Chapter Title : നീലാകാശം പച്ചക്കടൽ ചുവന്ന ഭൂമി…🌏 7 [Robert longdon]

നെന്നെ..!👀

എപ്പോഴത്തെയും പോലെ മുത്തശ്ശി നീരജിന് സപ്പോർട്ട് ചെയ്തു കൊണ്ട് ചോദിച്ചു..!

ശോഭമ്മ : ഓ..അതൊന്നുമില്ലമേ..! അവൻ സൊസൈറ്റിയിൽ പോണ കാര്യം പറഞ്ഞതാ..! അപ്പൊ ബിന്ദു പറഞ്ഞു ലീല ഇല്ലല്ലോ അപ്പൊ പിന്നെ പോണോന്ന് ചോദിച്ചതാ...

മുത്തശ്ശി : അതിനിപ്പോ എന്താ...സൊസൈറ്റിയിൽ പോണം..,പാല് വാങ്ങണം..! അവനെപ്പോഴും പോകുന്നതല്ലെ..പോയേച്ചും വരട്ടെ...

ശോഭമ്മ പറഞ്ഞു തീരുന്നതിന് മുൻപായി മുത്തശ്ശി ഇടയിൽ കയറി തൻ്റെ അഭിപ്രായം പറഞ്ഞു..!

നീരജ് : ആന്ന്...! അങ്ങോട്ട് പറഞ്ഞ് കൊടുക്ക് കല്ലു..😃

ബിന്ദു : അല്ല അമ്മേ..! ഫ്രിഡ്ജിൽ പാക്കറ്റ് പാലുണ്ടല്ലോ..! പിന്നെ വെറുതെ സൊസൈറ്റിക്ക് പോണോ..👀

ശോഭമ്മ : ഹാ...നമ്മളെല്ലാവരും പാക്കറ്റ് പാൽ കുടിക്കൂല്ലൊ..

മുത്തശ്ശി : അത് സാരൂല..അവൻ പോയേച്ചും വരട്ടെ..!

നീരജ് : ഞാൻ ഇക്കാര്യത്തിൽ മുത്തശ്ശിയുടെ കൂടെയാണ്..!

ബിന്ദു : ആ..നി പിന്നെ സപ്പോർട്ടിന് ആരെ പിടിക്കാ പറഞ്ഞിട്ട് നിൽക്കുവാണല്ലോ..😏

നീരജ് : എന്തോന്ന് ബിന്ദു ഇത്..! 😐

മുത്തശ്ശി : മോനെ...നീരജ്..!

നീരജ് : ഓ...☺️

നീരജിൻ്റെ ആ " ഓ.." യിൽ തന്നെ മുത്തശ്ശിയോടുള്ള ആദരവ് സൂചകമായ നന്ദി കരകവിഞ്ഞൊഴുകുന്നുണ്ടായിരുന്നു..!

മുത്തശ്ശി : മോൻ പോയിട്ട്..വാ..🤗

നീരജിൻ്റെ മനസിൽ എന്താണോ അത് വായിച്ചറിഞ്ഞത് പോലെയാണ് മുത്തശ്ശിയുടെ സംസാരം..! നീരജിന് പിന്നെ സൊസൈറ്റിയിലെ പാലിനോടല്ല , മറിച്ച് അവിടെയുള്ള കൃഷ്ണയോടാണ് പ്രിയം എന്നറിയാലോ..! കൃഷ്ണയെ കാണാനുള്ള നീരജിൻ്റെ പോക്കിനാണ് ബിന്ദു ചേച്ചി രാവിലെ തന്നെ വിലങ്ങ് തടിയായി നിന്നത്..! ശോഭമ്മ പിന്നെ ഒരു ഓകെ ഓകെ മൈൻഡ് ആയത് കൊണ്ട് ഏതേലും ഒരു ഭാഗത്തേക്ക് ചായും..! പക്ഷെ മുത്തശ്ശിയുടെ കാര്യോജിതമായി ഇടപെടൽ നീരജിന് വിധി അനുകൂലമാക്കി തീർത്തു..!

റൺവേ സിനിമയിൽ മുരളി പറയുമ്പോലെ " എൻ്റെ പുണ്യാളൻ കൊണ്ട് വന്നതാ ഇവനെ.." എന്നാ ഡയലോഗ് കല്ലൂൻ്റെ രംഗപ്രവേശത്തോടെ അന്വർത്ഥമായി എന്ന് വേണം പറയാൻ..! ശോഭമ്മ അകത്തേക്കും ബിന്ദു ചേച്ചി പാത്രം എടുക്കാനുമായി കിച്ചനിലേക്കും പോയി..! നീരജ് പെട്ടെന്ന് മുത്തശ്ശിയുടെ അടുത്തേക്ക് ചെന്നു..!

നീരജ് : നന്ദിയുണ്ടെ...😘

ഗൂഗിൾ പേയിൽ പൈസ ക്രെഡിറ്റ് ആവുമ്പോ മമ്മൂട്ടി പറയുന്നത് പോലെ ആയിരുന്നു നീരജ് മുത്തശ്ശിയുടെ അടുത്തിരുന്നു പറഞ്ഞത്..!

മുത്തശ്ശി : ദേ ...പോയിട്ട് വേഗം വരണം..!😊

നീരജ് : പോവുന്ന കാര്യം ഓക്കേ..! പക്ഷേ തിരിച്ച് വരുമ്പോ കുറച്ച് വൈകിയാ കുഴപ്പം ഉണ്ടോ കല്ലു...😌

മുത്തശ്ശി : അധികം വൈകരുത്..! അവസാനം ശോഭയുടെ കയ്യീന്ന് നല്ലത്