Chapter Title : നീലക്കൊടുവേലി [Fire blade]

കേട്ട് പതിയെ അവൻ മിഴികൾ തുറന്നു....

അസമയത്തു ഉറങ്ങിയതിന്റെ മന്ദിപ്പ് ഉണ്ടായിരുന്നത് കൊണ്ട് എവിടെയാണ് കിടക്കുന്നതെന്നോ സമയം എന്താണെന്നോ ഒന്നും അവന് ഓടിയില്ല....

ലക്ഷ്മിയമ്മ മുന്നിൽ ഇരിക്കുന്നത് മാത്രം തലച്ചോറിന് പിടുത്തം കിട്ടി...

" എന്തൊരു ഉറക്കാ ഇത്... എത്ര നേരായി വിളിക്കുന്നു എന്നറിയാമൊ..? "

അവർ തലമുടിയിൽ തഴുകിക്കൊണ്ട് ചോദിച്ചു... ..തനിക്ക് വയ്യാതായപ്പോൾ അവർക്ക് കുറച്ചുകൂടി സ്നേഹവും കരുതലും കൂടിയിട്ടുണ്ടെന്നു സിദ്ധു മനസിലാക്കി, അവന്റെ ചുണ്ടിൽ ഒരു പുഞ്ചിരി വിരിഞ്ഞു.... ചുമരിലെ ക്ലോക്കിൽ 8.40 ആയെന്നത് കണ്ട് അവൻ കുറച്ചു ബുദ്ധിമുട്ടി എഴുന്നേൽക്കാൻ ശ്രമിച്ചു...

അത് കണ്ടു കൊണ്ട് വന്ന സുശീല അവനെ പുഷ്പം പോലെ ചാരിയിരുത്തി..കഞ്ഞിയുമായി വന്നതായിരുന്നു അവർ രണ്ടുപേരും ..

കഞ്ഞി നന്നായി കുടിപ്പിച്ച ശേഷം എന്തോ ഒന്ന് രണ്ടു ആയുർവേദ ഗുളികകൾ കൂടി ചൂടുവെള്ളത്തിൽ കലക്കി കുടിപ്പിച്ചതിനു ശേഷമാണ് അവർ പോയത്...

നേരത്തെ നന്നായിട്ടുറങ്ങിയത് കൊണ്ട് തന്നെ പെട്ടെന്നൊന്നും ഉറങ്ങുന്ന സാധ്യത സിദ്ധുവിന് തോന്നിയില്ല....അവൻ തലയ്ക്കു പുറകിൽ വലതുക്കൈ വെച്ച്‌ കണ്ണടച്ച് കാൽ ഇളക്കിക്കൊണ്ട് കിടന്നു....

ചെറുതായി തണുപ്പ് തുടങ്ങിയിട്ടുണ്ട്.., പുതപ്പ് കൊണ്ട് പുതക്കേണ്ടത് ആയിട്ടുമില്ല..നല്ല സുഖകരമായ കാലാവസ്ഥ...

പണ്ട് മാർഷ്യൽ ആർട്സ് പഠിച്ചു തുടങ്ങുന്ന സമയത്ത് ഒരുപാട് തവണ ഇഞ്ചുറി വന്നിട്ടുണ്ട്... അന്നൊക്കെ ബോർഡിങ്ങിൽ ആയതുകൊണ്ട് ഇങ്ങനത്തെ പരിചരണമൊന്നും ലഭിക്കാറുണ്ടായിരുന്നില്ല.. വീട് സ്വർഗമാകുന്നത് സ്നേഹിക്കാൻ ആളുള്ളപ്പോൾ തന്നെയാണ്..

" മോനെ.. ഉറങ്ങിയില്ലേ...? "

അവരാണ്, സുശീല... ഛെ.. പേര് വിളിക്കണ്ട, ചേച്ചിയെന്നു വിളിച്ചേക്കാം.. സിദ്ധു ഓർത്തു..സമയം നോക്കിയപ്പോ 9.45 ആയിട്ടുണ്ട്..

അവർ കയ്യിലുള്ള അരിഷ്ടകുപ്പി താഴെ വെച്ചു...പിന്നെ പായ എടുത്തുകൊണ്ടുവന്ന് താഴെ വച്ചു ...

" ചേച്ചി മരുന്ന് കഴിക്കുന്നില്ലേ..??

" കുറച്ചു കഴിഞ്ഞു കുടിച്ചോളാം, അത് കഴിച്ചാൽ വേഗം ഉറക്കം വരും.. ലക്ഷ്മിയമ്മ പ്രത്യേകം പറഞ്ഞതാ നോക്കാൻ..."

അവർ പറഞ്ഞപ്പോൾ സിദ്ധു വെറുതെ തലയാട്ടിക്കൊണ്ട് അവരെത്തന്നെ ശ്രദ്ധിച്ചു ... അവരാകട്ടെ നേരത്തെ എടുത്ത പായ താഴെ വിരിച്ച്‌ അതിൽ താഴെ നിന്നും അവർ കൊണ്ടുവന്നിരുന്ന വിരിപ്പും ഇട്ടു കിടക്കാൻ പരുവത്തിൽ ആക്കിക്കൊണ്ടിരിക്കുകയാണ്..

മുൻപ് ഉഴിയാൻ വന്നപ്പോൾ ഇട്ടിരുന്ന ജാക്കറ്റ് മാറിയിട്ടുണ്ട്..