Chapter Title : നിധിയുടെ കാവൽക്കാരൻ 18 [കാവൽക്കാരൻ]

വന്നു.

എന്റെ ചിന്തകൾ ഞാൻ പുറത്തു പറഞ്ഞില്ലെങ്കിലും, എന്റെ മനസ്സ് വായിക്കാൻ കഴിവുള്ള നിധിക്ക് അത് കൃത്യമായി പിടികിട്ടി.

​എന്റെ ആ ചിരി കണ്ടതും അവളുടെ മുഖം നാണം കൊണ്ട് ചുവന്നു തുടുത്തു. അവൾ പെട്ടെന്ന് തല താഴ്ത്തി, കണ്ണുകൾ കൊണ്ട് എന്നെ ഒന്ന് കൂർപ്പിച്ചു നോക്കി.

​ഇതൊക്കെ കണ്ടുകൊണ്ട് നിന്ന ആമിക്ക് കാര്യം പിടികിട്ടിയില്ല.

​"എന്താടി...? ഇതെന്താ നിന്റെ മുഖം പെട്ടെന്ന് ചുവന്നത്...?"

​ആമി ആകാംക്ഷയോടെ നിധിയുടെ തോളിൽ തട്ടി ചോദിച്ചു.

​നിധി ചുറ്റും ഒന്ന് നോക്കിയിട്ട്, ആമിയുടെ ചെവിയിലേക്ക് ചാഞ്ഞു. അവൾ എന്റെ മനസ്സിൽ വിചാരിച്ച ആ കാര്യം ആമിയുടെ ചെവിയിൽ സ്വകാര്യമായി പറഞ്ഞു.

​അതുകേട്ടതും ആമി പെട്ടെന്ന് എന്നെ നോക്കി. അവളുടെ മുഖത്തും ഒരു കള്ളച്ചിരി വിരിഞ്ഞു.

​"ആഹാ... കൊള്ളാലോ കളി..."

​എന്ന് കണ്ണുകൊണ്ട് ചോദിക്കുന്നതുപോലെ അവൾ എന്നെ നോക്കി ഒന്നു കണ്ണിറുക്കി.

​രണ്ടുപേരുടെയും ആ നോട്ടവും, അർത്ഥം വെച്ചുള്ള ആ ചിരിയും കണ്ടപ്പോൾ എനിക്ക് ആകെക്കൂടി ഒരു വിറയൽ വന്നു.

​'ദൈവമേ... എങ്ങനെയെങ്കിലും വേഗം വീട്ടിൽ എത്തിയാൽ മതിയായിരുന്നു...'എന്നായി പിന്നീടുള്ള ചിന്ത...

ആ ചിന്തയിൽ നിന്നും എന്റെ ശ്രദ്ധ തിരിച്ചത് മാറ്റവളാണ്...

അവൾ സാവധാനം എന്റെ അടുത്തേക്ക് നടന്നു വന്നു. അവളുടെ കയ്യിൽ ഒരു ജോടി കറുത്ത ബോക്സിങ് ഗ്ലൗസ് ഉണ്ടായിരുന്നു. ഒരു വാക്കുപോലും പറയാതെ അവളത് എനിക്ക് നേരെ നീട്ടി.

ഞാനത് വാങ്ങി. കയ്യിലിട്ടപ്പോൾ അത് എന്റെ കൈകൾക്ക് കൃത്യം പാകമായിരുന്നു.

അവൾ കണ്ണുകൊണ്ട് നടുക്കത്തെ ആ റിങ്ങിലേക്ക് നോക്കി. 'കേറിക്കോ' എന്ന അർത്ഥത്തിൽ.

ഞാൻ ഒരു ദീർഘശ്വാസമെടുത്തു. ഗ്ലൗസ്