Chapter Title : നിധിയുടെ കാവൽക്കാരൻ 16 [കാവൽക്കാരൻ]

കണ്ടതും നിധി പതുക്കെ ഞങ്ങളുടെ തലകൾ അവളുടെ മടിയിൽ നിന്നും മാറ്റി, ബെഡിലേക്ക് വെച്ചു. ശേഷം അവളും എന്റെ അപ്പുറത്ത് വന്ന് കിടന്നു.

​ഇപ്പോൾ ഞാൻ നിധിക്കും ആമിക്കും നടുവിലാണ്...

​അവർ രണ്ടുപേരും എന്നെ വിടാതെ, വരിഞ്ഞുമുറുക്കി കെട്ടിപ്പിടിച്ചു കിടക്കുകയാണ്. ആമി ഇപ്പോഴും എന്റെ നെഞ്ചിൽ മുഖം പൂഴ്ത്തി കിടക്കുന്നു. നിധി എന്റെ തോളിലേക്കും...

​ആ നിമിഷം... നേരത്തെ കണ്ട കാഴ്ചകളും, തലയിലേക്ക് വന്ന ആ ചിന്തകളും വീണ്ടും എന്നെ വേട്ടയാടാൻ തുടങ്ങി.

​പക്ഷേ, ഈ പേടി... ഈ ആധി... അത് ആമിയുടെയും നിധിയുടെയും മുന്നിൽ കാണിക്കാൻ എനിക്ക് സാധിക്കുമോ?

​ഞാൻ എന്നോട് തന്നെ ചോദിച്ചു.

​ഇല്ല... അതിനുള്ള സമയമല്ല ഇത്. ഭയന്ന് ഇരിക്കാൻ കഴിയില്ല.

​കാരണം എന്റെ ഇരുവശത്തും കിടക്കുന്നത് എന്റെ ജീവന്റെ പാതികളാണ്... എന്റെ ജീവനുകളാണ്.

എനിക്ക് അവരെയോ, എന്നെ സ്നേഹിക്കുന്ന ഒന്നിനെയും ഇനി നഷ്ടപ്പെടുത്താൻ സാധിക്കില്ല.

​ഈ കളിയിൽ എനിക്ക് ജയിച്ചേ മതിയാകൂ... നഷ്ടപ്പെടാൻ വിട്ടുകൊടുക്കാതെ, എല്ലാത്തിനെയും എനിക്ക് സ്വന്തമാക്കണം... വിജയിച്ചേ തീരൂ...

​വാശിയേറിയ ആ ചിന്തകൾ എന്റെ തലയ്ക്കുള്ളിൽ ഓടി മറിഞ്ഞു....

"ശ്രീ.... "

"മ്മ്...."

"നിന്റെ ആ കഴിവുക്കൊണ്ട്... ഒരാളുടെ മനസ്സ് വായിക്കുന്നതിനൊപ്പം അയാൾ പറയുന്നത് സത്യമാണോ എന്ന് തിരിച്ചറിയാൻ നിനക്ക് സാധിക്കുമോ....?"

ആ നിശബ്ദതയിൽ ഞാൻ നിധിയോട് ചോദിച്ചു.

"നീ കൃതികയേക്കുറിച്ചാണോ ചോദിച്ചു വരുന്നത്...?"

"അതെ..."

"അവൾ സംസാരിച്ചപ്പോഴൊക്കെ ഞാൻ അവളുടെ ചിന്തകളും ശ്രദ്ധിക്കുന്നുണ്ടായിരുന്നു ദേവാ... അവൾ പറഞ്ഞതെല്ലാം സത്യമാണ്. അവൾ വിവരിച്ച കാര്യങ്ങളെല്ലാം അവളുടെ ഓർമ്മകളിൽ ഞാൻ തെളിഞ്ഞു കണ്ടതാണ്...."

നിധിയുടെ ആ മറുപടി കേട്ടതും, എന്റെ