Chapter Title : നിധിയുടെ കാവൽക്കാരൻ 27 [കാവൽക്കാരൻ]

തന്റെ വലതുകൈ വായുവിലേക്ക് നീട്ടിപ്പിടിച്ച് കണ്ണുകൾ ഇറുക്കിയടച്ചു.

അവന്റെ ചുണ്ടുകൾ അതിവേഗം മന്ത്രിക്കാൻ തുടങ്ങി. അമാനുഷികമായ ഏതോ ഭാഷയിലുള്ള ആ മന്ത്രോച്ചാരണം ഉയർന്നപ്പോൾ ചുറ്റുമുള്ള കാറ്റിന്റെ ഗതിപോലും മാറിമറിഞ്ഞു. അത് മറ്റൊന്നുമായിരുന്നില്ല, കുറച്ചുനേരം മുൻപ് ദേവ തന്റെ മാന്ത്രികായുധത്തെ വിളിച്ചുവരുത്താൻ ഉപയോഗിച്ച അതേ 'രുധിരാസ്ത്ര മന്ത്രം' തന്നെയായിരുന്നു അവൻ ഉരുവിട്ടത്!

മന്ത്രം അവസാനിച്ചതും സച്ചിന്റെ ഉള്ളംകയ്യിൽ വല്ലാത്തൊരു ഊർജ്ജം ഇരച്ചുകയറി. ചുറ്റുമുള്ള ശൂന്യതയിൽ നിന്നും വായുവിനെ കീറിമുറിച്ചുകൊണ്ട്, കടുംചുവപ്പ് നിറത്തിലുള്ള ഒരു പ്രകാശവലയം പെട്ടെന്ന് അവിടെ രൂപപ്പെട്ടു. ആ പ്രകാശത്തിനുള്ളിൽ നിന്നും ഇരുമ്പും മാന്ത്രികതയും സംയോജിച്ച അതിഭയാനകമായ ഒരു  വാൾ സച്ചിന്റെ കൈകളിലേക്ക് അവതരിച്ചു!

വാളിന്റെ പിടിയിൽ അവന്റെ വിരലുകൾ മുറുകിയതും, ആ ആയുധത്തിൽ കൊത്തിവെച്ചിരുന്ന പുരാതന ലിപികൾ ഒരു തീജ്വാലപോലെ തിളങ്ങാൻ തുടങ്ങി.

അപ്പോഴേക്കും രക്തദാഹിയായ നരിമാടൻ ഭൂമിയെ വിറപ്പിക്കുന്നൊരു അലർച്ചയോടെ സച്ചിന് നേരെ കുതിച്ചുചാടിയിരുന്നു.

മനുഷ്യനെ നെടുകെ പിളർക്കാൻ പോന്ന തന്റെ കൂർത്ത നഖങ്ങൾ സച്ചിന്റെ നെഞ്ചിലേക്ക് ആഴ്ത്താനായിരുന്നു അതിന്റെ ലക്ഷ്യം. എന്നാൽ ഒരു കാട്ടുജന്തുവിന്റെ വേഗതയേക്കാൾ എത്രയോ മടങ്ങ് വലുതായിരുന്നു സച്ചിന്റെ ചലനങ്ങൾ.

മൃഗം തന്റെ ശരീരത്തിലേക്ക് പതിക്കുന്നതിന് തൊട്ടുമുൻപ്, കാലുകൾ നിലത്തുറപ്പിച്ച് സച്ചിൻ തന്റെ കയ്യിലെ വലിയ വാൾ വായുവിൽ അതിവേഗം വീശി.

നരിമാടന്റെ ഇരുമ്പുപോലെയുള്ള നഖങ്ങളും സച്ചിന്റെ മാന്ത്രികവാളും തമ്മിൽ കൂട്ടിയിടിച്ചപ്പോൾ കാതടപ്പിക്കുന്ന ശബ്ദം അവിടമാകെ പ്രതിധ്വനിച്ചു...

തൊട്ടടുത്ത നിമിഷം, സച്ചിൻ തന്റെ വാളിന്റെ പിടിയ്ക്ക് ഒന്നുകൂടി ശക്തി കൊടുത്ത് പൂർണ്ണമായൊരു വട്ടം കറങ്ങി ഒറ്റ വെട്ട്! മാംസവും അസ്ഥിയും വെട്ടിനുറുക്കപ്പെടുന്ന ക്രൂരമായ ശബ്ദം ആ മുറ്റത്ത് മുഴങ്ങി.

നരിമാടന്റെ