Chapter Title : നിധിയുടെ കാവൽക്കാരൻ 11 [കാവൽക്കാരൻ]

സിരകളിലൂടെ ഒരു മിന്നൽ പാഞ്ഞുപോയി.

​സച്ചിനും രാഹുലും അപ്പുറത്ത് നീന്തിത്തിമിർക്കുന്നത് കൊണ്ട്, ഞങ്ങൾ നിൽക്കുന്നത് അവർ ശ്രദ്ധിക്കുന്നില്ല.

​അതുകൊണ്ട് തന്നെ ആ ധൈര്യത്തിൽ ഞാൻ വെള്ളത്തിനടിയിലൂടെ എന്റെ കൈ നീട്ടി അവളുടെ ഇടുപ്പിൽ പിടിച്ചു.

​വെള്ളത്തിന്റെ തണുപ്പിനിടയിലും അവിടെ വല്ലാത്തൊരു ചൂട്...

​അവൾ എതിർത്തില്ല. പകരം വെള്ളത്തിനടിയിൽ വെച്ച് എന്റെ കൈകളിൽ വിരലുകൾ കോർത്തുപിടിച്ചു.

​"തണുക്കുന്നുണ്ടോ...?"

​ഞാൻ പതിയേ ചോദിച്ചു.

​"മ്മ്... ഇത്തിരി..."

​അവൾ വിറയ്ക്കുന്ന ചുണ്ടുകളോടെ പറഞ്ഞു.

​ആ വിറയൽ മാറ്റാൻ എന്നവണ്ണം ഞാൻ അവളെ എന്നിലേക്ക് ഒന്നുകൂടി അടുപ്പിച്ചു നിർത്തി.

​പുഴയിലെ ഒഴുകുന്ന വെള്ളത്തേക്കാൾ വേഗത്തിൽ എന്റെ ഹൃദയം മിടിക്കുന്നത് അവൾക്ക് കേൾക്കാമായിരുന്നിരിക്കണം.

​ഈ പുഴയും, മലയും, ആ ഗുഹയും എല്ലാം സാക്ഷി...

​ഇപ്പോൾ ഈ നിമിഷം, ഇവൾ എന്റേത് മാത്രമാണ്...

​പെട്ടെന്നാണ് സച്ചിന്റെ വിളി വന്നത്.

നായിന്റെമോൻ.... 😐

​"എടാ... അവിടെ നിന്ന് താളം കളിക്കാതെ ഇങ്ങോട്ട് വാ... ഇവിടെ നല്ല ഒഴുക്കുണ്ട്..."

​അവൻ വിളിച്ചു കൂവിയതും നിധി പെട്ടെന്ന് എന്റെ കൈ വിടുവിച്ചു.

​എന്നെ നോക്കി കള്ളച്ചിരിയോടെ ഒന്ന് കണ്ണുറുക്കി കാണിച്ച് അവൾ സച്ചിന്റെയും രാഹുലിന്റെയും അടുത്തേക്ക് നീന്തി...

ഒഴുക്കുണ്ടെങ്കിൽ മൈരൻ പിന്നെന്തിനാ അങ്ങോട്ട് വിളിക്കുന്നേ... 😐

​കയ്യിൽ നിന്നും വഴുതിപ്പോയ ആ മീനിനെ നോക്കി, ഒരു നെടുവീർപ്പോടെ ഞാനും അവരുടെ പിന്നാലെ നീന്തി...

സച്ചിന്റെ അടുത്തേക്ക് എത്തിയതും, അവൻ കൈക്കുമ്പിളിൽ വെള്ളമെടുത്ത് എന്റെ മുഖത്തേക്ക് ശക്തിയായി തെറിപ്പിച്ചു.

​"ഇന്നാ പിടിച്ചോ..."

​കണ്ണ് തുറക്കാൻ സമ്മതിക്കാത്ത പോലെ വെള്ളം മുഖത്തടിച്ചപ്പോൾ ഞാനൊന്ന് പതറി.

​അതൊരു തുടക്കമായിരുന്നു... പിന്നെ അങ്ങോട്ട് ഒരു യുദ്ധം