്നെ പറഞ്ഞിട്ട് കാര്യല്ല്യല്ലോ...."

സരോജിനിയമ്മയുടെ പറച്ചിൽ കേട്ടതും, അവർക്കു പുറം തിരിഞ്ഞുനിന്ന്, ഗ്യാസ് സ്റ്റവ്വിൽ വെച്ചിരുന്ന ചായപാത്രത്തിൽ നിന്ന് സ്റ്റീൽ കപ്പിലേക്ക് ചായ പകർന്നുകൊണ്ടിരുന്ന സന്ധ്യയുടെ മുഖമൊന്ന് ചുവന്നു...

"............ഉള്ളത് മുഴുവൻ മോളോടയ്ക്ക് എഴുന്നള്ളിക്കാണ്ടാ തള്ളയ്ക്ക് കേട്.. പത്തു മൂവായിരം സ്‌ക്വയർ ഫീറ്റിന്റെ വീട് പണിയണോർക്ക് ഒരു കക്കൂസ് കുത്താൻ കാശില്ലപോലും..

ഇനി ദേവേട്ടനോട് ഇതും കൂടി എഴുന്നള്ളിച്ചാൽ പിന്നെ എനിക്കുള്ളതായി... അല്ലെങ്കി തന്നെ ഫോണെടുത്താൽ കാശിന്റെ കണക്കേ പറയാനുള്ളു... എന്റെ തലവിധി!!!...."

സരോജിനിയമ്മയെ കേൾപ്പിക്കാതെ പിറുപിറുത്തുകൊണ്ട്, അവൾ, ആറ്റിയ ചായ ഗ്ലാസ്സിലേക്ക് പകർന്ന് അവർക്കു നീട്ടി...

"............പറയാം അമ്മേ.. ചേട്ടൻ എന്ത് പറയോ ന്നറിയില്ല... ഈയിടെ കാശിന്റെ കാര്യം എന്തേലും മിണ്ടിയാൽ അപ്പൊ വഴക്കിനു വരും... അവിടേം ബുദ്ധിമുട്ടൊക്കെ കാണും ചിലപ്പഴേ... ഈ റിസഷന്റെ ഒക്കെ..."

സന്ധ്യയുടെ വാക്കുകൾ കേട്ട സരോജിനിയമ്മയുടെ മുഖം കറുത്തു..

"............പിന്നേ!!!!.. അവിടെ അവനെന്തു ചിലവുണ്ടായിട്ടാ... വേറെ പെണ്ണിനും പിള്ളേർക്കും ചെലവിന് കൊടുക്കൊന്നും വേണ്ടല്ലോ... നിനക്ക് തിന്നാനും കുടിക്കാനും ഉള്ളതാണേൽ ഇവിടത്തെ പറമ്പീന്ന് കിട്ടുന്നുണ്ടല്ലോ.. പിന്നെന്തുട്ടാ നിങ്ങൾക്കൊക്കെ ഇത്രയ്ക്ക് ചെലവ്??? അതുപോലാണോ നിമിഷമോൾടെ കാര്യം.. അവൾക്ക് സ്വന്തമായി ഒരു വീടുവേണ്ടേ??..."

അവരുടെ സ്വരമുയർന്നതും സന്ധ്യയുടെ മുഖം വിളറി..

"............ഞാൻ... ഞാൻ പറയാം അമ്മേ.. അതൊക്കെ അല്ലെങ്കിലും എനിക്കറിഞ്ഞൂടെ... ഞാൻ ചേട്ടന്റെ കാര്യം പറഞ്ഞതാ... എന്നെ തിന്നാൻ വരും ന്നേ..കാശിന്റെ കാര്യം പറയുമ്പോഴേക്ക്...."

സരോജിനിയമ്മയുടെ മുഖം മാറിയതും സന്ധ്യ നിന്ന നിൽപ്പിൽ