Chapter Title : നീലച്ചിറകുള്ള മോഹങ്ങൾ 2 [ഒലിവർ]

ഭാഗ്യമാണ് ഇന്ന് കൈവിട്ട് പോയതെന്ന് നിരാശയോടെ ഓർത്ത് അവൻ നെടുവീർപ്പിട്ടപ്പോഴേക്കും അവളൊന്ന് തിരിഞ്ഞു നോക്കി. അവരുടെ കണ്ണുകൾ തമ്മിൽ ഉടക്കി. ആദ്യം അവളൊന്ന് പരുങ്ങിയെങ്കിലും പിന്നെ മുഖത്തൊരു ദൃഢനിശ്ചയം കൈവന്നു. അവൾ പതുക്കെ അവന്റെ മേശയ്ക്കടുത്തേക്ക് തിരിച്ചുവന്നു.

​"സാർ..." അവൾ പതുക്കെ വിളിച്ചു. സംസാരത്തിൽ പഴയ വിനയമുണ്ട്. ​

അരവിന്ദ് മുഖത്ത് മാന്യമായൊരു പുഞ്ചിരി വരുത്തി ചോദിച്ചു. "എന്താ മോളേ?”

​“സാറിന് എന്നെ മനസ്സിലായിട്ടുണ്ടാവില്ല.” അവളുടെ മുഖത്ത് നല്ലൊരു ചിരി വിരിഞ്ഞു. "ഞാൻ അഞ്ജു. ഗോകുലിന്റെ അനിയത്തിയാ."

​അവൻ ആകെ സ്തംഭിച്ചുപോയി. ഡ്രൈവറുടെ അനിയത്തി! താൻ ഇന്ന് ഫീസടച്ചുകൊടുത്ത ആ അനിയത്തിക്കുട്ടി. അനുപമ നിർബന്ധിച്ച് ഒരു സഹായമായി ചെയ്ത കാര്യം ഇപ്പോൾ ഇതാ തന്റെ മുന്നിൽ ഇത്രയും സുന്ദരമായ ഒരു രൂപത്തിൽ വന്നുനിൽക്കുന്നു!

​​"ഓ… അഞ്ജു!" അരവിന്ദിന്റെ ശബ്ദം പെട്ടെന്ന് മാറി. അവൻ കസേരയിലേക്ക് ഒന്ന് ചാരിയിരുന്നുകൊണ്ട് മുഖത്ത് ഒരു മാന്യത വരുത്തി. "അഞ്ജുവിന്റെ കാര്യം ഗോകുൽ എപ്പോഴും പറയാറുണ്ട്. പക്ഷേ ഇവിടെ ബാംഗ്ലൂരിൽ പഠിക്കുകയാണെന്ന് മാത്രമേ അവൻ പറഞ്ഞുള്ളൂ." അവൻ അവളുടെ ആ ഇറുകിയ യൂണിഫോമിലേക്ക് അർത്ഥവത്തായി ഒന്ന് നോക്കി.

​അഞ്ജുവിന്റെ കവിളുകൾ ചുവന്നു. "അതെ സാർ. പക്ഷേ ഒഴിവുദിവസങ്ങളിൽ ഞാനിവിടെ പാർട്ട് ടൈം ജോലിക്ക് നിൽക്കും.”

​"ഇതൊക്കെ ഗോകുലിന് അറിയാമോ?" അരവിന്ദിന്റെ സ്വരത്തിൽ ഒരു കൗശലം ഒളിഞ്ഞുനിന്നിരുന്നു.

​അവളുടെ മുഖം ഒന്ന് വാടി. അവൾ പതുക്കെ ചുറ്റും നോക്കി ശബ്ദം താഴ്ത്തി പറഞ്ഞു. "ഇല്ല സാർ. പക്ഷേ ബാംഗ്ലൂരിലെ ചെലവുകൾക്കൊക്കെ... സാറിന് അറിയാമല്ലോ. ഹോസ്റ്റലും ഭക്ഷണവും പുസ്തകവുമൊക്കെ... സാർ തന്ന പൈസ കൊണ്ട് ഫീസിന്റെ