Chapter Title : നിധിയുടെ കാവൽക്കാരൻ 20 [കാവൽക്കാരൻ]

എന്നെ വല്ലാതെ മത്തുപിടിപ്പിച്ചു.

ഞാൻ ആ പലകയുടെ തൊട്ടുമുന്നിൽ ചെന്നു നിന്നു.

അവൾ തലയുയർത്തി എന്നെ നോക്കി. ആ വിടർന്ന കണ്ണുകൾ എന്റെ മുഖത്തു നിന്നും താഴേക്ക്, എന്റെ ട്രാക്ക് പാന്റ്സിനും ബനിയനും ഉള്ളിലൂടെ എന്റെ ശരീരത്തെ ഒന്നു ഉഴിഞ്ഞു നോക്കി.

"ഇപ്പോൾ എങ്ങനെയുണ്ട്...? വേദനയുണ്ടോ...?"

അവൾ ചോദിച്ചു. ആ ചോദ്യത്തിൽ പരിഹാസമല്ല, മറിച്ച് വല്ലാത്തൊരു വാത്സല്യമായിരുന്നു ഉണ്ടായിരുന്നത്....

എന്നാൽ അവളുടെ ചോദ്യത്തിന് എനിക്ക് മറുപടി പറയാൻ കഴിഞ്ഞില്ല. നാവിൽ വാക്കുകൾ വരാത്തവിധം ഞാൻ മരവിച്ചുപോയിരുന്നു. ആ സാമീപ്യം എന്നെ അത്രമേൽ തളർത്തിയിരുന്നു. എന്റെ തൊണ്ട വരണ്ടുപോയി.

എന്റെ ആ നിൽപ്പ് കണ്ട്, അവളുടെ ചുണ്ടിൽ വിടർന്ന ആ ചിരിക്ക് തിളക്കമേറി. ഒരു കുസൃതിയോടെ അവൾ തലയാട്ടി.

"സാരമില്ല... മാറിക്കോളും..."

അവൾ പതുക്കെ പറഞ്ഞു.

"നീ പോയി ബാക്കിയുള്ളവരെ വിളിക്ക്... നല്ല ക്ഷീണം കാണും എല്ലാവർക്കും. കുളിച്ചുകഴിഞ്ഞ് താഴേക്ക് വാ... ആഹാരം കഴിക്കാം..."

ഒരു മുതിർന്ന കാരണവരെപ്പോലെ അവൾ പറഞ്ഞെങ്കിലും, ആ സ്വരത്തിൽ തേൻ ഒഴുകുന്നതുപോലത്തെ മാധുര്യമുണ്ടായിരുന്നു.

അത്രയും പറഞ്ഞ് അവൾ ആ തേക്ക് പലകയിൽ നിന്നും സാവധാനം എഴുന്നേറ്റു.

അവൾ എഴുന്നേറ്റ് എന്റെ തൊട്ടുമുന്നിൽ നിന്നപ്പോൾ, അവളുടെ ഉയരം എന്റെ മൂക്കിനൊപ്പം മാത്രമേ ഉണ്ടായിരുന്നുള്ളൂ. പക്ഷേ, ആ നിമിഷം അവൾക്ക് എന്നേക്കാൾ വലിപ്പമുള്ളതുപോലെ തോന്നി.

അവളുടെ ശരീരത്തിൽ നിന്നും വമിച്ചിരുന്ന ആ ചൂട്... അത് എന്നെ തൊട്ടുരുമ്മി നിന്നു. വിയർപ്പും മുല്ലപ്പൂവും ചേർന്ന ആ വശ്യഗന്ധം എന്റെ ശ്വാസകോശത്തിൽ നിറഞ്ഞു.

ഞാൻ അനങ്ങാൻ കഴിയാതെ ശിലപോലെ നിൽക്കുകയായിരുന്നു.

പെട്ടെന്ന്, ഒട്ടും പ്രതീക്ഷിക്കാതെ അവൾ എന്റെ നേരെ