Chapter Title : നീലക്കൊടുവേലി 6 [Fire blade]

കയ്യിൽ നിന്നും ഒഴിഞ്ഞു മാറിക്കൊണ്ട് പറഞ്ഞു..

" വേഗം പോവാം... വായോ "

അവൻ അവളെ അങ്ങനെ പെട്ടെന്ന് വിടാൻ ഒരുക്കമായില്ല... അവളുടെ വലതുകയ്യിൽ പിടിച്ചു അവൻ വലിച്ചു..

ധന്യ കേഴുന്ന രീതിയിൽ അവനെ നോക്കി...

" ആരെങ്കിലും കണ്ടാൽ ന്നെ കൊല്ലും... ഈ പണി ഉള്ളോണ്ടാ ഞങ്ങൾ കഞ്ഞി കുടിച്ചു പോണത്.. "

അവൾ തൊഴുതുകൊണ്ട് അവനോടായി പറഞ്ഞു..മറ്റൊരു പ്രണയം ഉണ്ടെന്നു പറയണമെന്ന് തോന്നലുണ്ടായെങ്കിലും അവനെ പിണക്കാൻ അവൾക്ക് ഭയമായിരുന്നു..

" ആരും കാണാണ്ടിരുന്നാൽ പ്രശ്നമില്ലല്ലേ..?? "

സിദ്ധു പ്രതീക്ഷയോടെ അവളെ നോക്കി ചോദിച്ചു... ധന്യ താൻ പറഞ്ഞതിലെ വ്യാകരണപിശകിനെ ശപിച്ചു..

ഒരു ഉമ്മ അവൾക് കുഴപ്പമില്ലായിരുന്നു.. പക്ഷെ ഇനി ഇത് തുടർന്നാൽ എവിടെ ചെന്നെത്തുമെന്ന് അവൾക്ക് ഊഹമുണ്ടായിരുന്നു..

വലിയ വീട്ടിലെ പയ്യന്മാർ ഇങ്ങനൊക്കെ തന്നെ ആയിരിക്കുമെന്നും പെട്ടുപോകുന്നത് പാവപ്പെട്ട പെൺപിള്ളേർ ആവുമെന്നും അവളുടെ അമ്മമ്മ പണ്ട് കഥകൾ പറഞ്ഞുകൊടുത്തിരുന്നു..

പെൺകുട്ടികൾ മാനം ജീവനെപ്പോലെ കാക്കണമെന്നത് ഗുണപാഠമായി പറഞ്ഞുകൊടുത്തിരുന്നത് അവളുടെ മനസ്സിൽ തെളിഞ്ഞു... അതുകൊണ്ട് തന്നെയാണ് അപ്പുണ്ണി എന്ന അയൽക്കാരൻ പയ്യൻ പിറകെ നടന്നു പുന്നാരിച്ചിട്ടും മനസ് കൊണ്ടുള്ള പ്രണയമല്ലാതെ ശരീരം കൊടുത്തു പ്രണയിക്കാഞ്ഞതും..

ധന്യക്കു ചിന്തിക്കാനുള്ള അവസരം കൊടുത്തു കിട്ടിയ അവസരം കളഞ്ഞെന്നു സിദ്ധുവിന് ഏറെക്കുറെ തോന്നി.. പക്ഷെ അവൻ അവളെ വിട്ടില്ല..

" നോക്ക് നീ ഇപ്പൊ ഞാൻ പറഞ്ഞ പോലെ ചെയ്യുന്നില്ലെങ്കിലാണ് നിന്റെ പണി പോവാൻ പോണത്.. ന്തേ..?? "

അവന്റെ പറച്ചിൽ കേട്ടപ്പോൾ ധന്യ വീണ്ടും ത്രിശങ്കുവിലായി...ഒരു ഭാഗത്തു മാനം മറുവശത്തു ജോലി...

" നീ വാ, നിന്റെ സ്ഥിരം സ്ഥലത്തേക്ക് പോവാം.. അവിടാകുമ്പോ പെട്ടെന്നാരും കാണില്ല.. "

അവളുടെ സമ്മതത്തിന് കാത്തുനിൽക്കാതെ അവളെയും വലിച്ചു സിദ്ധു തൊഴുത്തിനരികിലേക്ക് നടന്നു... ഒരു കയ്യിൽ പുസ്തകവും മറുകൈ സിദ്ധുവിന്റെ കയ്യിലും വെച്ച് ധന്യ യാന്ത്രികമായി അവന് പിന്നാലെ നടന്നു..

അവളെ സാധാരണ അവളിലിരിക്കുന്ന പടിയിൽ കയറ്റി ഇരുത്തി അവൻ അടുക്കളഭാഗത്തേക്ക് ചെന്നു മറ്റുള്ളവർ എന്ത് ചെയുന്നു എന്ന് നോക്കി, അവർ ഉറക്കത്തിലാണെന്നു കണ്ടതോടെ തിരികെ വന്ന് അവൾക്ക് അഭിമുഖമായി നിന്നു..അവർ എണീറ്റു വന്നാലും