Chapter Title : നീലക്കൊടുവേലി 2 [Fire blade]

സിതാരയെ കാണാൻ കിട്ടുന്ന അവസരങ്ങൾ അവനങ്ങനെ ഒഴിവാക്കിയിരുന്നില്ല പക്ഷെ അത് അവൾ അറിഞ്ഞില്ലെന്നു മാത്രം..

അവളോട്‌ എങ്ങനെയെങ്കിലും അടുക്കണമെന്നുള്ള വഴിയായാണ് നീതുവിനെ അവൻ കണക്കാക്കിയത്...

ഒരു വീട്ടിൽ തന്നെ ആയിരിക്കുന്നതുകൊണ്ടു കാണാൻ എളുപ്പമാണെന്ന് ഒഴിച്ചാൽ അവളുടെ മനോഭാവം മാറാത്തതിൽ കുറച്ചു പ്രയാസം അവൻ നേരിട്ടു...അവളുടെ അവഗണന സത്യത്തിൽ അവനെ അവളിലേക്ക് കൂടുതൽ അടുപ്പിക്കുകയാണ് ചെയ്തത്.... അതൊരു പ്രണയമാണെന്ന് അപ്പോൾ തിരിച്ചറിഞ്ഞില്ലെന്നു മാത്രം

ഇങ്ങനെ മാസങ്ങൾ കടന്നുപോയി... സിദ്ധുവിന് 18 വയസായി...അവന് ആ വയസെത്തുമ്പോൾ ഏൽപ്പിക്കാനായി കൈമൾ കൊടുത്ത രഹസ്യത്തെ പറ്റി ശങ്കരൻ ചിന്തിച്ചു...

എന്തുകൊണ്ടോ അത് ഇപ്പോൾ തന്നെ കൊടുക്കേണ്ടതില്ലെന്ന തോന്നൽ അങ്ങേർക്കുണ്ടായി...

മറ്റൊന്നും കൊണ്ടായിരുന്നില്ല, ഇപ്പോൾ സിദ്ധു അവരോട് കാണിക്കുന്ന പരിഗണന അവർ രണ്ടുപേരും ഒരുപാട് ആഗ്രഹിച്ചിരുന്നതാണ്....

ആ രഹസ്യം അവന് കൈമാറുന്നത്തോടെ അവൻ അവരിൽ നിന്നു അകലാൻ സാധ്യത ഉണ്ടെന്നു ആ പാവത്തിന്റെ ഉൾമനസ്സിൽ വെറുതെയൊരു തോന്നലുണ്ടായിരുന്നു..

ഇടക്ക് ഒരു തവണ ലക്ഷ്മിയമ്മയുമായി ഇതിനെപ്പറ്റി സംസാരിച്ചപ്പോൾ അവർക്കും അതേ അഭിപ്രായം തന്നെ ആയിരുന്നു..

മക്കൾക്കിടയിൽ മുൻപ് ഉണ്ടായിരുന്നത്ര അകൽച്ച ഈയിടെ കാണാറില്ലെന്നതും അവരെ സംബന്ധിച്ചിടത്തോളം സന്തോഷകരമായിരുന്നു... പക്ഷെ സിദ്ധുവും സിതാരയും തമ്മിൽ ഉള്ള പ്രശ്നത്തെ അവർ അറിഞ്ഞില്ല...

സിദ്ധു ഡിഗ്രിക്ക് ജോയിൻ ചെയ്തു... ഒരുപാട് അകലെയല്ലാതെ ഉള്ള ഗവണ്മെന്റ് കോളേജിൽ ആയിരുന്നു...ചിറക്കൽ നിന്നു തന്നെയാണ് പഠിത്തം.. രാവിലെ കൊണ്ടുവിടാനും വരാനുമായി ഒരു വാഹനം ഏൽപ്പിച്ചു... ബൈക്ക് വാങ്ങണമെന്ന ആഗ്രഹം ഉണ്ടായിരുന്നെങ്കിലും ശങ്കരന്റെ സ്നേഹപൂർവമുള്ള വിസമ്മതത്തിൽ അവൻ നീട്ടിവെച്ചു..

മനോഹരമായ കോളേജ് ആയിരുന്നു സിദ്ധുവിന്റേത്... വൈകീട്ട് 3 വരെ മാത്രം ക്ലാസ്... കോളേജിൽ ആരോടും ഒരുപരിധിയിൽ കൂടുതൽ അടുക്കാൻ അവൻ ശ്രമിച്ചില്ല.. എങ്കിലും അവനാൽ കഴിയുന്നത്ര നന്നായി ഓരോ ദിവസവും ആസ്വദിക്കുകയും ചെയ്തു..

വൈകീട്ട് വന്ന ശേഷം 2-3 മണിക്കൂർ അവൻ അവന്റെ പ്രാക്ടിസിനായി ചിലവഴിച്ചു... ശരീരം കൂടുതൽ കരുത്തായി...അതിനു ശേഷം ശങ്കരനോടൊപ്പം കണക്കുകളും കാര്യങ്ങളും നോക്കുന്നതും വേണ്ട ആവശ്യങ്ങൾ നിർവഹിക്കുന്നതും ദിനചര്യയിൽ ഉൾപ്പെടുത്തി..

ഇതിനിടയിൽ സിതാരയുമായുള്ള വിഷയം തീർന്നില്ലെങ്കിലും നീതുവുമായി ഇടക്ക് സംസാരിക്കാനും കുറച്ചു അടുപ്പം ഉണ്ടാവാനും തുടങ്ങി...

സിതാരയോടായിരുന്നു അവന്റെ പ്രണയമെങ്കിലും അവളുടെ അതേ