Chapter Title : നിധിയുടെ കാവൽക്കാരൻ 18 [കാവൽക്കാരൻ]

പ്രൊഫസറെ കാണാൻ പോവണോ? അതോ ഇവളെ പിന്തുടരണോ?

തല പുകയുന്ന ചിന്തകൾ. പുറകിലെ വണ്ടിക്കാരുടെ ചീത്തവിളിയും ഹോൺ അടിയും കൂടിയപ്പോൾ എനിക്ക് വേറെ ഒന്നും ആലോചിക്കാൻ സമയം കിട്ടിയില്ല.

ഇവളെ ഇപ്പോൾ വിട്ടാൽ, ഇനി ഒരിക്കലും കണ്ടുപിടിക്കാൻ പറ്റില്ലെന്ന് എന്റെ മനസ്സ് പറഞ്ഞു.

"മൈര്......"

ഞാൻ രണ്ടും കൽപ്പിച്ചു.

സ്റ്റിയറിംഗ് വെട്ടിച്ച്, ആ ജംഗ്ഷനിൽ നിന്നും യു-ടേൺ എടുത്ത് ഞാൻ ആ കറുത്ത കാറിന്റെ പിന്നാലെ കുതിച്ചു.

"എടാ... നീ എങ്ങോട്ടാ ഈ പോവുന്നേ...?"

സച്ചിൻ വിളിച്ചു ചോദിക്കുന്നുണ്ടായിരുന്നു.

പക്ഷേ അതൊന്നും കേൾക്കാനുള്ള മാനസികാവസ്ഥയിലായിരുന്നില്ല ഞാൻ. എന്റെ കണ്ണ് ആ കറുത്ത കാറിൽ മാത്രമായിരുന്നു.

ഇതിനിടയിൽ കൃതികയും റോസും അവരുടെ ചോദ്യത്തിന് മറുപടി പറഞ്ഞിരുന്നു...

കാറിനെ പിന്തുടർന്ന് ഞങ്ങൾ നഗരത്തിരക്കുകളിൽ നിന്നും മാറി, കുറച്ച് വിജനമായ ഒരു വഴിയിലേക്ക് കയറി.

കുറച്ച് ദൂരം മുന്നോട്ട് പോയതും, റോഡിന്റെ ഒരു വശത്തായി ഉയർന്നു നിൽക്കുന്ന വലിയ മതിലുകൾ ഞങ്ങളുടെ ശ്രദ്ധയിൽ പെട്ടു.

പുറത്തുനിന്നും നോക്കിയാൽ അതിനുള്ളിൽ എന്താണെന്ന് ഒരു തരി പോലും കാണാൻ സാധിക്കാത്ത അത്രയും വലിപ്പമുണ്ടായിരുന്നു ആ മതിലുകൾക്ക്.

ഞങ്ങൾ നോക്കി നിൽക്കെ ആ കാർ നേരെ ചെന്ന് നിന്നത് ആ മതിലുകൾക്ക് നടുവിലുള്ള ഒരു വലിയ ഗേറ്റിന് മുന്നിലായിരുന്നു. കാർ എത്തിയതും ശബ്ദമില്ലാതെ ആ ഗേറ്റ് തുറക്കപ്പെട്ടു. കാർ അതിനുള്ളിലേക്ക് മറഞ്ഞു. ഒട്ടും വൈകാതെ തന്നെ ആ വാതിൽ അടയുകയും ചെയ്തു.

ഞങ്ങൾ വണ്ടി കുറച്ചു മാറി, ആർക്കും സംശയം തോന്നാത്ത രീതിയിൽ ഒതുക്കി നിർത്തി.

"വാ... പോയി നോക്കാം..."

നട്ടുച്ച വെയിലായതുകൊണ്ട് തന്നെ, റോഡിൽ